BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندا كوتتەدج قالاشىعى سالىنۋدا

تالدىقورعاندا جىل سوڭىنا دەيىن قۇنى 2،4 ملرد تەڭگە بولاتىن 202 پاتەرلى 166 كوتتەدج تۇرعىزۋ كوزدەلگەن. بۇل تۋرالى تالدىقورعان قالاسىنىڭ اكىمى باعدات قاراسايەۆ ەل الدىنداعى ەسەپ بەرۋ جيىنىندا ايتتى، دەپ حابارلايدى baq.kz اقپارات اگەنتتىگى.

وبلىس اكىمى اماندىق باتالوۆتىڭ قاتىسۋىمەن كورمە پاۆيلونىندا تالدىقورعان قالاسىنىڭ اكىمى باعدات قاراسايەۆتىڭ ەل الدىنداعى ەسەپ بەرۋ جيىنى ٴوتتى.

جيىندا قالا اكىمى 2017 جىلى اتقارعان قىزمەتى جانە 2018 جىلى ورىندالۋى ٴتيىس مىندەتتەر تۋرالى بايانداما جاسادى.

قالا اكىمىنىڭ ايتۋىنشا، 2017 جىلدىڭ قورىتىندىسى بويىنشا ونەركاسىپ وندىرىسىندەگى ٴونىم كولەمى 67،0 ملرد تەڭگەدەن اسىپ، 2016 جىلمەن سالىستىرعاندا 15 % ارتتى. وتكەن جىلى 7 كاسىپورىن ىسكە قوسىلىپ، قولدانىستاعى 2 ونەركاسىپ كەڭەيتىلگەن. سونىڭ ناتيجەسىندە 237 جاڭا جۇمىس ورنى قۇرىلدى.

بيىلعى جىل مىندەتتەرىنىڭ ٴبىرى – «تالدىقورعان» يندۋستريالدى ايماعىنا ينۆەستيسيا تارتۋ. ازىرگە مۇندا 2 كاسىپورىن جۇمىس ىستەپ تۇر.

سونداي-اق، اۋىل شارۋاشىلىعىنداعى ٴونىم كولەمى 16 ملرد تەڭگەگە جەتكەن، قالاداعى 71 شارۋا قوجالىعى «اگروبيزنەس - 2020» باعدارلاماسى شەڭبەرىندە 5 كووپەراتيۆكە بىرىكتىرىلگەن.

شاعىن جانە ورتا بيزنەس سالاسىندا 58،1 ملرد تەڭگەنىڭ ٴونىمى شىعارىلىپ، 352 جاڭا جۇمىس ورنى قۇرىلدى. جالپى تالدىقورعاندا 26 مىڭ ادام ەڭبەك ەتەتىن بيزنەستىڭ 9861 سۋبەكتىسى جۇمىس ىستەيدى.

«بيىلعى جىلى قۇرىلىس سالاسىنداعى باسىم باعىتتىڭ ٴبىرى – كوتتەدج قالاشىعىن سالۋ. جىل سوڭىنا دەيىن قۇنى 2،4 ملرد. تەڭگە بولاتىن 202 پاتەرلى 166 كوتتەدج تۇرعىزۋ كوزدەلگەن. سونىمەن قاتار جىل اياعىنا دەيىن بيۋدجەت قاراجاتى ەسەبىنەن 520 پاتەرلى 9 كوپقاباتتى ٴۇي، جەكە قاراجات ەسەبىنەن 195 پاتەرلى 4 كوپقاباتتى ٴۇي سالىنادى. سول سياقتى بيىلعى جىلى قالا اكىمدىگى 100 اۋلانى اباتتاندىرۋ جوباسىنا كىرىسپەك. سونىڭ ىشىندە 50 اۋلا اۋماعى كاسىپكەرلەردىڭ كومەگىمەن «تۋعان جەر» جوباسى بويىنشا جۇزەگە اسىرىلادى دەپ جوسپارلانىپ وتىر»، - دەيدى ول.

ونىڭ ايتۋىنشا، قالانى اباتتاندىرۋ، كوركەيتۋ، جول جوندەۋ باعىتىندا دا اۋقىمدى جۇمىستار اتقارىلعان. قالانى گازداندىرۋ جالعاسۋدا. بۇگىنگى كۇنى تابيعي گازعا 393 ابونەنت قوسىلسا، تاعى ٴ233-ىن قوسۋ بويىنشا جۇمىستار جۇرگىزىلۋدە. گازعا اۋىستىرۋ ماقساتىندا 5 قازاندىققا جاڭعىرتۋ جۇمىستارىن جۇرگىزۋ ٴۇشىن جسق دايىندالۋدا. جىل سوڭىنا دەيىن ونىڭ 2-ەۋىندە جۇمىستار اياقتالادى.

الماتى وبلىسى اكىمدىگىنىڭ رەسمي سايتى ٴمالىم ەتكەندەي، 2017 جىلى قالانىڭ جالپى ۇزىندىعى 35،5 شاقىرىم بولاتىن 39 قوسالقى كوشەسىنە جوندەۋ جۇمىستارى جۇرگىزىلدى. بيىلعى جىلى تاعى 55 كوشەگە جوندەۋ جوسپارىنا ەنگىزىلىپ وتىر.

ەسەپتى كەزدەسۋدى قورىتىندىلاعان وبلىس اكىمى ا. باتالوۆ قالا تۇرعىندارى ٴۇشىن وبلىستىڭ الەۋمەتتىك-ەكونوميكالىق دامۋى جايىندا قىسقاشا توقتالىپ ٴوتتى. اۋىل شارۋاشىلىعىنداعى، ونەركاسىپ وندىرىسىندەگى، قۇرىلىس، تۇرعىن ۇي-كوممۋنالدىق سالالارداعى، الەۋمەتتىك باعىتتاعى اتقارىلعان جۇمىستار جايىندا ايتتى.

«وبلىس ورتالىعى تالدىقورعان قالاسىنىڭ بيۋدجەتى سوڭعى ٴۇش-تورت جىل كولەمىندە ەداۋىر ٴوستى. حالقىنىڭ سانى 172 مىڭعا جەتىپ وتىر. بيزنەس بەلسەندى دامىپ كەلەدى، سالىق ٴتۇسىمى دە ارتتى، دامۋ كورسەتكىشى جاقسى. دەگەنمەن، ٴالى كوڭىل اۋداراتىن نارسەلەر بارشىلىق، ماسەلەن، زەرتحانا مەن ايەلدەر كونسۋلتاسياسى عيماراتتارىن سالۋ جايىندا ناقتى ۇسىنىستار دايىنداپ كورسەتۋ تۋرالى ايتقانمىن، بۇل تاپسىرما ازىرگە ورىندالعان جوق. الداعى ۋاقىتتا وبلىستىق دەنساۋلىق ساقتاۋ باسقاراسىمەن بىرىگىپ، وسىعان كىرىسىڭدەر. ازاماتتارعا ارنالعان ۇكىمەت، باسسەين نىسانى قۇرىلىستارىنىڭ جۇمىسىن جەدەلدەتۋ كەرەك. ورتالىق الاڭدى جاڭعىرتۋ ٴىسىن، تەاتر عيماراتىن شىلدەدە اياقتاۋدى تاپسىرامىن. جاڭادان سالىنعان شاعىن اۋداندارعا شاعىن ساۋلەتتىك فورمالار ورناتىپ، كوك جەلەك وتىرعىزىپ كوركەتۋ قاجەت. قالاداعى قوعامدىق كولىكتەر جاڭا، ساپالى، جانە سىيىمدىلىعى ۇلكەن بولۋى ٴتيىس. قالا بيلىگى رەتىندە تاسىمالداۋشىلاردان قىزمەت كورسەتۋ ساپاسىن كوتەرۋدى تالاپ ەتىڭدەر. سول سياقتى گازداندىرۋ، قاتتى قالدىقتاردى جيناۋ مەن سۇرىپتاۋ، كوشەلەردى جوندەۋ، اۋلالاردى اباتتاندىرۋ ٴىسىن ساپالى دەڭگەيدە جالعاستىرۋ كەرەك. پرەزيدەنت ٴوز جولداۋىندا اتاپ وتكەندەي، قاي سالانى بولسا دا دامىتۋعا «سمارت سيتي» جۇيەسىنىڭ مۇمكىندىگى مول. سوندىقتان «اقىلدى قالا» جوباسىنا ەنگىزۋ – الداعى مىندەتتەردىڭ ٴبىرى. جالپى مەنىڭ بەرگەن تاپسىرمالارىمدى نازارعا الىپ، ۇسىنىس بەرىپ جاتىرسىڭدار. ەندى سول ايتىلعان ۇسىنىستاردى ناقتى جۇزەگە اسىرساڭدار، جۇمىستىڭ ناتيجەسى دەگەن سول. ٴبىز ٴوز تاراپىمىزدان وبلىس ورتالىعىنا جان-جاقتى قولداۋ كورسەتۋدى جالعاستىرىپ، قالانىڭ كوركەيە بەرۋىنە اتسالىساتىن بولامىز، - دەدى ا. باتالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي