استانا: 
703 
0
استانا. 6 قازان. baq.kz – بيىل «جۇمىسپەن قامتۋ جول كارتاسى 2020» باعدارلاماسىنىڭ اياسىنداعى شارالاردى جۇزەگە اسىرۋ ٴۇشىن اتىراۋ وبلىسىندا 1 ملرد. 227 ملن تەڭگە قاراستىرىلدى دەپ حابارلايدى قر ٴدسادم ٴباسپاسوز قىزمەتى.
«جقجك 2020» باعدارلاماسىنىڭ ٴبىرىنشى باعىتى بويىنشا (ينفراقۇرىلىم مەن تۇرعىن ۇي-كوممۋنالدىق شارۋاشىلىقتى دامىتۋ نەگىزىندەگى جۇمىسپەن قامتۋ) 437،9 ملن. تەڭگەگە الەۋمەتتىك ينفراقۇرىلىم سالاسىندا 20 نىسان سالىنىپ، 199 ادام جۇمىسپەن قامتىلدى.
باعدارلامانىڭ ەكىنشى باعىتى بويىنشا (تىرەك اۋىلدارى مەن كاسىپكەرلىكتى دامىتۋ نەگىزىندە جۇمىس ورىندارىن اشۋ) 203 اتىراۋلىق ازامات جالپى سوماسى 500،7 ملن. تەڭگەنى قۇرايتىن ميكرونەسيە، ونىڭ ىشىندە 96 ادام 237،4 ملن. تەڭگە كولەمىندە قايتارىلعان قارجى ەسەبىنەن قايتا ميكرونەسيە الدى.
باعدارلامانىڭ ٴۇشىنشى باعىتىن جۇزەگە اسىرۋ ماقساتىندا (جۇمىس بەرۋشىنىڭ سۇرانىسى شەڭبەرىندە وقىتۋ مەن قونىس اۋدارۋ ەسەبىنەن جۇمىسپەن قامتۋ) 289 ملن-عا جۋىق تەڭگە قاراستىرىلدى.
سونىمەن، اعىمداعى جىلى 572 ادام جاستار پراكتيكاسىنىڭ اياسىندا الەۋمەتتىك جۇمىس ورىندارىنا جۇمىسقا تۇرسا، 455 وبلىس تۇرعىنى كاسىبي ٴبىلىم الىپ، 28 ازامات قايتا دايارلاۋ كۋرستارىنا جىبەرىلدى.
ەستەرىڭىزگە سالا كەتەيىك، رەسپۋبليكادا اعىمداعى جىلى باعدارلامانى ىسكە اسىرۋعا 37،3 ملرد. تەڭگە (2014 ج. – 94،3 ملرد. تەڭگە، 2013 ج. – 102،9 ملرد. تەڭگە، 2012 ج. – 57،6 ملرد. تەڭگە) قاراستىرىلعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0