ب. ەرمەكبايەۆا: «نۇرلى جول» - بولاشاقتىڭ باعدارشامى

استانا. 13 قاراشا. baq.kz – ەلباسى نۇرسۇلتان نازاربايەۆتىڭ قازاقستان حالقىنا جولداعان «نۇرلى جول» جولداۋى - تۇراقتى دامۋ جانە ادامزات قاۋىپسىزدىگىن قامتاماسىز ەتەتىن بولاشاقتىڭ باعدارشامى. بۇل تۋرالى پىكىرىمەن ٴال-فارابي اتىنداعى ٴقازۇۋ-دىڭ ەكونوميكا جانە بيزنەس جوعارى مەكتەبىنىڭ دەكانى، ەۋرازيا حالىقارالىق اكادەمياسىنىڭ اكادەميگى، قازاقستاننىڭ ەڭبەك سىڭىرگەن قايراتكەرى ەرمەكبايەۆا بايان ٴبولىستى.

«ەلباسى ن.نازاربايەۆتىڭ قازاقستان حالقىنا جولداعان «نۇرلى جول» جولداۋىن تۇراقتى دامۋ جانە ادامزات قاۋىپسىزدىگىن قامتاماسىز ەتەتىن بولاشاقتىڭ باعدارشامى دەپ قابىلدايمىن. بۇگىندە بۇكىل الەم ساياسي جانە ەكونوميكالىق تۇراقسىزدىقتىڭ قارجى-ەكونوميكالىق داعدارىستىڭ جاڭا قاتەرلەرىنە تاپ بولۋدا. مۇنداي جاعدايدى تەرەڭ تۇسىنگەن، جاھاندىق داعدارىستىڭ شىرعالاڭىنىڭ شەشۋىن تابۋ جولدارىن ايقىن كورە بىلەتىن ۇلت كوشباسشىسى ن.ٴا.نازاربايەۆ ەكونوميكالىق ساياساتتى قايتا باعدارلاۋ قاجەتتىلىگىن كورسەتىپ وتىر. قازاقستاننىڭ جاڭا ەكونوميكالىق ساياساتى «نۇرلى جول» ەل ەكونوميكاسىنىڭ قۇرىلىمدىق رەفورماسىن جالعاستىرا وتىرىپ، ەكونوميكانى قايتا قۇرۋعا باعىتتالعان. ٴوز جولداۋىندا ەلباسى جاڭا ەكونوميكالىق ساياساتتىڭ وزەگى رەتىندە - ينفراقۇرىلىمدى دامىتۋ اياسىن اتاپ كورسەتتى. ونىڭ ىشىندە جول قاتىناسىنىڭ ايرىقشا ماڭىزدىلىعىن كورسەتۋى بۇل سالانىڭ ەكونوميكالىق دامۋدىڭ ٴتيىمدى قۇرالى ەكەندىگىن دالەلدەيدى»، - دەدى ول.

«ٴقازىر دە قايناعان تىرشىلىك كۇرە جولدىڭ بويىندا. جول - شىن مانىندە ٴومىردىڭ وزەگى، باقۋاتتى تىرشىلىكتىڭ قاينار كوزى. بارلىق ايماقتار تەمىر جولمەن، تاس جولمەن، اۋە جولىمەن ٴوزارا تىعىز بايلانىسۋى كەرەك. استانادا توعىسقان توعىز جولدىڭ تورابى ەلوردانىڭ جاسامپازدىق رۋحىن تاراتاتىن ٴومىر-تامىرعا اينالۋى ٴتيىس. ايماقتاردىڭ ٴوزارا بايلانىسىن جاقسارتۋ ەلدىڭ ىشكى الەۋەتىن ارتتىرادى. وبلىستاردىڭ بىر-بىرىمەن ساۋدا ساتتىعىن، ەكونوميكالىقبايلانىستارىن نىعايتادى. ەل ىشىنەن تىڭ نارىقتار اشادى. وسىلاي، الىستى جاقىن ەتۋ - بۇگىنگى جولداۋدىڭ ەڭ باستى ٴتۇيىنى بولماق» دەگەن ەلباسىنىڭ تۇجىرىمى ەكونوميكالىق دامۋدىڭ جاڭا باعىتىن ايقىنداپ وتىر.

جاڭا نارىقتىڭ قالىپتاسۋى، ايماقتىق ەكونوميكالىق بايلانىستاردىڭ نىعايۋى الەۋمەتتىك ينفراقۇرىلىمدى دامىتادى.

ال الەۋمەتتىك ينفراقۇرىلىمدى دامىتۋ - ادامزات ٴۇشىن، ادامي كاپيتالدى دامىتۋدىڭ باستى جولى»، - دەپ سانايدى مامان.

مەملەكەت باسشىسىنىڭ ٴبىلىم بەرۋ سالاسى تۋرالى ايتقان تۇيدەك-تۇيدەك ويلارى ساراپشىلار تاراپىنان ۇلكەن قولداۋ تاۋىپ وتىر.

«ٴبىلىم سالاسىنداعى ولقىلىقتاردى جويۋ ماقساتىندا ەلباسى ۇكىمەتكە بۇل سالاعا قوسىمشا 70 ملرد. تەڭگە كولەمىندە قارجى ٴبولۋدى تاپسىردى. مەكتەپكە دەيىنگى ٴبىلىم بەرۋ سالاسىنا دا، ٴۇش جىلدىڭ ىشىندە قوسىمشا 20 ملرد. تەڭگە قارجى بولىنەتىن بولدى. ەلىمىزدەگى 10 جوعارعى وقۋ ورنى يندۋسترياليزاسيالاۋ باعدارلاماسى اياسىندا عىلىم مەن ەكونوميكا سالالارىنىڭ بايلانىسىن قامتاماسىز ەتەتىن جانە ماماندار دايارلايتىن جوعارى وقۋ ورىندارى بولىپقابىلدانعان بولاتىن. ەلباسى «نۇرلى جول» جولداۋىندا بۇل ماسەلەگە دە كورەگەندىكپەن قاراپ، 10 جوعارى وقۋ ورىندارىنىڭ ماتەريالدىق-تەحنيكالىق بازاسىن قالىپتاستىرۋعا 2017 جىلعا دەيىن 10 ملرد. تەڭگە قارجى ٴبولۋدى ۇكىمەتكە جۇكتەدى. مۇنداي قامقورلىق، ٴبىلىم-عىلىم سالاسىنا دەگەن پرەزيدەنتىمىزدىڭ ەرەكشە نازارى، ٴال-فارابي اتىنداعى قازاق ۇلتتىق ۋنيۆەرسيتەتىنىڭ ۇجىمىنىڭ قىزمەتىنە جاڭا سەرپىلىس بەرەدى جانە جاڭا بەلەستەردى الۋعا ۇمتىلدىرادى. قازاقستان تاۋەلسىزدىگىنىڭ العاشقى جىلدارىنان باستاپ ۇلت كوشباسشىسى ن.ٴا. نازاربايەۆ شاعىن جانە ورتا بيزنەستى قولداۋ ماسەلەسىن ەشقاشان نازاردان تىس قالدىرعان ەمەس. بۇل سالاعا ەلباسى تاعى دا ۇلكەن قامقورلىق كورسەتىپ، جولداۋدا نەسيە الۋدىڭ بۇرىن بولماعان جەڭىلدەتىلگەن شارالارىن دا اتاپ كورسەتتى. كەزىندە ەلباسىنىڭ كورەگەندىك ساياساتىنىڭ ناتيجەسىندە قۇرىلعان ۇلتتىق قور بۇگىنگى تاڭدا تۇراقتى دامۋدىڭ كەپىلى بولىپ وتىرعانىن بۇكىل الەم مويىندادى. قورىتا ايتقاندا «نۇرلى جول» جاڭا ەكونوميكالىق ساياسات ەكونوميكامىزدىڭ دامۋىنىڭ قوزعاۋشى كۇشى جانە باعدارشامى دەگىمىز كەلەدى. جولداۋدىڭ ماقساتى - ادام ٴومىرىنىڭ ساپاسىن ارتتىرۋ، ٴاربىر قازاقستاندىقتىڭ ٴومىرىنىڭ ساپالى، ۇزاق، جەمىستى بولۋى»، - دەپ قورىتىندىلادى ٴوز ٴسوزىن ب. ەرمەكبايەۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!