BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسىندا 500 پاتەر تاپسىرىلادى

تۇركىستان وبلىسىندا ساتىپ الۋ قۇقىعىنسىز ارەندالىق تۇرعىن ٴۇي قورىن قۇرۋ بويىنشا اعىمداعى جىلى مەملەكەتتىك بيۋدجەت ەسەبىنەن 2449 پاتەرلى 73 تۇرعىن ٴۇيدىڭ قۇرىلىسى جۇرگىزىلۋدە. بيىل ونىڭ 500 پاتەرى، ياعني 35 تۇرعىن ٴۇي پايدالانۋعا بەرىلەدى. بۇگىن بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە قۇرىلىس باسقارماسىنىڭ باسشىسى قۇتتىبەك جاماشەۆ ٴمالىم ەتتى، دەپ حابارلايدى baq.kz اقپارات اگەنتتىگى.

بۇدان وزگە، تۇرعىن ٴۇي قۇرىلىسى اۋداندارىندا ينجەنەرلىك كوممۋنيكاسيالاردى جايلاستىرۋ بويىنشا 2018 جىلى وبلىستا مەملەكەتتىك بيۋدجەت قاراجاتى ەسەبىنەن 9 نىساننىڭ قۇرىلىسى جۇرگىزىلۋدە.

سونداي-اق، تۇركىستان وبلىسىن پەرسپەكتيۆالىق دامىتۋ بويىنشا تۇركىستان قالاسىنىڭ باس جوسپارىن قايتا ازىرلەۋ بويىنشا اعىمداعى جىلدىڭ 12 شىلدەسىندە حالىقارالىق كونكۋرس جاريالانعان.

«قايتا ازىرلەنگەن باس جوسپارعا سايكەس، «تۇرعىن ٴۇي قۇرىلىسىن دامىتۋ» كونسەپسياسى بەكىتىلەتىن بولادى. تۇركىستان وبلىسىنىڭ اكىمى جانسەيىت تۇيمەبايەۆتىڭ يدەياسى بويىنشا كونسەپسيادا تۇركىستان قالاسىن تۇركى الەمىنىڭ رۋحاني-مادەني ورتالىعى رەتىندە دامىتۋ ماقساتىندا سالىناتىن كوپقاباتتى تۇرعىن ۇيلەر قوجا احمەت ياساۋي كەسەنەسىنەن بيىك بولمايدى. ويتكەنى - ماۆزولەي مۇمكىندىگىنشە قالانىڭ بارلىق جاعىنان كورىنۋى قاجەت. سالىناتىن باسپانالار ورتا ازيالىق ستيلدە، ياعني كونە داۋىردەگى ساۋلەتپەن سالىنادى»، - دەدى قۇتتىبەك راحماتتۋللا ۇلى.

قر ۇكىمەتىنىڭ 22.06.2018 جىلعى № 372 قاۋلىسىمەن بەكىتىلگەن «نۇرلى جەر» مەملەكەتتىك تۇرعىن ٴۇي باعدارلاماسى اياسىندا اعىمداعى جىلى تۇركىستان وبلىسى ٴۇشىن تۇرعىن ٴۇيدى پايدالانۋعا تاپسىرۋ جوسپارى 344،7 مىڭ شارشى مەتر بولىپ بەلگىلەنگەن. 2018 جىلدىڭ 6 ايدىڭ قورىتىندىسى بويىنشا 202،4 مىڭ شارشى مەتر تۇرعىن ٴۇي پايدالانۋعا بەرىلىپ، وتكەن جىلدىڭ وسى مەرزىمىمەن سالىستىرعاندا 30 پايىزعا ارتقان.

وبلىستا 2018 جىلى قارجىلاندىرۋدىڭ بارلىق كوزدەرى ارقىلى 79 كوپقاباتتى تۇرعىن ٴۇيدىڭ قۇرىلىسى جۇرگىزىلۋدە. جىل قورىتىندىسىمەن 35 ٴۇي پايدالانۋعا بەرىلەدى. قۇرىلىس جۇمىستارىنىڭ ناقتى كولەمى يندەكسى بويىنشا 2018 جىلدىڭ جوسپارى – 140،8 ملرد تەڭگە. بۇل مەجە 6 ايدىڭ قورىتىندىسى بويىنشا 117،8 پايىز ورىندالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي