ا.مامين بورجاقتى-ەرساي تەمىر جول جەلىسى قۇرىلىسىمەن تانىستى

استانا. 12 قازان. baq.kz - «قتج» ۇك» اق پرەزيدەنتى اسقار مامين مەن ماڭعىستاۋ وبلىسىنىڭ اكىمى اليك ايداربايەۆ «نۇرلى جول» باعدارلاماسى اياسىندا سالىنىپ جاتقان قۇرىق پاروم كەشەنى، اقتاۋ حالىقارالىق تەڭىز ساۋدا پورتىنىڭ سولتۇستىك باعىتتا كەڭەيتۋ، بورجاقتى-ەرساي تەمىر جول جەلىسى قۇرىلىسىمەن تانىستى دەپ حابارلايدى «قتج» ۇك» اق ٴباسپاسوز قىزمەتى. 

اسقار ماميننىڭ ايتۋىنشا، ماڭعىستاۋ وبلىسى وتە ماڭىزدى ترانزيتتىك كولىك الەۋەتىنە يە. قازاقستاننىڭ سولتۇستىك–وڭتۇستىك باعدارى بويىنشا ٴىرى كولىكتىك كوممۋنيكاسيالىق جەلى بولىپ سانالادى. وسى جەلى ارقىلى قازاقستاندى پارسى شىعاناعى، ينديا، پاكىستان، يران، تۇركمەنستان، رەسەي، ەۋروپا ەلدەرى مەن جالعايدى. سونداي-اق تراسەكا كولىكتىك ٴدالىزى ارقىلى قىتاي-قازاقستان، كاۆكاز، ەۋروپا كولىكتىك باعدارىن قوسادى.
قۇرىق پاروم كەشەنى قۇرىلىسى بيىلعى جىلدىڭ ساۋىرىندە باستالدى. جوبانىڭ العاشقى كەشەنىن 2016 جىلدىڭ جەلتوقسانىندا پايدالانۋعا بەرۋ جوسپارلانىپ وتىر. قازىرگى تاڭدا جەر قاباتىمەن جۇمىستار جۇرگىزىلىپ جاتىر. 2 ملن. 170 مىڭ تەكشە مەتر جەر قازىلدى. بۇل جالپى جۇمىستىڭ 70%-ى. پاروم كەشەنى جىلىنا 4 ملن. توننا جۇك وتكىزەتىن بولادى. ونىڭ ىشىندە حالىقشارۋاشىلىعى تاۋارلارى، استىق، مۇناي ونىمدەرى، تىڭايتقىش حيميكاتتار بار.
سونداي-اق، كاسپيي ايماعىنداعى شەكارالاس ەلدەردىڭ ونىمدەرى تاسىلادى.
قۇرىقتى جالعايتىن بورجاقتى-ەرساي تەمىر جول جەلىسى 15،1 شاقىرىم. بيىلعى شىلدەدەن باستاپ بۇل ماگيسترالدا جۇمىس قوزعالىسى باستالدى. ٴقازىر مۇندا 22،3 شاقىرىم جولدىڭ جوعارعى قاباتى توسەلدى. 16،6 شاقىرىم باستى جول جانە ستانسيالىق 5،7 شاقىرىم جول تولىق سالىنىپ اياقتالى. قاراشانىڭ اياعىنا دەيىن اۆتوموبيل وتكىزۋ بەكەتىنىڭ قۇرىلىسى اياقتالادى.
اقتاۋ حالىقارالىق ساۋدا پورتىن سولتۇستىك قاناتىنا قاراي كەڭەيتۋ، ونىڭ وتكىزۋ مۇمكىندىگىن ەداۋىر ارتتىرادى. جاڭا تەرمينالدا باستى جۇكتەرمەن بىرگە، كونتەينەرلەر استىق تاسىمالدايدى.
ماڭعىستاۋ وبلىسىنداعى «نۇرلى جول» جاڭا ەكونوميكالىق ساياساتى اياسىنداعى كولىكتىك، ينفراقۇرىلىمدىق جوبالار ەلىمىزدىڭ ترانزيتتىك الەۋەتىن ٴوسىرۋ ارقىلى قازاقستاننىڭ باسەكەلەستىككە ساي ەكونوميكاسىنىڭ قۋاتتى بولۋىنا جەتكىزەدى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!