BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل سوڭىنا دەيىن «بايتەرەك» ۇبح 8 مىڭ يپوتەكالىق قارىزدى سۋبسيديالايدى

بۇگىن ۇكىمەتتىڭ وتىرىسىندا «نۇرلى جەر» تۇرعىن ٴۇي قۇرىلىس باعدارلاماسىنىڭ 2017 جىلعى ناتيجەلەرى قارالدى. «بايتەرەك» حولدينگى نارىقتىق جاعدايدا باعدارلامانىڭ بەس نەگىزگى باعىتىنىڭ تورتەۋىن ىسكە اسىرۋعا قاتىسادى، دەپ حابارلايدى baq.kz اقپارات اگەنتتىگى.

«حولدينگ وتكەن جىلى «نۇرلى جەر» باعدارلاماسىنىڭ بارلىق جوسپارلارىن ورىندادى»، - دەدى «بايتەرەك» ۇبح» اق باسقارما ٴتوراعاسى ايدار ٴارىپحانوۆ.

71،9 ملرد تەڭگەگە اكىمدىكتەردىڭ وبليگاسيالارى ساتىپ الىندى، بۇل جوسپاردىڭ 100%-ىن قۇرادى. وسىلايشا، بۇرىن بولىنگەن قاراجات تولىعىمەن پايدالانىلدى. ايدار ٴارىپحانوۆ، 2017 جىلدىڭ باسىنان باستاپ «بايتەرەك» حولدينگى تۇرعىن ٴۇي قۇرىلىسىن تىكەلەي قارجىلاندىرۋدان جەرگىلىكتى اتقارۋشى ورگانداردىڭ وبليگاسيالارىن ساتىپ الۋ ارقىلى قارجىلاندىرۋعا كوشكەنىن اتاپ ايتتى.

«قازاقستان تۇرعىن ٴۇي قۇرىلىس جيناق بانكى» اق («بايتەرەك» حولدينگى» اق-نىڭ ەنشىلەس ۇيىمى) 2017 جىلى جالپى سوماسى 289،9 ملرد تەڭگەگە 41،7 مىڭ جەڭىلدەتىلگەن تۇرعىن ٴۇي كرەديتىن بەردى. تۇرعىن ٴۇي قۇرىلىس جيناق بانكىنىڭ بيزنەس-پروسەستەرىن وڭتايلاندىرۋ تۇرعىن ٴۇي قۇرىلىسى جيناقتارى تۋرالى كۇندەلىكتى جاسالاتىن كەلىسىمشارتتاردىڭ 2،5 ەسە ٴوسىپ، 1 مىڭنان 2،5 مىڭعا دەيىن ۇلعايتۋعا مۇمكىندىك بەردى.

بۇرىن قابىلدانعان باعدارلامالار اياسىنداعى تۇرعىن ٴۇي قۇرىلىسىن اياقتاۋ باعىتى بويىنشا 628،6 مىڭ شارشى مەتر تۇرعىن ٴۇي (10 829 پاتەر) بەرىلدى. ولاردىڭ ىشىندە جالعا بەرىلەتىن جانە كرەديتتىك تۇرعىن ٴۇي جەلىسى بويىنشا «بايتەرەك دەۆەلوپمەنت» اق («بايتەرەك» حولدينگىنىڭ ەنشىلەس ۇيىمى) 425،4 مىڭ شارشى مەتر (7 207 پاتەر) تاپسىردى، «قازاقستان يپوتەكالىق كومپانياسى» اق («بايتەرەك» حولدينگىنىڭ ەنشىلەس ۇيىمى) ارقىلى جالعا بەرىلەتىن تۇرعىن ٴۇي جەلىسى بويىنشا 203،2 مىڭ شارشى مەتر تۇرعىن ٴۇي (3 622 پاتەر) تاپسىرىلعان.

ەكىنشى دەڭگەيدەگى بانكتەر يپوتەكالىق مولشەرلەمەلەردى سۋبسيديالاۋ باعىتى بويىنشا تۇرعىنداردىڭ 13،6 ملرد تەڭگە سوماسىنداعى تاپسىرىستارىن ماقۇلداعان. 2018 جىلدىڭ سوڭىنا دەيىن جالپى سوماسى 120 ملرد تەڭگەگە 8 مىڭ يپوتەكالىق قارىزدى سۋبسيديالاۋ جوسپارلانىپ وتىر.

جەكە قۇرىلىس سالۋشىلاردىڭ كرەديتتەرى بويىنشا سىياقى مولشەرلەمەلەرىن سۋبسيديالاۋ شەڭبەرىندە ايماقتىق ۇيلەستىرۋ كەڭەستەرى جالپى سوماسى 27 ملرد تەڭگە بولاتىن 23 جوبانى ماقۇلدادى. ولاردىڭ ىشىندە «دامۋ» قورى جالپى قۇنى 26،1 ملرد تەڭگە بولاتىن 20 جوبا بويىنشا سۋبسيديالاۋ شارتىنا قول قويدى.

ەسكە سالا كەتسەك، «نۇرلى جەر» تۇرعىن ٴۇي قۇرىلىسى باعدارلاماسى قازاقستان رەسپۋبليكاسى ۇكىمەتىنىڭ 2016 جىلعى 31 جەلتوقسانداعى جارلىعىمەن بەكىتىلگەن بولاتىن.

ول تۇرعىن ٴۇي قۇرىلىسىن قولداۋعا ارنالعان جانە بۇعان دەيىن قولدانىستا بولعان 2015-2019 جىلدارعا ارنالعان «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسى، 2020 جىلعا دەيىنگى وڭىرلەردى دامىتۋ باعدارلاماسى سىندى مەملەكەتتىك جانە سالالىق باعدارلامالاردىڭ جاڭا تەتىكتەرىن بىرىكتىرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي