BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تارازدا "نۇرلى جەر" باعدارلاماسى بويىنشا 80 وتباسىعا پاتەر كىلتى بەرىلدى

تاۋەلسىزدىك مەرەكەسىنە وراي تارازدا كوپ جىلدان بەرى پاتەر كەزەگىندە تۇرعان 80 وتباسى باسپانالى بولدى، دەپ حابارلايدى baq.kz اقپارات اگەنتتىگى 24.kz ارناسىنا سىلتەمە جاساپ.

ولارعا «قاراسۋ» شاعىن اۋدانىنان «نۇرلى جەر» باعدارلاماسى بويىنشا بوي كوتەرگەن تۇرعىن ۇيدەن پاتەرلەر بەرىلدى. جىلدار بويى جاڭا قونىستى كۇتكەن جۇرتشىلىقتىڭ قۋانىشىندا شەك جوق. جەرگىلىكتى اكىمدىك مەرەكەگە وراي العاشقى قونىستانۋشىلارعا تۇرمىستىق تەحنيكا سىيعا تارتتى. تۇرعىندار تاۋەلسىزدىك كۇنىن ەندى ٴوز ۇيلەرىندە قارسى الاتىن بولدى.

"ۇلكەن ٴبىر سىيلىق بولدى تاۋەلسىزدىك كۇنىنە. 14 جىل كەزەكتە تۇردىم، پاتەر جالعا الىپ تۇردىم، 4 بالام بار. بالا-شاعا، ٴبارىمىز قۋانىپ جاتىرمىز. ۇزاق كۇتكەن پاتەر ەدى. قولىمىز جەتىپ، قۋانىشىمىز قوينىمىزعا سىيماي، ەل-جۇرتپەن ٴبولىسىپ جاتىرمىز" - دەيدى باسپانالى بولعان مەملەكەتتىك قىزمەتكەر مۇحيت قادىربەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي