اقتوبە وبلىسى «ورتالىق-باتىس» جوباسىن جۇزەگە اسىرۋعا كىرىسەدى

استانا. 5 ٴساۋىر. baq.kz - بۇل تۋرالى «اقتوبە اقپارات» ورتالىعىندا وتكەن ٴباسپاسوز ٴماسليحاتىندا اقتوبە وبلىسىنىڭ اكىمى بەردىبەك ساپاربايەۆ حابارلادى. ايتا كەتەيىك، وبلىس باسشىسى «100 ناقتى قادام» ۇلت جوسپارىنىڭ وبلىستا ورىندالۋ بارىسىنىڭ ارالىق قورىتىندىسىن جاريا ەتكەن بولاتىن. 

دالىرەك ايتقاندا، وبلىس اكىمى مەملەكەت باسشىسىنىڭ قازاقستاننىڭ حالىىقارالىق كولىك-كوممۋنيكاسيالىق اعىنعا ينتەگراسيالانۋىنا قاتىستى تاپسىرماسىن ورىنداۋعا بايلانىستى قانداي شارالار قولعا الىنىپ جاتقانى تۋرالى ايتىپ بەردى.

وسى ورايدا بەردىبەك ساپاربايەۆ 2013 جىلى ۇزىندىعى 628 شاقىرىم بولاتىن «باتىس ەۋروپا – باتىس قىتاي» حالىقارالىق كولىك ٴدالىزى تەلىمىنىڭ سالىنىپ، قولدانۋعا بەرىلگەندىگىن ەسكە سالدى.

كولىك ينفراقۇرىلىمىن دامىتۋعا بايلانىستى اۋقىمدى جوبالار وبلىستا 2016 جىلى دا جۇزەگە اسىرىلاتىن بولادى. ماسەلەن، «نۇرلى جول» مەملەكەتتىك باعدارلاماسى اياسىندا «اقتوبە-اتىراۋ-استراحان رف» اۆتوجولىنىڭ ٴبىزدىڭ وبلىس ارقىلى وتەتىن 319 شاقىرىمى قايتا سالىنادى. جولدىڭ وسى بولىگىندەگى قۇرىلىس-مونتاجداۋ جۇمىستارى بيىل باستالادى. جوبا 2020 جىلعا دەيىن اياقتالادى. 2016 جىلى بايعانين اۋدانى اۆتو جولدارىنىڭ 5 شاقىرىمى قايتا سالىنادى، وعان 1،2 ملرد تەڭگە قاراستىرىلىپ وتىر.

- باسىم جوبالاردىڭ قاتارىندا استانا مەن ارقالىق، تورعاي، ىرعىز، شالقار، قاندىاعاشتى جالعايتىن، ودان ٴارى اقتاۋ تەڭىز پورتىنا شىعاراتىن «ورتالىق – باتىس» جوباسى بار. قازىرگى ۋاقىتتا جوبانىڭ تەحنيكالىق-ەكونوميكالىق نەگىزدەمەسى دايىن. ونىڭ جۇزەگە اسىرىلۋى ٴبىزدىڭ وبلىس ٴۇشىن ماڭىزدى، ويتكەنى جوبا اسىندا وبلىستاعى ٴۇش اۋداننىڭ ەلدى مەكەندەرىندە كولىك قاتىناسى پايدا بولادى، بۇل ٴوز كەزەگىندە شاعىن جانە ورتا بيزنەستى ڭدامۋىنا ىقپال ەتەتىن بولادى، - دەپ اتاپ ٴوتتى بەردىبەك ساپاربايەۆ.

تاعى ٴبىر ماڭىزدى جوبا - «اقتوبە – ورسك» تاس جولىنىڭ قايتا سالىنۋى. ونداعى قۇرىلىس جۇمىستارى 2017 جىلى باستالادى دەپ كۇتىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!