BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىلدەتىلگەن نەسيە بەرۋ ٴۇشىن تۇرعىن ٴۇي قۇرىلىس جيناق بانكىنە 24 ملرد تەڭگە بولىنەدى

2018 جىلى «نۇرلى جەر» باعدارلاماسىنىڭ اياسىندا جەڭىلدەتىلگەن نەسيە بەرۋ ٴۇشىن تۇرعىن ٴۇي قۇرىلىس جيناق بانكىنە 24 ملرد تەڭگە بولىنەدى، دەپ حابارلايدى baq.kz اقپارات اگەنتتىگى.

اتالعان قاراجات باسىم باعىتتى رەسپۋبليكالىق ينۆەستيسيالار تىزىمىنە ەندى جانە وسى جىلعى بيۋدجەت اياسىندا قاراستىرىلىپ وتىر. بۇل تۋرالى «قازاقستاننىڭ تۇرعىن ٴۇي قۇرىلىس جيناق بانكى» اق («بايتەرەك» حولدينگىنىڭ ەنشىلەس ۇيىمى) ديرەكتورلار كەڭەسىنىڭ وتىرىسى بارىسىندا ايتىلدى. جينالىس استانادا «بايتەرەك» حولدينگىنىڭ باسشىسى ايدار ٴارىپحانوۆتىڭ ٴتوراعالىق ەتۋىمەن ٴوتتى.

«نۇرلى جەر» باعدارلاماسى بيۋدجەتتىك نەسيە تۇرىندە جىل سايىن بانككە 24 ملرد تەڭگە كولەمىندەگى قارجى ٴبولۋدى قاراستىرادى. بۇل اقشاعا بانك سالىمشىلارى 5% كولەمىندەگى جەڭىلدەتىلگەن مولشەرلەمەمەن الدىن-الا جانە ارالىق زايمدار الا الادى. ول ٴۇشىن تۇرعىن ٴۇي قۇرىلىس جيناق بانكى شوتىندا 30% كولەمىندە ەڭ تومەنگى العاشقى جارنا جيناۋ قاجەت.

2017 جىلدىڭ قورىتىندىسى بويىنشا تۇرعىن ٴۇي قۇرىلىس جيناق بانكى مەملەكەت بولگەن 30 ملرد تەڭگەنى يگەرگەنىن ەسكە سالا كەتەيىك. بۇل قارجىعا 3 488 قازاقستاندىق وتباسى «نۇرلى جەر» اياسىندا تومەن باعامەن ٴۇي ساتىپ الدى.

جينالىس بارىسىندا بانك 2017 جىلدىڭ ٴتورتىنشى توقسانىنىڭ ناتيجەسى بويىنشا ىشكى اۋديت دەپارتامەنتىنىڭ قىزمەتى تۋرالى ەسەپ بەرىپ، ديرەكتورلار كەڭەسىنە ۇسىنىلاتىن ەسەپتىلىك ٴتىزىمىن بەكىتتى.

سونداي-اق، 2017 جىلدىڭ ٴتورتىنشى توقسانى بويىنشا ديرەكتورلار كەڭەسىنىڭ، ديرەكتورلار كەڭەسى كوميتەتتەرىنىڭ جۇمىسى تۋرالى ەسەپ قاراستىرىلىپ، بەكىتىلدى. مالىمەتتەرگە سايكەس، ديرەكتورلار كەڭەسى ٴتورتىنشى توقساندا تۇرعىن ٴۇي قۇرىلىس جيناق بانكى قىزمەتىنە قاتىستى 80 ماسەلەنى قاراستىرعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي