BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا جىل قارساڭىندا رۋدنىيلىق 120 وتباسى جاڭا پاتەرگە قونىستاندى

بۇگىن قوستاناي وبلىسىنىڭ رۋدنىي قالاسىن مەكەن ەتىپ وتىرعان 120 وتباسى ۇلكەن قۋانىشقا كەنەلۋدە. اتاپ ايتار بولساق، ولار جاڭا جىل قارساڭىندا ۇزاق ۋاقىت بويى ارمانداپ كۇتكەن باسپانالارىنا قول جەتكىزدى. جالپى، رۋدنىيدا 26 جىل ىشىندە العاش رەت سالىنىپ وتىرعان ەكى جاڭا تۇرعىن ٴۇي ەكەن. بۇل جالدامالى تۇرعىن ٴۇي جەرگىلىكتى اكىمدىكتىڭ كەزەگىندە تۇرعان جاندارعا بەرىلدى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

اتالمىش كوپ قاباتتى تۇرعىن ٴۇيدىڭ قۇرىلىس جانە كوممۋنيكاسيالار جۇرگىزۋ جۇمىستارىنا «نۇرلى جەر» مەملەكەتتىك باعدارلاماسى بويىنشا رەسپۋبليكالىق بيۋدجەتتەن ميللياردتان ارتىق قارجى بولىنگەن.

«بۇل باسپاناعا الەۋمەتتىك از قامتىلعان وتباسىلار عانا قول جەتكىزە الادى. ەگەر دەڭگەيلەر بويىنشا ايتار بولساق، ولار – زەينەتكەرلەر، جەتىم بالالارعا بۇل ۇيدەن 38 پاتەر بەرىلسە، تولىق ەمەس وتباسىلارى، ٴى جانە ٴىى توپتاعى مۇگەدەكتەرگە، مۇگەدەك بالالارى بار وتباسىلار مەن كوپبالالى وتباسىلارعا دا جاڭا پاتەر بۇيىرىپ وتىر»، -دەيدى رۋدنىي قالاسى اكىمىنىڭ ەلەنا سكارەدينا.

رۋدنىيلىقتارعا جاڭا پاتەر كىلتتەرىن تاپسىرعان وبلىس اكىمى ارحيمەد مۇحامبەتوۆتىڭ ايتۋىنا قاراعاندا، كەنشىلەر قالاسىن دامىتۋعا قازىرگى تاڭدا قاراجات كوپتەپ ٴبولىنىپ جاتىر. بۇل ەكى ٴۇيدىڭ قۇرىلىسىنىڭ سىرتىندا بيىل ەسكى باسپانالاردىڭ قاسبەتتەرىن قالىپقا كەلتىرۋ جۇمىستارى جۇرگىزىلدى. وعان جەكەمەنشىك ينۆەستيسيا ەسەبىنەن 70 ملن تەڭگەگە جۋىق قارجى جۇمسالعان.

ال 2018 جىلى قالا ساياباعىنا ديامەترى 40 مەترلىك الىپ دوڭگەلەك اتكەنشەك ورناتىلماق. ودان كەيىن وبلىس اكىمى ارحيمەد مۇحامبەتوۆ رۋدنىي قالاسىنداعى №1 بالالار ٴۇيىنىڭ تاربيەلەنۋشىلەرىمەن جۇزدەسىپ، ولاردى جاڭا جىل مەرەكەسىمەن قۇتتىقتادى.

«ەستەرىڭىزدە بولسا، قاراشا ايىندا نۇرسۇلتان ٴابىش ۇلى ٴبىزدىڭ وبلىسقا جاساعان ٴىسساپارى بارىسىندا بالالار ۇيىنە ارنايى كەلدى. ەلباسى ماعان سىزدەردى قۇتتىقتاپ، سىيلىقتار بەرۋىمدى تاپسىردى. ٴبىز بۇل جولى سىزدەرگە سپورت قۇرالدارى مەن نوۋتبۋكتار سىيلايمىز»، – دەدى قوستاناي وبلىسىنىڭ اكىمى قۇتتىقتاۋ سوزىندە.

ارحيمەد مۇحامبەتوۆ بالالار ۇيىنە سپورت جابدىقتارى مەن 12 نوۋتبۋك ساتىپ الۋ ٴۇشىن 5 ملن تەڭگەنىڭ سەرتيفيكاتىن تابىس ەتتى. ونىڭ سىرتىندا جەرگىلىكتى كاسىپكەرلەر بالالار ۇيىنە 500 مىڭ تەڭگە قارجى اۋدارعانىن جەتكىزدى. مۇنان سوڭ وبلىس اكىمى رۋدنىي قالاسىنداعى مەكتەپ-ينتەرناتىنىڭ وقۋشىلارىن جاڭا جىلمەن قۇتتىقتادى.

«سىزدەردىڭ جەتىستىكتەرىڭىز تۋرالى ەستىپ-بىلىپ وتىرامىن. بيىلعى جىلدى ٴساتتى اياقتادىڭىزدار. وبلىستىق جارىستاردا جۇلدەلى ورىنداردان كورىندىڭىزدەر. ەڭ باستىسى، مەكتەپتە شەبەرلىك سىنىپتارى، ۇيىرمەلەر اشىلدى. بۇل وزدەرىڭىزدى جان-جاقتى دامىتۋعا كومەكتەسەدى»، - دەدى وبلىس اكىمى وقۋشىلارمەن جۇزدەسۋ كەزىندە.

مەكتەپ-ينتەرناتتىڭ وقۋشىلارى دا وبلىس اكىمنىڭ قولىنان جاڭا جىلدىق سىيلىقتارعا يە بولدى. ولارعا مۋزىكالىق اپپارات الۋ ٴۇشىن 2،5 ملن تەڭگەنىڭ سەرتيفيكاتى تاپسىرىلدى. ونىڭ سىرتىندا اتالمىش ٴبىلىم ورداسىنا 10 كومپيۋتەر ساتىپ الىنباق.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي