12 مىڭعا جۋىق ادام جاستار پراكتيكاسى اياسىندا جۇمىسقا تۇردى - نۇرلى جول|28 تامىز 2015، 15:08
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

12 مىڭعا جۋىق ادام جاستار پراكتيكاسى اياسىندا جۇمىسقا تۇردى

استانا. 27 تامىز. baq.kz – ايماقتىق جۇمىسپەن قامتۋ كەشەندى باعدارلامالارىنا جۇرگىزىلگەن مونيتورينگتىڭ 2015 جىلدىڭ 1 تامىزىنداعى مالىمەتىنە سايكەس بەلسەندى جۇمىسپەن قامتۋ شارالارى 250 مىڭ ادامدى قامتىدى. بۇل جوسپارلانعان جىلدىق كورسەتكىشتىڭ 78%-ىن قۇرايدى. كومەككە جۇگىنگەندەردىڭ 234 مىڭعا جۋىعى جۇمىسقا ورنالاستىرىلدى.

ونىڭ ىشىندە مەملەكەتتىك جانە سالالىق باعدارلامالار اياسىندا جۇزەگە اسىرىلاتىن جوبالارعا 25 مىڭ 825 ادام جۇمىسقا ورنالاستىرىلدى. 14 مىڭ 162 ازامات الەۋمەتتىك جۇمىس ورىندارىنا جىبەرىلسە، 11 مىڭ 324 ادام جاستار پراكتيكاسى اياسىندا جۇمىسقا تۇردى. 121 مىڭ 584 قازاقستاندىق مەملەكەتتىك قولداۋ شارالارىنىڭ كومەگىنسىز جۇمىس تاپتى.

سونداي-اق، حالىقتى جۇمىسپەن قامتۋدىڭ ٴتيىمدى تۇرلەرىنىڭ ٴبىرى – قوعامدىق جۇمىستارعا باعىتتاۋ بولىپ تابىلادى. سوڭعى مالىمەتتەرگە سايكەس، اتالمىش باعىتقا 61 مىڭعا جۋىق ازامات قاتىسقان.

اعىمداعى جىلى ايماقتىق جۇمىسپەن قامتۋ كەشەندى باعدارلامالارى مەن «جۇمىسپەن قامتۋ جول كارتاسى 2020» باعدارلاماسىنىڭ اياسىندا 322 مىڭنان اسا جۇمىسسىز جانە وزدىگىنەن جۇمىسپەن قامتىلعان ازاماتتارعا جۇمىسپەن قامتۋ بويىنشا كومەك كورسەتۋ جوسپارلانعان.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىمەن ايماقتارداعى جۇمىسسىزدىقتىڭ ۇلعايۋىنا جول بەرمەۋ جانە ەڭبەك نارىعىنداعى تۇراقتىلىقتى ساقتاۋ ماقساتىندا جۇمىسپەن قامتۋدىڭ كەشەندى جوسپارى بەكىتىلىپ، جۇزەگە اسىرىلۋدا.

ايماقتىق كەشەندى جوسپارلار ازاماتتاردى «نۇرلى جول» باعدارلاماسى، سونىمەن قاتار مەملەكەتتىك جانە سالالىق، «جقجك 2020» باعدارلامالارى اياسىندا جۇزەگە اسىرىلاتىن ينفراقۇرىلىمدىق باعدارلامالارعا قاتىستىرۋعا ارنالعان شارالاردى جۇزەگە اسىرۋدى قاراستىرادى.

 

فوتو: قر ٴدسادم ٴباسپاسوز قىزمەتىنەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي