استانا: 
788 
0
استانا. 14 قازان. baq.kz – بۇل تۋرالى بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە قر ينۆەستيسيالار جانە دامۋ مينيسترلىگى اۆتوموبيل جولدارى كوميتەتى ٴتوراعاسىنىڭ ورىنباسارى امانگەلدى بەكوۆ ايتتى.
– قازاقستان رەسپۋبليكاسىنلاعى اۆتوموبيل جولدارىنىڭ ۇزاقتىعى 128 مىڭ شاقىرىمدى قۇرايدى. ونىڭ 97،1 مىڭ شاقىرىمنان استامى جالپى پايدالانىمداعى اۆتوجولدار. جالپى پايدالانىمداعى اۆتوجولداردىڭ 23،5 مىڭ شاقىرىمى رەسپۋبليكالىق ماڭىزى بار جول بولسا، 73،6 مىڭ شاقىرىمى جەرگiلiكتi جەلiلەرگە جاتادى. 2013-2014 جىلدار ارالىعىندا جول قۇرىلىستارى مەن جالپى پايدالانىمداعى 22،4 شاقىرىم اۆتوجول سالىندى. ول ٴۇشىن بيۋدجەتتەن 1 تريلليون 400مىڭ تەڭگە ٴبولىندى. اۆتوجول سالاسىن ودان ٴارى دامىتۋ ماقساتىندا ٴساۋىر ايىندا ەلباسىنىڭ بۇيرىعىمەن «نۇرلى جول» باعدارلاماسى بەكىتىلدى. سول باعدارلامانىڭ نەگىزىندە اۆتوجول سالاسى بويىنشا 7 مىڭ شاقىرىم جول جوباسى ىسكە اسىرىلاتىن بولادى، – دەيدى امانگەلدى بەكوۆ.
كوميتەت ٴتوراعاسىنىڭ ايتۋىنشا، قازىرگى تاڭدا ەلىمىزدە رەسپۋبليكالىق دەڭگەيدە ماڭىزى بار بىرنەشە جول قۇرىلىسى ٴجۇرىپ جاتىر.
– اعىمداعى جىلى رەسپۋبليكالىق ماڭىزى بار اۆتوموبيل جولدارىنىڭ قۇرىلىسىن جاڭارتۋعا 300 ميلليارد تەڭگە ٴبولىندى. قازىرگى ۋاقىتتا «نۇرلى جول» شەڭبەرىندە باتىس قىتاي - باتىس ەۋروپا، استانا-الماتى، استانا-وسكەمەن، بەينەۋ-اقتاۋ، الماتى-وسكەمەن، استانا-پەتروپاۆل، ورال-كامەنكا جوبالارى ىسكە اسىرىلۋدا. بۇل جولداردىڭ قازىرگى كەزدە 2000 شاقىرىمى اياقتالعان. وسى جوبالاردىڭ نەگىزىندە 72 مىڭ جۇمىس ورنى قۇرىلىپ، وتاندىق جول قۇرىلىس ماتەريالدارىنىڭ سانى ۇلعايعان. سونداي-اق ،15 مىڭ جول-قۇرىلىس تەحنيكاسى تارتىلدى، – دەيدى كوميتەت ٴتوراعاسىنىڭ ورىنباسارى.
بەك تولەۋوۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2434
0