2015 جىل - ۇلتتىق تاريحىمىزدى ۇلىقتاۋ جىلى – ە. شايمەردەنوۆ

 استانا. 12 قاراشا. baq.kz – مەملەكەت باسشىسى نۇرسۇلتان نازاربايەۆتىڭ «نۇرلى جول – بولاشاققا باستار جول» اتتى قازاقستان حالقىنا جولداۋى جاڭا ەكونوميكالىق ساياساتى قازىرگىدەي الەمدى جايلاعان داعدارىس كەزىندە ەرتەڭگى كۇنگە دەگەن حالىقتىڭ سەنىمىن نىعايتىپ، جارقىن بولاشاققا باستايدى. وندا ەلباسىمىز نۇرسۇلتان ٴابىش ۇلى نازاربايەۆ بۇگىنگى تاۋەلسىزدىگىمىزدىڭ باياندى بولۋىنىڭ، ەل ەكونوميكاسىنىڭ تۇراقتى دامۋىنىڭ نەگىزگى كىلتى – ىنتىماعى جاراسقان ەلىمىزدىڭ بىرلىگىندە ەكەندىگىن ەرەكشە اتاپ ٴوتتى. بۇل تۋرالى baq.kz-كە كولىكتەگى ىشكى ىستەر دەپارتامەنتى جانىنداعى «ارداگەرلەر كەڭەسى» ٴتوراعاسىنىڭ ورىنباسارى ەسبول شايمەردەنوۆ ٴوز پىكىرىن ٴبىلدىردى.

 -ەل پرەزيدەنتى ەلدى مۇراتتارعا جەتەلەيتىن ماڭىزدى قۇجاتتا «2015 جىل - ۇلتتىق تاريحىمىزدى ۇلىقتاۋ جانە بۇگىنگى بيىكتەرىمىزدى باعالاۋ تۇرعىسىنان مەرەيلى بەلەستەر جىلى. قازاق حاندىعىنىڭ 550 جىلدىعىن، قازاقستان حالقى اسسامبلەياسى مەن كونستيتۋسيامىزدىڭ 20 جىلدىعىن، ۇلى جەڭىستىڭ 70 جىلدىعىن اتاپ وتەمىز. وسىناۋ تاريحي بەلەستەر جاڭا قازاقستاندىق ٴپاتريوتيزمدى ۇرپاق جادىنا سىڭىرۋدە ايرىقشا رولگە يە دەپ نىق ايتتى،- دەيدى ە. شايمەردەنوۆ.
«بۇگىندە ٴبىزدىڭ كولىكتەگى ىشكى ىستەر دەپارتەمەنتىندە 14 سوعىس ارداگەرى جانە 44 تىل ارداگەرى بار. ولارعا تەك مەرەيلى تويلاردا عانا ەمەس، ۇنەمى قۇرمەت كورسەتىلىپ كەلەدى. وسىنىڭ بارلىعى ەلباسىمىزدىڭ سىندارلى ساياساتىنىڭ ارقاسى دەپ بىلەمىن. ارداگەرلەر دە مەملەكەت باسشىسىنىڭ كورسەتكەن قامقورلىعىنا ٴاردايىم ريزا»،-دەيدى «ارداگەرلەر كەڭەسى» ٴتوراعاسىنىڭ ورىنباسارى ەسبول شايمەردەنوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!