استانادا تكش جاقسارتۋ بويىنشا كەشەندى جۇمىستار جۇرگىزىلەدى

استانا. 13 قاراشا. baq.kz – 11 قاراشادا مەملەكەت باسشىسى نۇرسۇلتان نازاربايەۆ «نۇرلى جول - بولاشاققا باستار جول» قازاقستان حالقىنا جولداۋىندا تۇرعىن ۇي-كوممۋنالدىق ينفراقۇرىلىمدى جاڭعىرتۋ قاجەتتىلىگىنە باسا نازار اۋداردى. پرەزيدەنت جىلۋمەن جانە سۋمەن قامتۋ جۇيەلەرىن جاڭعىرتۋ قارقىنىن ارتتىرۋ ٴۇشىن قوسىمشا بيۋدجەتتىك باعدارلامالاردى ٴبولۋ قاجەتتىلىگىنە توقتالدى. 

استانا قالاسىنىڭ تۇرعىن ۇي-كوممۋنالدىق شارۋاشىلىق جاعدايىن جاقسارتۋ، ينجەنەرلىك جەلىلەردى جانە جىلۋمەن جانە سۋمەن قامتۋ جۇيەلەرىن جەتىلدىرۋ ەلوردانى دامىتۋدىڭ باسىمدى باعىتتارىنىڭ ٴبىرى بولىپ تابىلادى. وسى ماقساتتا ينجەنەرلىك جەلىلەردى جوندەۋ جۇمىستارى جۇرگىزىلىپ، تكش جاڭعىرتۋ مەملەكەتتىك باعدارلاماسى جۇزەگە اسىرىلىپ جاتىر. سونىمەن قاتار، قالالىق ينفراقۇرىلىمدى دامىتۋ ٴۇشىن «smart astana» - «اقىلدى قالا» تۇجىرىمداماسى اياسىندا «سمارت-سۋ قۇبىرلارى» جوباسىن ىسكە اسىرۋ كوزدەلگەن. بۇل سۋ شىعىنىن 21%-دان 8% دەيىن ازايتۋعا مۇمكىندىك بەرەدى.

بۇرىن حابارلانعانداي، استانادا تكش جاڭعىرتۋ باعدارلاماسى بويىنشا 20 كوپپاتەرلى تۇرعىن ٴۇي جوندەلدى. اتاپ ايتقاندا، 12 تۇرعىن ٴۇي الماتى اۋدانىندا، 8 سارىارقا اۋدانىندا ورنالاسقان. جالپى، 1 713 پاتەر.

باعدارلاما اياسىندا كەلەسى جىلى كۇردەلى جوندەۋ جۇمىستارىن جۇرگىزۋگە (رەسپۋبليكالىق بيۋدجەت قارجىسى ەسەبىنەن) 31 ٴوتىنىم، ال جۇمىستاردىڭ جەكەلەگەن تۇرلەرىن ورىنداۋعا (قايتارىلعان قارجىعا) 21 ٴوتىنىم كەلىپ تۇسكەن. سونىڭ ىشىندە 10 تۇرعىن ۇيدە جەدەل ساتىلاردى اۋىستىرۋ قاجەت، قالعان 11 ٴۇيدىڭ توبەسى جوندەلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!