BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا جىل اياعىنا دەيىن 826 وتباسىعا پاتەر كىلتى بەرىلەدى

فوتو: dn39.ru

الماتى وبلىسىنىڭ ورتالىعى – تالدىقورعاندا قۇرىلىس جۇمىستارى قارقىندى ٴجۇرىپ جاتىر. كەيىنگى 3-4 جىلدىڭ وزىندە بىرنەشە ٴساندى عيمارات پەن تۇرعىن ۇيلەر سالىنىپ، قالا اجارىن اشا تۇسكەن، دەپ حابارلايدى baq.kz اقپارات اگەنتتىگى.

مەملەكەتتىك «نۇرلى جەر» باعدارلاماسى بۇل سالاداعى جۇمىستىڭ ودان ٴارى جاندانا تۇسۋىنە ىقپال ەتىپ وتىر. بيىل قالادا كوپقاباتتى 9 ٴۇي سالىنىپ جاتىر. ولاردىڭ جالپى اۋدانى 45 مىڭ شارشى مەتر. جىل اياعىنا دەيىن كەزەك-كەزەگىمەن پايدالانۋعا بەرىلەتىن جايلى پاتەرلەرگە 436 وتباسى قونىستانادى.

مامانداردىڭ ايتۋىنشا، تالدىقورعاندىق قۇرىلىسشىلاردى كەلەسى جىلى دا اۋقىمدى جۇمىستار كۇتىپ تۇر. كوپقاباتتى 7 ٴۇي بوي كوتەرەتىن بولادى، ونىڭ جالپى كولەمى 47 مىڭ شارشى مەتر. وسىلايشا، 826 وتباسى قونىس تويىن تويلايدى.

«ەندى بىزدە تاعى دا ايتا كەتەتىن جايت، جاڭاعى كوتتەدجدى قالاشىق دەيدى، وندا 48 ٴۇي سالىنىپ جاتىر. ول ۇيلەردىڭ تاپسىرۋلارىن وسى جىلدىڭ اياعىنا دەيىن تاپسىرۋدى جوسپارلاپ وتىرمىز»، - دەيدى قالالىق قۇرىلىس ٴبولىمىنىڭ باسشىسى جاندوس تەلەۋبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي