استانا: 
1213 
0
استانا. 20 ناۋرىز. baq.kz - اقتوبە قالاسىندا بالالارعا ارنالعان سپورت كلۋبىنىڭ اشىلۋ سالتاناتى ٴوتتى. كلۋب اقتوبە قالاسىنىڭ بەلسەندى دامىپ جاتقان بولىگى - باتىس-2 شاعىن اۋدانىندا ورنالاسقان، دەپ حابارلايدى baq.kz.
«قازاقستان يپوتەكالىق كومپانياسى» يۇ» اق ينفراقۇرىلىمدى دامىتۋدىڭ «نۇرلى جول» مەملەكەتتىك باعدارلاماسى اياسىندا وپەراتورلاردىڭ ٴبىرى بولا وتىرىپ، ساتىپ الۋ قۇقىعىمەن جالعا بەرىلەتىن تۇرعىن ۇيلەردى سالۋ/ساتىپ الۋدى قارجىلاندىرۋدى قامتاماسىز ەتەدى. اتاپ ايتقاندا، كومپانيا جاو-دا كەزەكتە تۇرعاندار ٴۇشىن باتىس-2 شاعىناۋدانىندا ورنالاسقان ۇيدەن جالپى اۋدانى 17 394،1 ش.م. بولاتىن 262 پاتەردى ساتىپ الدى.
پاتەرلەر تازا ارلەنگەن، سانتەحنيكالىق قۇرالدارمەن جانە اس ۇيگە ارنالعان پليتالارمەن «نۇرلى جول – بولاشاققا باستار جول» اتتى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قازاقستان حالقىنا جولداۋىن ىسكە اسىرۋ اياسىندا اقتوبە وبلىسىنداعى جاو-دا كەزەكتە تۇرعاندارعا بەرىلگەن.
باتىس-2 شاعىناۋدانىندا تۇرۋعا جايلى جاعدايلار جاساۋ ٴۇشىن قۇرىلىس سالۋشى - «سوللەرس» جشس كومپانياسىنىڭ قاتىسۋى ارقىلى جەرگىلىكتى اتقارۋشى ورگاندارىمەن ايماقتى اباتتاندىرۋ بويىنشا جۇمىستار جۇرگىزىلدى: كىرە بەرىس جولدار اسفالتتالدى، اۆتوبۋس ايالدامالارى ورناتىلدى. سونىمەن قاتار «سوللەرس» جشس مەملەكەتتىك-جەكە سەرىكتەستىك (مجس) اياسىندا بالالارعا ارنالعان سپورت كلۋبىن اشۋ ٴۇشىن كولەمى 400 ش.م. ٴۇي- جايدى اقتوبە قالاسىنا اقىسىز بەردى. وسىلايشا، وڭىرلەردى دامىتۋ باعدارلاماسىن ويداعىداي جۇزەگە اسىرۋ بارىسىندا تەك قانا جاو-دا كەزەكتە تۇرعاندارعا پاتەر بەرۋ عانا ەمەس قازاقستاندىقتاردىڭ جايلى ٴومىر ٴسۇرۋى ٴۇشىن جاعداي جاساۋدىڭ جاقسى ۇلگىسى كورسەتىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2430
0