BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك: الماتى ستانسياسىن اينالىپ وتەتىن تەمىرجول جەلىسى سالىنادى

ينۆەستيسيالار جانە دامۋ مينييسترلىگى جەتەكشىلىك ەتەتىن سالالاردا مەملەكەتتىك-جەكەمەنشىك ارىپتەستىك مەحانيزمى بويىنشا 44 جوبا پىسىقتالۋدا جانە ىسكە اسىرۋ كەزەڭىندە. بۇل تۋرالى مينيسترلىك باسشىسى ۇكىمەت وتىرىسىندا جاساعان بايانداماسىندا ايتتى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، «ۇلكەن الماتى اينالما جولىنىڭ (ٴۇاااج)» قۇرىلىسى بويىنشا كونسورسيۋم دايىندىق جۇمىستارىنا كىرىستى. بيىل مامىر ايىندا قۇرىلىس-مونتاجداۋ جۇمىستارى باستالادى.

مينيسترلىك اينالما اۆتوموبيل جولىنىڭ قۇرىلىسىمەن قاتار الماتى ستانسياسىن اينالىپ وتەتىن ۇزاقتىعى 74 شاقىرىم تەمىرجول جەلىسى جوباسىنىڭ قۇرىلىسىن سالۋ دايىندىعىن باستادى. قازىرگى ۋاقىتتا جوبانىڭ تەحنيكالىق-ەكونوميكالىق نەگىزدەمەسىن تۇزەتۋ جۇمىستارى اياقتالدى جانە مەملەكەتتىك ساراپتاما جۇرگىزىلۋدە.

«بۇنىمەن قاتار كونكۋرستىق قۇجاتتاما ازىرلەنۋدە. ينۆەستوردى انىقتايتىن كونكۋرستى وتكىزۋ بيىل قاراشا ايىنا جوسپارلانىپ وتىر. جالپى تەمىرجول جەلىسىن سالۋ قۇنى 96،6 ملرد تەڭگە. ۇزاقتىعى – 74 شاقىرىم. جوبا قۇرامىنا توراپتىق ستانسيالاردى سالۋ جانە رەكونسترۋكسيالاۋ، رازەز بەن جەلىلەردىڭ قۇرىلىسى، ولارعا ەلەكتر جۇيەسىن تارتۋ كىرەدى»، - دەپ اتاپ ٴوتتى قر ينۆەستيسيالار جانە دامۋ ٴمينيسترى جەڭىس قاسىمبەك.

بۇدان بولەك، مينيسترلىك ٴمجا مەحانيزمى بويىنشا «الماتى-قورعاس» اۆتوموبيل جولى ۋچاسكەسىندە (باتىس ەۋروپا – باتىس قىتاي) «نۇر جولى» وتكىزۋ پۋنكتىن سالۋ جانە پايدالانۋ» جوباسىن، ۇزاقتىعى 254 شاقىرىم بولاتىن «وڭتۇستىك قازاقستان وبلىسىندا جۇردەك اۆتوموبيل جولدارىن سالۋ جانە پايدالانۋ» كونسەسسيالىق جوباسىن، اۋە جۇك تاسىمالى سالاسىندا قاعازسىز قۇجات اينالىمنىڭ اقپاراتتىق جۇيەسىن ەنگىزۋ جانە بەيىمدەۋ (e-freight)، اۋە جولاۋشىلارى تۋرالى مالىمەتتەردى جيناۋدىڭ اۆتوماتتاندىرىلعان جۇيەسىن قۇرۋ سياقتى جوبالاردى ىسكە اسىرۋدا.

مينيسترلىك ايماقتارمەن، ەۋروپالىق قايتا قۇرۋ جانە دامۋ بانكىمەن بىرلەسە وتىرىپ، تۇرعىن ۇي-كوممۋنالدىق شارۋاشىلىعى سالاسىنا مەملەكەتتىك-جەكەمەنشىك ارىپتەستىك جوبالارىن كەزەڭ-كەزەڭمەن ىسكە اسىرۋ مودەلىن ۇسىنادى. قازىرگى ۋاقىتتا بارلىق ايماقتاردا مەملەكەتتىك-جەكەمەنشىك ارىپتەستىكتىڭ ٴتۇرلى فورمالارىن ەنگىزۋ بويىنشا 33 پيلوتتىق جوبا ىرىكتەلدى.

سونداي-اق، مينيسترلىك وڭىرلەرمەن بىرلەسىپ ەنەرگيانى ۇنەمدەۋ سالاسىندا جالپى سوماسى 9،7 ملرد تەڭگەنىڭ 3 جوباسىن جۇزەگە اسىرۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي