BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك: ٴبىزدىڭ بيىلعى مىندەتىمىز - 12،1 ملن شارشى مەتر ٴتۇرعىن-ۇيدى پايدالانۋعا بەرۋ

فوتو: Нұржас Жақсыбай

بۇگىن استاناداعى قازمەديا ورتالىعىندا قر ينۆەستيسيالار جانە دامۋ ٴمينيسترى جەڭىس قاسىمبەكتىڭ حالىق الدىنداعى ەسەپتىك كەزدەسۋى بولدى، دەپ حابارلايدى baq.kz اقپارات اگەنتتىگى.

ٴىس-شاراعا قر پارلامەنتى ٴماجىلىسىنىڭ دەپۋتاتتارى، قر پرەزيدەنتى اكىمشىلىگىنىڭ وكىلدەرى، ينۆەستيسيا جانە دامۋ قوعامدىق كەڭەسىنىڭ مۇشەلەرى، «بايتەرەك» ۇبح» اق-نىڭ، «قازاقستان تەمىر جولى» اق-نىڭ، «kazakhinvest» ۇك باسشىلارى، استانا قالاسى اكىمدىگىنىڭ وكىلدەرى، مينيسترلىك پەن وعان باعىنىستى ۇيىم قىزمەتكەرلەرى قاتىستى.

مينيستر ٴوز بايانداماسىندا 2017 جىلى اتقارىلعان جۇمىس قورىتىندىلارى مەن 2018 جىلدىڭ مىندەتتەرىنە توقتالدى.

اتاپ ايتقاندا، مينيستر يندۋستريا مەن جاڭا تەحنولوگيالار سالاسىنداعى جەتىستىكتەردى، ينۆەستيسيا تارتۋ، ەكسپورتتى ىلگەرىلەتۋ، قۇرىلىس جانە تۇرعىن ۇي-كوممۋنالدىق شارۋاشىلىق سالاسىن دامىتۋ، كولىك جانە لوگيستيكا، گەولوگيا جانە جەر قويناۋىن پايدالانۋ، تەحنيكالىق رەتتەۋ جانە مەترولوگيا سالالارى تۋرالى ايتتى.

ەكونوميكانىڭ تەحنولوگيالىق كۇردەلىلىگىنىڭ جالپى قابىلدانعان يندەكسىنە سايكەس قازاقستان 2010-2016 جىلدارى ٴوز جاعدايىن 30 پوزيسياعا جاقسارتتى (92 ورىننان 62 دەيىن). بۇل ٴبىزدىڭ الەمدىك نارىققا نەعۇرلىم باسەكەگە قابىلەتتى ٴتۇرلى تاۋارلاردى ٴوندىرىپ، ەكسپورتقا شىعارعانىمىزدى بىلدىرەدى. قازىرگى ۋاقىتتا تارتىلاتىن تىكەلەي شەتەلدىك ينۆەستيسيالارىنىڭ ٴاربىر ٴتورتىنشى دوللارى وڭدەۋ سەكتورىنا كەلەدى، ونىڭ جالپى اعىنىنىڭ ۇلەسى 2017 جىلدىڭ قورىتىندىسى بويىنشا 25% قۇرادى.

جالپى يندۋستريالاندىرۋ باستالعاننان بەرى (2010-2017 جىلدارى ٴۇشىن) 6،1 ترلن. تەڭگە سوماسىنا 1 148 جوبا ىسكە قوسىلدى، 107 مىڭ تۇراقتى جۇمىس ورنى اشىلدى، سونىڭ ىشىندە 2017 جىلى 1،5 ترلن. تەڭگەگە 120 جوبا ىسكە قوسىلىپ، 10 مىڭ تۇراقتى جۇمىس ورنى اشىلدى.

«مىسالى، ٴبىز بۇرىن ەكسپورتقا تولىعىمەن كەتەتىن تەك بوكسيتتەر مەن گلينوزەمدى وندىرسەك، قازاقستاندىق ەلەكتروليز زاۋىتىن ىسكە قوسۋ ارقىلى العاشقى ٴاليۋمينييدى ٴوندىرۋ باستالدى – بۇل ەكىنشى قايتا جاساۋ. وتكەن جىلى «giessenhaus» جشس جوباسى اياسىندا لەگيرلەنگەن ٴاليۋمينييدىڭ ٴوندىرىسى بويىنشا ٴ3-شى قايتا جاساۋدى باستادىق. وسى جوبامەن اليۋمينييدەن جاسالاتىن اۆتوموبيل ديسكىلەرىنىڭ دايىن ٴوندىرىسى باستالدى» - دەدى بايانداماسىندا جەڭىس قاسىمبەك.

ماشينا جاساۋ ونىمدەرىنىڭ اسسورتيمەنتى ٴبىزدىڭ ەلدە بۇرىن ەشقاشان وندىرىلمەگەن جوعارى تەحنولوگيالى تاۋارلارمەن تولىقتى. مىسالى، بۇل الدىڭعى قاتارلى ستاندارتتارعا جاۋاپ بەرەتىن لوكوموتيۆتەر، ەلەكتروۆوزدار، جولاۋشىلار ۆاگونى، تاۋ-كەن جانە مۇناي-گاز قوندىرعىلارى. سالادا general electric، general motors، alstom، talgo، lg جانە ت.ب. بەلگىلى كومپانيالار جۇمىس ىستەيدى.

بيىل قولدانىستاعى وڭدەۋ ونەركاسىبى كاسىپورىندارىنىڭ بازاسىندا مودەلدىك سيفرلى فابريكالار قۇرۋ جوباسىن ىسكە اسىرۋ باستالدى. قازىرگى ۋاقىتتا ىرىكتەلگەن كاسىپورىنداردى تەحنولوگيالىق دياگنوستيكادان وتكىزۋ جانە ولارعا سيفرلى تەحنولوگيالاردى ەنگىزۋ جول كارتاسىن ازىرلەۋ جۇمىستارى جۇرگىزىلۋدە.

«سيفرلى تەحنولوگيالاردى ەنگىزۋگە ەداۋىر دايىن تاۋ-كەن مەتاللۋرگيا كەشەنى سالالارىنىڭ كاسىپورىندارى. 2025 جىلعا دەيىن 146 ملرد. تەڭگە سوماسىنا جۇيە قۇراۋشى كاسىپورىنداردىڭ سيفرلاندىرۋ ەلەمەنتتەرىن ەنگىزۋ بويىنشا 14 جوبا انىقتالدى. ىسكە اسىرىلعان جوبالاردان ٴبىز ٴقازىر كومپانيا ىشىندە پروسەستەردىڭ تيىمدىلىگىن ارتتىرۋعا جانە ولاردىڭ باسەكەگە قابىلەتتىلىگىن جوعارىلاتۋ مۇمكىندىكتەرى بارىن كورىپ وتىرمىز» -دەپ اتاپ ٴوتتى مينيستر.

قۇرىلىس سالاسىندا وتكەن جىلدىڭ قورىتىندىسى بويىنشا «نۇرلى جەر» باعدارلاماسى ارقىلى رەكوردتىق 11،2 ملن. شارشى مەتر تۇرعىن ٴۇي پايدالۋعا بەرىلىپ، 100،8 مىڭنان استام وتباسى باسپانامەن قامتاماسىز ەتىلدى.

«سالاعا تارتىلعان ينۆەستيسيالار 2016 جىلمەن (830 ملرد تگ) سالىستىرعاندا 18%-عا ۇلعايدى جانە شامامەن 980 ملرد تەڭگەنى قۇرادى. ناتيجەسىندە، مەملەكەتتىك قاراجاتتىڭ 1 تەڭگەسىنە جەكە ينۆەستيسيالاردىڭ 5 تەنگەسى تارتىلدى. بيىلعى ٴبىزدىڭ مىندەتىمىز - 12،1 ملن شارشى مەتر ٴتۇرعىن-ۇيدى نەمەسە شامامەن 108 مىڭ باسپانانى پايدالانۋعا بەرۋ» - دەدى مينيستر.

كەزدەسۋ مينيسترلىكتىڭ رەسمي سايتىندا جانە الەۋمەتتىك جەلىلەر ارقىلى تىكەلەي ەفيردە كورسەتىلدى. قازاقستاندىقتار مينيسترگە سۇراقتارىن جىبەرە الاتىن مۇمكىندىك جاسالدى. بۇدان بولەك، ەلىمىزدىڭ بارلىق ٴوڭىرى ەسەپتىك كەزدەسۋگە سەلەكتورلىق بايلانىس رەجيمىندە قاتىستى.

حالىقپەن سۇحبات بارىسىندا مينيسترگە كولىك، قۇرىلىس، تۇرعىن ۇي-كوممۋنالدىق شارۋاشىلىق، ازاماتتىق اۆياسيا جانە باسقا دا سالالار بويىنشا كوپتەگەن سۇراقتار قويىلدى. ەسەپتىك كەزدەسۋدەن 3 اپتا بۇرىن مينيسترلىكتە ٴاربىر ازامات مينيسترگە ٴوزىن تولعاندىرعان سۇراعىن جولداي الاتىنداي 983000 ٴنومىرى بويىنشا call-ورتالىق ىسكە قوسىلعان بولاتىن.

ەسەپتىك كەزدەسۋدە مينيستر جاۋاپ بەرىپ ۇلگەرە الماعان سۇراقتاردىڭ جاۋابى مينيسترلىكتىڭ سايتىنا ورنالاستىرىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي