ا.داۋلەتبەك: ەلىمىزدىڭ وڭتۇستىگى مەن باتىسىن جالعاعان اۋە رەيستەرىنە سۇرانىس جوعارى

استانا. 21 قازان. baq.kz – بۇل جونىندە بۇگىن قر پرەزيدەنتى جانىنداعى وكق بريفينگىندە اۋە كومپانيانىڭ كوممەرسيالىق ديرەكتورى ادەل داۋلەتبەك ٴمالىم ەتتى.

«بۇگىندە ەلىمىزدىڭ وڭتۇستىگى مەن باتىسىن جالعاعان اۋە رەيستەرىنە سۇرانىس جوعارى. بۇل باعىتتار بويىنشا جۇكتەمە ورتا ەسەپپەن اپتاسىنا 20-30 پايىزعا ارتىپ كەلەدى. «qazaq air» - الەۋمەتتىك باعدارلى كومپانيا. سوندىقتان اۋە بيلەتىنىڭ باعاسىن قاراپايىم وتانداستارىمىزعا قول جەتىمدى ەتتىك. وسىلايشا«qazaq air» كومپانياسىنىڭ ايماقتىق باعدارلى جولاۋشىلارعا جول شىعىنىن 40-50 پايىزعا، ال ساپار ۋاقىتىن 80-90 پايىزعا قىسقارتۋعا مۇمكىندىك تۋدى»، دەدى كومپانيا ديرەكتورى.

سونداي-اق، ول اعىمداعى جىلدىڭ قاراشا ايىنىڭ باسىندا الماتى مەن تالدىقورعان اراسىندا جانە تالدىقورعان مەن استانا قالالارىندا قاتىنايتىن جاڭا رەيستەردى اشىلاتىندىعىن حابارلادى.

«qazaq air» كومپانياسى ايماقتىق كومپانيا بولىپ تابىلادى جانە قازىرگى ۋاقىتتا تەك قازاقستاننىڭ ىشكى رەيستەرىن دامىتۋدى كوزدەۋدە. بۇگىن ٴبىز قاراشا ايىنىڭ باسىندا الماتى مەن تالدىقورعان اراسىندا جانە تالدىقورعان مەن استانا قالالارىندا قاتىنايتىن جاڭا رەيستەردى اشاتىندىعىمىزدى جاريالاعىمىز كەلەدى. بۇل بارلىعىمىز ٴۇشىن قۋانىشتى حابار دەپ ويلايمىن. ال، بەس جىلدىڭ ىشىندە قازاقستاندا اۋە كولىكتەرىندەگى جولاۋشىلاردىڭ سانى جىل سايىن 7 پايىزعا ارتادى دەگەن بولجام بار. بۇل دەگەن ٴسوز، بولاشاقتا قازاقستاندىقتار جەردەگى كولىككە قاراعاندا، نەگىزىنەن اۋە كولىكتەرى ارقىلى قاتىنايتىن بولادى»، دەدى ا.داۋلەتبەك.

ايتا كەتەيىك، «qazaq air» اۋە كومپانياسى قر پرەزيدەنتىنىڭ تاپسىرماسىمەن قۇرىلعان ەڭ العاشقى كومپانيانىڭ ٴبىرى. كومپانيا اكسيالارى 100 پايىز "سامۇرىق-قازىنا" اق يەلىگىندە. «qazaq air» اق ماقساتى - قازاقستاننىڭ ايماقتارىن اۋە قاتىناسىمەن جالعاپ، ولاردىڭ ەكونوميكالىق دامۋىنا سەپتىگىن تيگىزۋ.

دانا ساعىنبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!