استانا: 
867 
0
استانا. 13 قازان. baq.kz – اقمولا وبلىسىنىڭ اۋىلدارىنا «ديپلوممەن اۋىلعا» باعدارلاماسى بويىنشا 2009 جىلدان بەرى 2855 مامان كەلگەن. ونىڭ ٴ2152-بىلىم سالاسىنا، 536-دەنساۋلىق ساقتاۋ سالاسىنا، 86-مادەنيەت سالاسىنا، 50-ۆەتەريناريا سالاسىنا، 21 سپورت جانە 10 الەۋمەتتىك قامتاماسىز ەتۋ سالاسىنا.
بۇل تۋرالى بۇگىن سەرگەي كۋلاگيننىڭ توراعالىعىمەن وتكەن اپپاراتتىق جيىندا وبلىستىق ەكونوميكا جانە بيۋدجەتتىك جوسپارلاۋ ٴبولىمىنىڭ باسشىسى باۋىرجان مالعاجداروۆ باياندادى.
اتاپ ٴوتۋ كەرەك، باعدارلاما بويىنشا كەلگەن جاس ماماندارعا 319،7 ملن. تەڭگە كولەمىندە كوشەرپۇل بولىنگەن. ال 1027 مامان ٴۇي الۋ ٴۇشىن 2 ملرد. 142 ملن. تەڭگەگە بيۋدجەتتىك نەسيەلەر العان.
وعان قوسا، جىل باسىنان بەرى 305 مامان اقمولا وبلىسىنىڭ اۋىلدارىنا جول تارتقان. ولارعا بيۋدجەتتەن كوشەرپۇل رەتىندە 59،7 ملن. تەڭگە بولىنگەن.
سونداي-اق، اعىمداعى جىلى وڭىرلەردى قارجىلىق قولداۋ اياسىندا رەسپۋبليكالىق بيۋدجەتتەن 356 ملن. تەڭگە بولىنگەن، بۇل قاراجات 202 اۋىلداعى 225 جوبانىڭ جۇزەگە اسىرىلۋىن قامتاماسىز ەتتى. بۇگىندە 315،6 ملن. تەڭگەنىڭ 205 جوباسى جۇزەگە اسىرىلعان، قالعانى قازان ايىندا مارەسىنە جەتەدى دەپ كۇتىلۋدە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2431
0