BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سىرداريا اۋدانىندا 42 وتباسى باسپانالى بولدى

استانا، baq.kz. تۇرعىنۇيلەر «نۇرلى جەر» باعدارلاماسى اياسىندا سالىندى. بۇل تۋرالى قىزىلوردا وبلىسى اكىمدىگىنىڭ ٴباسپاسوز قىزمەتى حابارلايدى.

جاڭا پاتەردىڭ كىلتى 42 جانۇياعا – ولاردىڭ قاتارىندا بيۋدجەتتىك سالا قىزمەتكەرلەرىنە، باسپاناسى اپاتتى جاعدايدا دەپ تانىلعان وتباسىلارعا، جەتىم جانە اتا-اناسىنىڭ قامقورلىعىنسىز قالعان بالالارعا، حالىقتىڭ الەۋمەتتىك وسال توپتارىنا جانە ۇلى وتان سوعىسىنىڭ ارداگەرى ياحيا تاسىروۆقا تابىستالدى.

وبلىس اكىمى ق.كوشەربايەۆ اۋدان ورتالىعى تەرەڭوزەك كەنتىندەگى كوپقاباتتى ەكى ٴۇيدىڭ اشىلۋ سالتاناتىنا قاتىستى.

«مەملەكەت باسشىسى ن.ٴا.نازاربايەۆتىڭ باستاماسىمەن قابىلدانعان «نۇرلى جەر» باعدارلاماسى بويىنشا بۇگىن سىرداريا اۋدانىندا كوپقاباتتى تۇرعىن ٴۇيدىڭ قۇرىلىسى اياقتالىپ، 42 وتباسىعا جاڭا پاتەردىڭ كىلتى بەرىلدى. بۇل - تۇرعىن ٴۇي كەزەگىندە تۇرىپ، بۇگىن پاتەرلى بولۋ باقىتىنا يە بولعان ٴاربىر وتباسى ٴۇشىن زور قۋانىش»، - دەدى ايماق باسشىسى.

ٴتۇرعىنۇيدىڭ اشىلۋ سالتاناتىندا پاتەر الۋشى تۇرعىندار باسپانا ماسەلەسىن شەشىپ بەرگەنى ٴۇشىن ايماق باسشىسىنا العىستارىن ٴبىلدىردى.

«2009 جىلدان باستاپ تۇرعىنۇيگە كەزەكتە تۇرمىن. كوپ جىل بويى ٴۇش بالاممەن جالدامالى پاتەردەن-پاتەرگە كوشىپ جۇردىك، بۇگىن كوپتەن كۇتكەن جالعا بەرىلەتىن تۇرعىنۇيگە قول جەتكىزدىك، ەندى تەك كوممۋنالدىق قىزمەت اقىسىن تولەيتىن بولامىز. كەڭ ٴۇش بولمەلى پاتەرگە يە بولعانىمىزعا وتە قۋانىشتىمىز، وبلىس باسشىلىعىنا العىس ايتامىن»، - دەدى ٴاليا ٴابدىحالىقوۆا.

بۇگىندە قىزىلوردا وبلىسىنىڭ اۋماعىندا 1747 پاتەرلىك تاعى 69 كوپپاتەرلى ٴتۇرعىنۇيدىڭ قۇرىلىسى جۇرگىزىلۋدە. ٴ55-ى بيىل ىسكە قوسىلادى، ولاردىڭ قاتارىندا سىرداريانىڭ سول جاعالاۋىنداعى 14 كوپپاتەرلى تۇرعىنۇيدەن قۇرالاتىن تۇتاس شاعىن مولتەك اۋداندى پايدالانۋعا بەرۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي