BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتورلار اپاتتى ۇيلەردىڭ ماسەلەسىن «نۇرلى جەر» باعدارلاماسىمەن شەشۋدى ۇسىندى

فوتو: BI Group

قر پارلامەنتى سەناتىنىڭ جالپى وتىرىسىندا دەپۋتاتتار قالالارداعى اپاتتى ۇيلەردىڭ ماسەلەسىن «نۇرلى جەر» باعدارلاماسىمەن شەشۋ قاجەتتىگىن ايتتى، دەپ حابارلايدى baq.kz ٴتىلشىسى.

سەناتورلار دەپۋتاتتىق ساۋالىن قر پرەمەر-مينيسترى باقىتجان ساعىنتايەۆقا جولدادى. ناريمان توراعاليەۆ، دۇيسەنبايەۆ، دۇيسەنعازى مۋسين اتىنان جازىلعان ساۋالدى دەپۋتات ەربولات مۇقايەۆ وقىپ بەردى.

الدىمەن، ول ەلباسى نۇرسۇلتان نازاربايەۆتىڭ بيىلعى قازاقستان حالقىنا ارناعان جولداۋىندا حالىقتى باسپانامەن قامتاماسىز ەتۋ، 2030 جىلى ٴبىر تۇرعىنعا شاققاندا 30 شارشى مەترگە جەتكىزۋ مىندەتتەرىن قويعانىن اتاپ ٴوتتى. وسىعان وراي، ەربولات مۇقايەۆ اپاتتى ۇيلەردىڭ ماسەلەسىن شەشۋ وتە ماڭىزدى ەكەنىن ٴمالىم ەتتى.

«بۇگىنگى تاڭدا رەسپۋبليكامىزدىڭ كوپتەگەن قالاسىندا اپاتتى جاعدايدا دەپ تانىلعان ۇيلەر بار. ونداي ۇيلەردىڭ تۇرعىندارى جەرگىلىكتى اتقارۋشى ورگانداردا كەزەكتە تىركەلگەن. قولدانىستاعى زاڭناماعا سايكەس جەرگىلىكتى اتقارۋشى ورگانداردا اپاتتى جاعدايدا دەپ تانىلعان ۇيلەردە تۇرىپ جاتقان ازاماتتاردى تۇرعىن ۇيمەن قامتۋ كوزدەلگەن. وكىنىشكە قاراي، قولدانىستاعى زاڭ بۇل ماسەلەنى تۇبەگەيلى شەشە الماۋدا»، - دەدى سەناتور.

وسى ورايدا، ەربولات مۇقايەۆ ٴوز سوزىنە دالەل كەلتىردى.

«مىسالى، ەكى قاباتتى تۇرعىن ۇيدە 18 وتباسى تۇرىپ جاتىر دەلىك. ولاردىڭ تۇرعىن ۇيگە تىركەلۋ كەزەگى ٴارتۇرلى. ٴبىرىنشى تىركەلگەن وتباسىن تۇرعىن ۇيمەن قامتامىز ەتۋ مۇمكىندىگى بولسا، سوڭعى تىركەلگەن وتباسىنىڭ 10 جىلدان كەيىن عانا ۇيگە كەزەگى كەلۋى مۇمكىن. ال اپاتتى جاعدايداعى ٴۇي 10 جىلدى كۇتە المايدى. دەمەك اپاتتى تۇرعىن ۇيدەگى ازاماتتاردىڭ بارلىعىن ٴبىر مەزەتتە تۇرعىن ۇيمەن قامتاماسىز ەتۋ مۇمكىندىگى جوق»، - دەدى دەپۋتات.

سەناتورلار قالالارداعى اپاتتى تۇرعىن ۇيلەردىڭ ماسەلەسىن «نۇرلى جەر» باعدارلاماسى ارقىلى شەشۋدى ۇسىندى.

«جوعارىدا باياندالعاننىڭ نەگىزىندە اپاتتى جاعدايلارداعى ۇيلەردى جويۋ ماقساتىندا تۇرعىن ٴۇي قۇرىلىسىن «نۇرلى جەر» باعدارلاماسىنىڭ ٴبىر باعىتى رەتىندە ەنگىزۋدى، سايكەسىنشە قولدانىستاعى زاڭناماعا ٴتيىستى وزگەرىستەر قاراستىرۋدى ۇسىنامىز»، - دەدى ەربولات مۇقايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي