استانا اۋەجايى تۇراق ورىندارىن 850-گە دەيىن ۇلعايتادى - نۇرلى جول|30 مامىر 2017، 18:04
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانا اۋەجايى تۇراق ورىندارىن 850-گە دەيىن ۇلعايتادى

ەلوردا اۋەجايى كولىك قوياتىن تۇراق اۋماعىن ەداۋىر كەڭەيتتى. اۋەجايدا تۇرعىزىلىپ جاتقان جاڭا تەرمينال جانىندا قوسىمشا تۇراق سالۋ جۇمىستارى قارقىندى ٴجۇرىپ جاتىر. بۇل جەرگە زاماناۋي قۇرىلعىلار ورناتىلادى، ال اۆتوكولىكتەردى قويۋ ۋاقىتىن كومپيۋتەر بەلگىلەيدى، دەپ حابارلايدى baq.kz ەلوردا اكىمدىگىنىڭ رەسمي سايتىنا سىلتەمە جاساپ.

بۇل جۇمىستاردىڭ بارلىعى، الدىمەن، «ەكسپو» كورمەسىنە كەلەتىن قوناقتارعا قولايلى بولۋى ٴۇشىن جۇرگىزىلىپ جاتقانىن ايتتى، «استانا حالىقارالىق اۋەجايى» اق سەرۆيستىك قىزمەت باسشىسى ٴانۋار احمەت قالا اكىمدىگىنىڭ مەديا-ورتالىعى تىلشىسىنە بەرگەن سۇحباتىندا.

«اۋەجايداعى ۆوكزال ماڭىن قايتا قۇرۋ جانە جاڭا جولاۋشىلار تەرمينالىن سالۋ جۇمىستارى باستالماي تۇرعاندا، 351 تۇراق ورنى بولعان. اتالعان جۇمىستار اياقتالعان سوڭ كولىك قوياتىن ورىن سانى 850-گە دەيىن ۇلعايتىلادى»، - دەدى ٴا.احمەت.

استانا اۋەجايىنداعى جاڭا تەرمينال مەن ۆوكزال ماڭىنداعى قۇرىلىس ٴساۋىر ايىنىڭ اياعىندا باستالدى. قازىرگى ۋاقىتتا جۇمىس اياقتالۋعا جاقىن – اسفالت توسەلىپ، جولاقتار سالىنىپ جاتىر، سونداي-اق، ەڭ جوعارى ساپالى ستاندارتتارعا ساي جول بەلگىلەرى مەن قۇرىلعىلار ورناتىلۋدا.

«جاڭا تۇراقتىڭ قۇرىلعىلارى skidata كومپانياسىنان. بۇل ەۋروپالىق ستاندارت. تولەمدەردىڭ كوبى بانكينگ، كارتا، ينتەرنەت ارقىلى جۇرگىزىلەدى. جۇيەنى ورناتۋ جانە جاڭا قۇرىلعىلاردى جوندەۋ جۇمىستارىن جاقىن ارادا تولىق اياقتايمىز»، - دەدى ەلوردا اۋەجايىنىڭ وكىلى.

ونىڭ ايتۋىنشا، ۆوكزال ماڭىن قايتا قۇرۋ جۇمىستارى اياقتالعان سوڭ وتكىزۋ پۋنكتەرى ٴۇش ەسەگە دەيىن ۇلعايماق. «ەكسپو» كورمەسىنە كەلەتىن قوناقتاردىڭ ىڭعايلىعى ٴۇشىن قادىم جەرلەردە رەسمي تاكسيلەر تۇرادى. ولار ٴۇشىن اۋەجاي الدىندا ارنايى ورىندار قاراستىرىلعان. مۇنداي تاكسيلەردىڭ بارلىعىنا «friendly taxi» ٴبىرىڭعاي كىرىكتىرىلگەن جۇيە ورناتىلادى، سول ارقىلى «ەكسپو» تۋريستەرى ٴۇشىن تىلدىك كەدەرگى ماسەلەسى جويىلماق.

«ۆوكزال ماڭىن قايتا قۇرۋ جۇمىستارى باستالماي تۇرىپ، مۇندا 10 كىرىپ-شىعاتىن جول مەن شلاگباۋم بولعان، ياعني كىرەتىن 4، شىعاتىن 6 جول، ال ٴقازىر 30 وتكىزۋ پۋنكتى بار. ولار – 18 كىرەتىن، 12 شىعاتىن پۋنكتەر»، - دەپ ٴتۇسىندىردى استانا حالىقارالىق اۋەجايىنىڭ سەرۆيستىك قىزمەت باسشىسى.

جاڭا كولىك قوياتىن ورىندا تاۋلىك بويى كەزەكپەن 35 ادام جۇمىس ىستەيدى. قۇرىلىس جۇمىستارىنا 300-گە جۋىق ادام، 10 كاماز، ارنايى تەحنيكالار مەن اسفالت توسەگىش كولىكتەر تارتىلدى.

وسىعان دەيىن قالا اكىمدىگىنىڭ مەديا-ورتالىعى استانا اۋەجايىنداعى جاڭا تەرمينال ماۋسىم ايىنىڭ باسىندا اشىلاتىنىن حابارلاعان بولاتىن. جوبا «نۇرلى جول» باعدارلاماسىنىڭ اياسىندا جۇزەگە اسۋدا ٴارى اۋە ايلاعىنداعى وتكىزۋ قابىلەتىن 2،5 ەسەگە دەيىن ۇلعايتىپ، «ەكسپو» كورمەسى كەزىندە جولاۋشىلار سۇرانىسىن قاناعاتتاندىرۋ ٴۇشىن جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي