BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت باسشىسى جەزقازعان وڭىرىندەگى «نۇرلى مەكەن» شاعىن اۋدانىنىڭ قۇرىلىسىمەن تانىستى

باقىتجان ساعىنتايەۆ مەملەكەت باسشىسىنىڭ تاپسىرماسى بويىنشا قاراعاندى وبلىسىنا جۇمىس ساپارى اياسىندا ساتپايەۆ قالاسىنا بارىپ، وندا «نۇرلى مەكەن» جاڭا شاعىن اۋدانىنىڭ قۇرىلىس جۇمىستارىمەن تانىستى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

«نۇرلى مەكەن» شاعىن اۋدانىنا جەزقازعان قالاسىنىڭ اپاتتى ۇيلەرىنىڭ تۇرعىندارى جانە مىس كەن ورىندارىن قايتا وڭدەۋ كەزىندە قۇلاعان اۋدان ايماعىنداعى كورشى ەلدى مەكەن ادامدارى كوشىرىلەدى. ولار جەزقازعان، ساتپايەۆ جانە ۇلىتاۋ وڭىرلەرىن الەۋمەتتىك-ەكونوميكالىق دامىتۋدىڭ 2012–2020 جىلدارعا ارنالعان كەشەندى جوسپارى اياسىندا جاڭا پاتەرلەرگە يە بولادى.

قونىس اۋدارۋشى ازاماتتار ٴۇشىن بۇگىنگى تاڭدا شاعىن اۋداندا 1760 پاتەر (118 700 م ²) سالىندى. ماگيسترالدى جىلۋ جۇيەسى جۇرگىزىلگەن، ۇيلەر قاجەتتى ينجەنەرلىك كوممۋنيكاسيالارمەن قامتاماسىز ەتىلگەن.

ساتپايەۆ قالاسىنىڭ اكىمى ا. ىدىرىسوۆ 2018 جىلدىڭ ماۋسىم ايىنىڭ سوڭىنا دەيىن اۋدانى 12 100 م² (195 پاتەر) بولاتىن 4 ٴۇي تۇرعىزىلاتىنىن ايتتى. بۇعان قوسا، بيىل 107 ەكى پاتەرلى ٴۇي مەن ەكى جاتاقحانا قۇرىلىسىن اياقتاۋ كوزدەلگەن.

باقىتجان ساعىنتايەۆ، سونداي-اق، نىساندى ارالاۋ بارىسىندا جەزقازعان ٴوڭىرىنىڭ تۇرعىن ٴۇي قۇرىلىسى جوسپارلارىمەن جانە مەملەكەت باسشىسىنىڭ «بەس الەۋمەتتىك باستاما» ۇندەۋىندە بەرگەن تاپسىرمالارىن ەسكەرە وتىرىپ، «نۇرلى جەر» باعدارلاماسىن ىسكە اسىرۋ جوسپارىمەن تانىستى.

«نۇرلى جەر» تۇرعىن ٴۇي قۇرىلىسى باعدارلاماسى بويىنشا وتكەن جىلى قاراعاندى وبلىسىندا 374 100 م² تۇرعىن ٴۇي سالىندى، بۇل 2016 جىلعا قاراعاندا 9،8% ارتىق. 3،3 مىڭنان استام وتباسىنىڭ تۇرعىن ٴۇي جاعدايى جاقسارتىلدى. 2018 جىلدىڭ ٴى توقسانىندا 113 100 م² نەمەسە 2017 جىلدىڭ وسىنداي كەزەڭىمەن سالىستىرعاندا 131% تۇرعىن ٴۇي پايدالانۋعا بەرىلدى، 1،2 مىڭعا جۋىق وتباسىنىڭ تۇرعىن ٴۇي جاعدايى جاقسارتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي