«باتىس ەۋروپا - باتىس قىتاي» كولىك ٴدالىزىنىڭ قۇرىلىسى ماسەلەلەرى تالقىلاندى

استانا. 2 ناۋرىز. baq.kz - 1 ناۋرىزدا قحر-داعى قر توتەنشە جانە وكىلەتتى ەلشىسى شاحرات نۇرىشەۆ «china general technology holding co.ltd» (genertec) كومپانياسىنىڭ ۆيسە-پرەزيدەنتى تان سينحۋەيمەن (tan xinghui) «باتىس ەۋروپا - باتىس قىتاي» جوباسىن جۇزەگە اسىرۋ ماسەلەلەرى مەن ينفراقۇرىلىمدىق سالاداعى ىنتىماقتاستىق مۇمكىندىكتەرىن تالقىلادى. 

«قازاقستان مەن قىتايدى دوستىق قارىم-قاتىناس بايلانىستىرىپ وتىر. وسىنىڭ ارقاسىندا وتكەن جىلى ەكى ەل اراسىنداعى بارلىق باعىت بويىنشا ىنتىماقتاستىق جوعارى دەڭگەيگە شىقتى»، - دەدى كەزدەسۋدە تان سينحۋەي.

قازاقستاندىق ديپلومات تان سينحۋەيگە 2015-2019 جىلدارعا ارنالعان قازاقستان رەسپۋبليكاسىنىڭ مەملەكەتتىك يندۋستريالدىق-يننوۆاسيالىق دامۋ باعدارلاماسىنىڭ نەگىزگى تۇستارى، «نۇرلى جول» جاڭا ەكونوميكالىق ساياسات پەن «جىبەك جولىنىڭ ەكونوميكالىق بەلدەۋى» باعدارلامالارىنداعى ٴتۇيىسۋ جەرلەرى، سونىمەن قاتار قازاقستاندى باسەكەگە قابىلەتتى ەڭ دامىعان 30 ەلدىڭ قاتارىنا كىرگىزۋگە باعىتتالعان «2050 ستراتەگياسىنىڭ» جۇزەگە اسۋى جايلى اڭگىمەلەپ بەردى.

جيىندا تاراپتار كولىك، قالالىق جانە تۇرعىن ينفراقۇرىلىمىنىڭ قۇرىلىسى سالاسىنداعى ىنتىماقتاستىقتى ارى قاراي دامىتۋ بويىنشا ٴوزارا پىكىر الماستى. تان سينحۋەي قازاقستانعا قۇيىلاتىن ينۆەستيسيالار كولەمىن ارتتىرۋعا قىزىعۋشىلىق تانىتتى.

ەسكە سالا كەتەيىك، «باتىس ەۋروپا - باتىس قىتاي» اۆتوماگيسترال جوباسىن «china general technology holding co.ltd» (genertec) ەنشىلەس كومپانياسى «سينسين» كورپوراسياسى جۇزەگە اسىرادى.

«genertec» 1998 جىلى ناۋرىزدا قۇرىلعان.  

فوتو: astanafm.kz

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!