BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2025 جىلى ەلدەگى جولداردىڭ 85% جاقسى جاعدايعا جەتكىزىلەدى 

پاريتەتتى سومادا ارقاسىندا 2025 جىلعا قاراي ەلدەگى جول جەلىسىنىڭ 85% جاقسى جانە قاناعاتتانارلىق جاعدايعا جەتكىزىلەدى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا قر يدم اۆتوموبيل جولدارى كوميتەتى ٴتوراعاسىنىڭ ورىنباسارى امانگەلدى بەكوۆ مالىمدەدى، دەپ حابارلايدى baq.kz ٴتىلشىسى.

«نۇرلى جول» مەملەكەتتىك باعدارلاماسى، سونداي-اق، 2018 جىلدىڭ 10 قاڭتارىندا مەملەكەت باسشىسى جاريالاعان جولداۋ اياسىندا اعىمداعى جىلى پاريتەتتى نەگىزدە رەسپۋبليكالىق جانە جەرگىلىكتى بيۋدجەتتەن قوسىمشا 60 ملرد تەڭگە كولەمىندە قاراجات ٴبولىندى. بۇل سوما ەسەبىنەن 4 مىڭ كم استام جولعا جوندەۋ جۇمىستارى جۇرگىزىلەدى»، - دەدى كوميتەت وكىلى.

امانگەلدى بەكوۆتىڭ بەرگەن مالىمەتى بويىنشا، جىل سايىن پاريتەتتى نەگىزدە بولىنەتىن سوما كولەمىن 150 ملرد تەڭگەگە جەتكىزۋ جوسپارلانىپ وتىر.

«جىل سايىن پاريتەتتى نەگىزدە بولىنەتىن سوما كولەمىن 150 ملرد تەڭگەگە جەتكىزۋ جوسپارلانىپ وتىر. بۇل 2025 جىلعا قاراي ەلدەگى جول جەلىسىنىڭ 85% جاقسى جانە قاناعاتتانارلىق جاعدايعا جەتكىزۋگە مۇمكىندىك بەرەدى. بۇگىنگى كۇنى ينۆەنتاريزاسيا قورىتىندىسى بويىنشا رەسپۋبليكالىق جەلىدە 1 859 دانا نىسان بار. اعىمداعى جىلدىڭ ٴى جارتىجىلدىعىنىڭ قورىتىندىسى بويىنشا ونىڭ 42%، ياعني 780 بىرلىگى ۇلتتىق ستاندارتقا سايكەس كەلەدى. جىل سوڭىنا دەيىن ۇلتتىق ستاندارتقا ساي كەلەتىن بىرلىكتەر سانىن 850-گە جەتكىزۋ جوسپارلانىپ وتىر. سونىمەن قاتار، قازىرگى ارەكەت ەتۋشى نىسانداردى جاقسارتۋ ماقساتىندا كەڭ قىزمەت تۇرلەرى بار جانە ۇلتتىق ستاندارت تالاپتارى بويىنشا kazway مودۋلدىك تۇرىندەگى پاۆيلوندار ورناتۋ بويىنشا جۇمىستار جۇرگىزىلىپ جاتىر»، - دەدى اۆتوموبيل جولدارى كوميتەتىنىڭ وكىلى.

سونداي-اق، امانگەلدى بەكوۆ «نۇرلى جول» جوبالارىن جۇزەگە اسىرۋعا جەرگىلىكتى اۆتوجول جەلىسى ەسەبىمەن 100 مىڭ ادام جۇمىلدىرىلعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي