استانا: 
767 
0
استانا. 15 اقپان. baq.kz – بيىل «نۇرلى جول» مەملەكەتتىك باعدارلاماسى اياسىندا اۆتوكولىك جولدارى جوبالارىن ىسكە اسىرۋعا 100 مىڭنان اسا ادام تارتىلادى. ال 2017-2019 جىلدارى بارلىق جوبالاردى قوسقاندا شامامەن 200 مىڭ جۇمىس ورنى قۇرىلادى.
سونىمەن بىرگە جوبالاردى جۇزەگە اسىرۋعا سەمەنت، بيتۋم، ينەرتتى ماتەريالدار جانە تەمىربەتون ونىمدەرىن شىعاراتىن بارلىق وتاندىق ٴوندىرىس ورىندارى تارتىلادى.
2016 جىلى باتىس ەۋروپا – باتىس قىتاي كولىك دالىزىندە، بەينەۋ – شەتپە، استانا – تەمىرتاۋ، الماتى – قاپشاعاي، قاپشاعاي – تالدىقورعان ۋچاسكەلەرىندە قوزعالىس تولىق اشىلىپ، ەرتىس وزەنىنىڭ ۇستىنەن سالىناتىن كوپىردىڭ قۇرىلىسى تولىق اياقتالادى. بارلىق جوبالاردىڭ ۇزىندىعى 1 مىڭ شاقىرىم.
«نۇرلى جول» مەملەكەتتىك باعدارلاماسى اياسىندا حاب-قالالاردى ساۋلە سياقتى تارايتىن ساپالى جانە ٴتيىمدى كولىكتىك جولدارمەن بايلانىستىرۋ ٴۇشىن 11 اۆتوكولىك جولدارى جوبالارىن جۇزەگە اسىرۋ كوزدەلگەن. 7 مىڭ كم. اۆتوكولىك جولى ٴى جانە ٴىى تەحنيكالىق ساناتقا كوشەدى.
ايتا كەتەيىك، وتكەن جىلعى جۇمىستار 8 جوبا بويىنشا جۇرگىزىلدى: باتىس ەۋروپا – باتىس قىتاي، ورتالىق-وڭتۇستىك، ورتالىق-شىعىس، ورتالىق-باتىس، الماتى-وسكەمەن، استانا-پەتروپاۆل، اقتوبە-اتىراۋ، ورال-كامەنكا. جول-قۇرىلىس جۇمىستارى 2 مىڭ كم. قامتىدى. جوبالاردى جۇزەگە اسىرۋعا 72 مىڭ ادام تارتىلدى.
جالپى 2015 جىلى ٴى جانە ٴىى تەحنيكالىق ساناتتاعى 456 كم. جول سالىنىپ، قايتا جوندەلدى. باتىس ەۋروپا-باتىس قىتاي جوباسىنىڭ 144 شاقىرىمىندا، ورتالىق-وڭتۇستىكتىڭ – 62 كم، ورتالىق-شىعىستىڭ -100 كم جانە ورتالىق-باتىستىڭ – 52 شاقىرىمىندا جۇمىستار اياقتالدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0