BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك «نۇرلى جەر» باعدارلاماسىنا ەنگىزىلگەن وزگەرىستەر تۋرالى پىكىر ٴبىلدىردى

فوتو: ашық дереккөзден

«نۇرلى جەر» مەملەكەتتىك باعدارلاماسىنا ەنگىزىلگەن قوسىمشا وزگەرىستەر «7-20-25» جاڭا يپوتەكالىق باعدارلاماسىن قولداۋعا باعىتتالعان. الايدا تۇبەگەيلى وزگەرىستەر ەنگىزۋ كوزدەلمەگەن. بۇل تۋرالى ينۆەستيسيالار جانە دامۋ ٴمينيسترى جەڭىس قاسىمبەك ۇكىمەت وتىرىسىنان كەيىن كۋلۋاردا مالىمدەدى، دەپ حابارلايدى ۆaq.kz ٴتىلشىسى.

مينيستر باعدارلامادان ەشتەڭە الىنىپ تاستالمايتىنىن ايتتى. جەكە تۇرعىن ٴۇي قۇرىلىسىن، ارەندالىق جانە كرەديتتىك ۇيلەردى قولداۋعا باعىتتالعان قۇرالداردىڭ ٴبارى ساقتالادى. سونىمەن بىرگە، تۇرعىن ٴۇي سالۋشىلاردى قولداۋ ماقساتىندا پايىزدىق سۋبسيديالاۋدىڭ دا سول كۇيىندە قالاتىنىن ايتتى.

«يپوتەكا بويىنشا ٴبىز سۋبسيديالاۋ دەڭگەيىن تومەندەتۋدى قاراستىرىپ وتىرمىز. سول باياعى 10% قالادى. ٴبىز 7%-دى سۋبسيديالايمىز، ٴبىراق ول «7-20-25» باعدارلاماسىمەن قاتار جۇرەدى. قانداي دا ٴبىر تۇبەگەيلى وزگەرىستەر جوق، بولسا ول تەك جاڭا باعدارلامانى قولداۋعا باعىتتالادى»، - دەدى ول.

ۆەدومستۆا باسشىسى «7-20-25» يپوتەكالىق باعدارلاماسى بويىنشا جاڭا قۇرىلىستاردىڭ قوسىمشا ينفراقۇرىلىمىنا بولاشاقتا قارجى قاجەت بولاتىنىن ايتتى.

«جالپى العاندا ەشقانداي وزگەرىس بولمايدى. تۇرعىن ٴۇي قۇرىلىس جيناق بانكى وسىعان دەيىن قالاي جۇمىس ىستەپ كەلسە، ٴدال سولاي جۇمىسىن جالعاستىرادى. بۇل جۇيەنىڭ بۇگىندە 2 ميلليوننان استام سالىمشىسى بار. بانك بەلسەندى جۇمىس ىستەپ جاتىر. ارەندالىق جانە كرەديتتىك جەكە تۇرعىن ۇيگە قاتىستى باسقا دا باعدارلامالار ٴارى قاراي جۇمىس ىستەي بەرەدى»، - دەدى قاسىمبەك.

ەسكە سالا كەتسەك، كەشە ينۆەستيسيالار جانە دامۋ مينيسترلىگىنىڭ سايتىندا «7-20-25» جاڭا يپوتەكالىق باعدارلاماسىن جۇزەگە اسىرۋعا بايلانىستى «نۇرلى جەر» تۇرعىن ٴۇي قۇرىلىسى باعدارلاماسىنا وزگەرىستەر ەنگىزىلەتىنى تۋرالى اقپارات تاراعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي