89،8 شاقىرىم اۆتوموبيل جولدارى جوندەلدى

استانا. 17 اقپان. baq.kz - اقتوبە وبلىسى تۇرعىندارىن الاڭداتاتىن ماسەلەلەردىڭ ٴبىرى جولداردىڭ قاناعاتتانارلىقسىز جاي-كۇيى بولىپ تابىلادى. 

وسىعان بايلانىستى 2015 جىلى وبلىستىڭ كولىك ينفراقۇرىلىمىن دامىتۋعا 6،4 ملرد تەڭگە ٴبولىنىپ، يگەرىلدى، سونىڭ اياسىندا وبلىستىق جانە اۋداندىق ماڭىزى بار 89،8 شاقىرىم اۆتوموبيل جولدارىن جاڭعىرتۋ جانە جوندەۋ جۇمىستارى جۇرگىزىلدى.
قابىلدانعان شارالار ناتيجەسىندە 2015 جىلدىڭ قورىتىندىسى بويىنشا قاناعاتتانارلىق جاعدايداعى جەرگىلىكتى ماڭىزى بار اۆتوموبيل جولدارىنىڭ ۇزىندىعى 47% (2014 ج. – 45%) قۇرادى.
2016 جىلعا ارنالعان مىندەتتەر:
– 95 شاقىرىم وبلىس جولدارىن جاڭعىرتۋدى، كۇردەلى جانە اعىمداعى جوندەۋدى قامتاماسىز ەتۋ;
– رەسپۋبليكالىق ٴمانى بار «اقتوبە-اتىراۋ-رف شەكاراسى (استراحانعا)» 220-237 شاقىرىم اۆتوجول ۋچاسكەسىن جاڭعىرتۋ جۇمىستارىن جالعاستىرۋ;
– «اقتوبە-ورسك» اۆتوجولىن جاڭعىرتۋعا جوبالىق-سمەتالىق قۇجاتتار ازىرلەۋ ماسەلەسىن پىسىقتاۋ;
– «قازاۆتوجول» ۇك» اق-مەن قول قويىلعان مەموراندۋمعا سايكەس حالىقارالىق جانە رەسپۋبليكالىق تراسسالار بويىنداعى جول ماڭى سەرۆيسىن دامىتۋدى قامتاماسىز ەتۋ. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!