استانا. 28 قىركۇيەك. baq.kz – بۇگىن پارلامەنت سەناتىنىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسى ٴوتىپ، وندا ينۆەستيسيالار جانە دامۋ ٴبىرىنشى ۆيسە-مينيسترى جەڭىس قاسىمبەك «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول-كولىك ينفراقۇرىلىمىن، كولىكتىك لوگيستيكانى جانە اۆياتاسىمالدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تۋراسىندا بايانداما جاسادى، - دەپ حابارلايدى baq.kz ٴتىلشىسى.
- بۇل زاڭ جوباسى ەلىمىزدە اۆتوكولىك جولى ينفراقۇرىلىمى سالاسىن دامىتۋ ماقساتىندا 12 زاڭناماعا وزگەرىستەر مەن تولىقتىرۋلار ەنگىزۋدى قاجەت ەتەدى. ال اتالعان ماسەلە ۇلت جوسپارىنىڭ 58-قادامىندا ايتىلاتىن جول-كولىك ينفراقۇرىلىمىن كۇتىپ ۇستاۋ جانە دامىتۋ جونىندەگى ٴبىرىڭعاي ۇلتتىق وپەراتوردى قۇرۋعا نەىگز بولىپ تابىلادى. سونىمەن قاتار، ستراتەگيالىق ينۆەستوردى تارتۋ جايى دا جان-جاقتى قاراستىرىلعان، - دەدى بايانداماشى.
سونداي-اق، ول الداعى ەكى جىلدىقتا ەل ازماتتارىن تۇراقتى جۇمىسپەن قامتۋ جايىنا قاتىستى دا ٴبىرقاتار دەرەكتەر كەلتىردى.
- قازىرگى كەزدە قازاقستاندا «نۇرلى جول» باعدارلاماسى اياسىندا اۆتوموبيل جولدارىنا قاتىستى ينفراقۇرىلىمداردى دامىتۋ مەن ونى جۇزەگە اسىرۋ جۇمىستارى بەلسەندى جۇرگىزىلىپ جاتقانى بەلگىلى. سونىڭ ناتيجەسىندە، تاپ وسى كۇندەرى رەسپۋبليكا بويىنشا 100 مىڭ ادام جۇمىسپەن قامتىلدى. ٴبىزدىڭ العا قويىپ وتىرعان ەندىگى ماقساتىمىز – 2016 جانە 2017 جىلعا قاراي «نۇرلى جول» باعدارلاماسىمەن ىسكە اسىرىلىپ جاتقان جوبالاردا ەڭبەك ەتەتىن وتانداستارىمىزدىڭ سانىن 200 مىڭعا دەيىن جەتكىزۋ بولىپ وتىر، - دەدى جەڭىس ماحمۇد ۇلى.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
820 
0
2430
0 
