BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا 660 پاتەرلى 11 تۇرعىن ٴۇيدىڭ قۇرىلىسى ٴجۇرىپ جاتىر

فوتو: dom.ria.com

تۇركىستان شاھارداعى جاڭادان قۇرىلعان «وتىرار» مولتەك اۋدانىندا ٴقازىر 660 پاتەرلى 11 تۇرعىن ٴۇيدىڭ قۇرىلىسى ٴجۇرىپ جاتىر. ٴار ۇيدە 60 پاتەردەن بولادى، دەپ حابارلايدى baq.kz پاقپارات اگەنتتىگى 24kz سايتىنا سىلتەمە جاساپ.

«نۇرلى جەر» باعدارلاماسى اياسىندا سالىنىپ جاتقان باسپانالاردىڭ بارلىعى 5 قاباتتى، ال جوبالىق سمەتالىق قۇنى 4 ملرد 102 ملن تەڭگە. جاڭا پاتەرلەر الدىمەن الەۋمەتتىك جاعىنان از قامتىلعان وتباسىلار مەن اتا-انا قامقورلىعىنسىز قالعان جەتىم بالالارعا، اپاتتى ٴۇي تۇرعىندارىنا جانە بيۋدجەتتىك سالا قىزمەتكەرلەرى مەن تۇرعىن ٴۇي كەزەگىندە تۇرعان ازاماتتارعا بەرىلەدى.

ٴقازىر تۇركىستاندا 8 مىڭنان اسا تۇرعىن باسپانا كەزەگىندە تۇر. سونداي-اق جەكە ينۆەستوردىڭ ەسەبىنەن 360 پاتەرلى 6 نەسيەلىك تۇرعىن ٴۇي بوي كوتەرەدى. بۇدان بولەك تاعى دا 540 پاتەرلى 9 ٴۇيدىڭ ينفراقۇرىلىمدىق جەلىلەرى تارتىلىپ جاتىر. بۇل باسپانالاردىڭ بارلىعى كەلەسى جىلى تولىق اياقتالىپ، ەل يگىلىگىنە بەرىلەدى. سول كەزدە 1560 وتباسى قونىس تويىن تويلايدى.

«قازىرگى ۋاقىتتا تۇركىستان قالاسىندا 162 مىڭ حالىق تۇرادى. 2035 جىلى تۇركىستان قالاسىنىڭ حالقى 350 مىڭعا جەتەدى دەگەن بولجام بار. ال 2050 جىلى 500-عا جەتپەك. ول دەگەنىمىز كەم دەگەندە 200 مىڭ پاتەر. وسى ۋاقىتتىڭ اراسىندا 1 ملن 400 مىڭ شارشى مەتر تۇرعىن ٴۇي سوعۋىمىز كەرەك دەپ جوسپارلاپ وتىرمىز»، - دەيدى وبلىستىق قۇرىلىس باسقارماسى باسشىسىنىڭ ورىنباسارى توقتار ۇسىپاليەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي