اسكەري قىزمەتشىلەر باسپانالى بولدى (فوتو)

استانا. 5 قازان. baq.kz – اقمول ەلدى مەكەنىندە ورنالاسقان 44813 اسكەري بولىمىندە اسكەري قىزمەتشىلەرگە جاڭادان قالپىنا كەلتىرىلگەن جاتاقحانا كىلتىن سالتاناتتى تۇردە تابىستاۋ ٴراسىمى ٴوتتى.  

جاڭا قالپىنا كەلتىرىلگەن ەكى قاباتتى كىرپىش ٴۇي اسكەري ٴبولىم اۋماعىندا ورنالاسقان. عيمارات 1982 جىلى سالىنعان، وندا مەرزىمدى قىزمەت ساربازدارىنىڭ جاتاقجايى ورنالاسقان.

ٴۇيدىڭ ٴتۇرعىن جاتاقحانا رەتىندە تولىق قالپىنا كەلتىرىلۋىن جۇرگىزگەن، جوندەۋ جۇمىستارى 3 ٴبىر بولمەلى جانە 35 ەكى بولمەلى پاتەردە اقمولا اۋداندىق پايدالانۋ ٴبولىمىنىڭ كۇشىمەن جۇرگىزىلدى. پاتەرلەر ٴىشىنارا جيھازداندىرىلعان، شكافتار مەن ەلەكتر پليتالارى ورناتىلعان.

«تۇرعىن ٴۇي ماسەلەسى اسكەري قىزمەتشىلەردىڭ ەرتەڭگى كۇنگە دەگەن سەنىمدىلىك كەپىلى. جەكە قۇرامنىڭ قىزمەتتە قايتارىمى جانە تالپىنىسى بولادى، تۇرمىستىق ماسەلەلەرگە الاڭداماي قويىلعان تاپسىرمالاردى ورىندايدى»، – دەپ اتاپ ٴوتتى اقك باس قولباسشىسىنىڭ تاربيە جانە يدەولوگيالىق جۇمىستار جونىندەگى ورىنباسارى پولكوۆنيك تۇرالى قويشىقۇلوۆ.

تۇرعىن ۇيمەن قامتاماسىز ەتۋ اسكەري قىزمەتشىلەر مەن ولاردىڭ وتباسى مۇشەلەرىن قۇقىقتىق جانە الەۋمەتتىك قورعاۋ جونىندەگى اسكەري ۆەدومستۆو باسشىلىعىنىڭ باستى مىندەتتەرىنىڭ ٴبىرى بولىپ تابىلادى. قازىرگى ۋاقىتتا اسكەري قىزمەتشىلەردى تۇرعىن ۇيمەن قامتاماسىز ەتۋ تۇرعىن ٴۇيدى سالۋ، ساتىپ الۋ، سونداي-اق كۇردەلى جوندەۋ ەسەبىنەن جۇزەگە اسىرىلادى. جاتاقحانانى پايدالانۋعا بەرۋ اسكەري قىزمەتشىلەر مەن ولاردىڭ وتباسى مۇشەلەرىنىڭ تۇرعىن ٴۇي ماسەلەلەرىن شەشۋدەگى اسكەري ۆەدومستۆانىڭ كەزەكتى قادامى بولدى.  

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!