BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ ورالدا تۇرعىن ٴۇي باعدارلامالارىنىڭ ىسكە اسىرىلۋىمەن تانىستى

فوتو: primeminister.kz

باتىس قازاقستان وبلىسىنا جۇمىس ساپارى اياسىندا پرەمەر-مينيستر باقىتجان ساعىنتايەۆ «نۇرلى جەر» باعدارلاماسى بويىنشا تۇرعىن ٴۇي قۇرىلىسى بارىسىمەن جانە «7–20–25» باعدارلاماسىن ىسكە اسىرۋ كەزەڭدەرىمەن تانىسۋ ٴۇشىن زاشاعان كەنتىندە سالىنىپ جاتقان شاعىن اۋدانعا باردى، دەپ حابارلايدى ۆaq.kz اقپارات اگەنتتىگى primeminister.kz باسىلىمىنا سىلتەمە جاساپ.

سونىمەن قاتار، ب. ساعىنتايەۆ مامانداندىرىلعان حقكو جۇمىس زالدارىن ارالاپ، «ٴبىر تەرەزە» قاعيداتى بويىنشا مەملەكەتتىك قىزمەتتەردى بەرۋ پروسەسىن اۆتوماتتاندىرۋ شارالارىمەن تانىستى.

سالىنىپ جاتقان كوپپاتەرلى تۇرعىن ٴۇيدى تەكسەرۋ بارىسىندا پرەمەر-مينيسترگە نىسان وسى جىلدىڭ شىلدە ايىندا پايدالانۋعا بەرىلەتىنى ايتىلدى. ورال قالاسىنىڭ اكىمى م. مۇقايەۆ مەملەكەت باسشىسىنىڭ جاريالانعان مەملەكەتتىك تۇرعىن ٴۇي باعدارلامالارى تولىق كولەمدە ىسكە اسىرىلىپ جاتقانىن اتاپ ٴوتتى. 2015–2017 جىلدارى تۇرعىن ٴۇيدى پايدالانۋعا بەرۋ كولەمى 159%-عا ارتتى. اكىمدىكتىڭ مالىمەتتەرى بويىنشا، وتكەن جىلى وڭىردە 3 828 تۇرعىن ٴۇي سالىندى، بۇل 2016 جىلمەن سالىستىرعاندا 38،6% ارتىق. 2017 جىلى باستالعان «نۇرلى جەر» مەملەكەتتىك باعدارلاماسى اياسىندا جالپى سوماسى 9 ملرد تەڭگەگە 7 تۇرعىن ٴۇي (1106 پاتەر) پايدالانۋعا بەرىلدى. وسى جىلدىڭ 1 شىلدەسىندە 2 234 تۇرعىن ٴۇي (234،9 مىڭ شارشى مەتر تۇرعىن ٴۇي) پايدالانۋعا بەرىلدى، بۇل 2017 جىلدىڭ وسىنداي كەزەڭىمەن سالىستىرعاندا 115% تەڭ. بيىل بارلىعى 415،7 مىڭ شارشى مەتر پايدالانۋعا بەرىلەدى، بۇل شامامەن 3،8 مىڭ تۇرعىن ٴۇي.

«2018 جىلى قۇرىلىس سالاسىنا 13 ملرد تەڭگە ٴبولىندى. بۇگىنگى تاڭدا 43 تۇرعىن ٴۇيدىڭ (6 400 پاتەر) قۇرىلىس جۇمىستارى جۇرگىزىلىپ جاتىر: مەملەكەتتىك باعدارلامالار اياسىندا — 3 200 پاتەرگە ارنالعان 21 ٴۇي، مەملەكەتتىك-جەكەمەنشىك ارىپتەستىك اياسىندا — 1 400 پاتەرگە ارنالعان 10 كوپقاباتتى تۇرعىن ٴۇي، جەكە ينۆەستيسيالار قاراجاتىنىڭ ەسەبىنەن — 1 600 پاتەرگە ارنالعان 12 كوپقاباتتى تۇرعىن ٴۇي. پاتەرلەردىڭ جالپى اۋدانى 80،5 مىڭ م²»، — دەدى ورال قالاسىنىڭ اكىمى م. مۇقايەۆ.

سونىمەن قاتار، «7–20–25» جاڭا تۇرعىن ٴۇي باعدارلاماسى اياسىندا جانە جەكە ينۆەستيسيالار ەسەبىنەن وبلىس ورتالىعىنىڭ توڭىرەگىندە جالپى اۋدانى 425 گەكتار بولاتىن «اقجايىق» جاڭا شاعىن اۋدانىن يگەرۋ باستالدى. مۇندا 150 كوپ قاباتتى تۇرعىن ٴۇي سالۋ جوسپارلانىپ وتىر.

بۇدان وزگە، وڭىردە مەملەكەتتىك-جەكەمەنشىك ارىپتەستىك قاعيداتتارىنا سايكەس، بۇزىلعان اپاتتى جانە ەسكى ۇيلەردىڭ ورنىنا جاڭا ۇيلەر سالىنۋدا. وسىلايشا، 2017 جىلى ورال قالاسىندا 7 اپاتتى ٴۇي قۇلاتىلىپ، ولاردىڭ ورنىندا جاڭا عيماراتتار سالىنىپ جاتىر. بيىل اپاتتى دەپ تانىلعان 13 ٴۇي قۇلاتىلادى.

مەملەكەتتىك باعدارلامالاردان وزگە، ورالدا جەكە كوپقاباتتى تۇرعىن ۇيلەر قۇرىلىسى قارقىندى ٴجۇرىپ جاتىر. قالا اكىمدىگىنىڭ مالىمەتىنشە، تەك سوڭعى ٴۇش جىلدىڭ وزىندە عانا جالپى اۋماعى 250 مىڭ شارشى مەتر بولاتىن، 4500 پاتەردەن تۇراتىن 35 كوپقاباتتى ٴۇي سالىنعان. قازىرگى كەزدە جەكە ينۆەستورلار جالپى اۋماعى 80،5 مىڭ م² بولاتىن 12 تۇرعىن ٴۇي (1600 پاتەر) قۇرىلىسىن جۇرگىزىپ جاتىر.

پرەزيدەنتتىڭ بەس الەۋمەتتىك باستاماسىنىڭ اياسىندا سونىمەن قاتار قالاداعى وقۋ ورىندارىنىڭ جانىنان ستۋدەنتتەرگە ارنالعان 6 جاتاقحانانى سالۋ جوسپارلانىپ وتىر. وسىلايشا، 1650 ستۋدەنت تۇرعىن جايمەن قامتىلماق. قازىرگى كەزدە جەر تەلىمدەرى بولىنگەن، جوبالاۋ جۇمىستارى اتقارىلۋدا.

2017 جىلى قازاقستاندا رەكوردتى تۇرعىن ۇيلەر سانى 11 ملن شارشى مەتر ٴۇي پايدالانۋعا بەرىلگەن. وسىلايشا، «نۇرلى جەر» باعدارلاماسىنىڭ ارقاسىندا 100 مىڭنان استام ادام جاڭا باسپاناعا يە بولدى. بيىل 12 ملن شارشى مەتردەن استام، ياعني 103 مىڭنان ارتىق تۇرعىن ٴۇي سالۋ مىندەتى تۇر.

جۇمىس ساپارىنىڭ جالعاسى رەتىندە پرەمەر-مينيستر ب. ساعىنتايەۆ مامانداندىرىلعان جاڭا حالىققا قىزمەت كورسەتۋ ورتالىعىنا باردى، وندا «ٴبىر تەرەزە» قاعيداتى بويىنشا مەملەكەتتىك قىزمەتتەردى كورسەتۋ ادىستەرىمەن تانىستى. مامانداندىرىلعان حقكو ديرەكتورى م. باساروۆ ايتىپ وتكەندەي، جۇمىس ىستەگەن 2 ايدىڭ ىشىندە ورتالىق قىزمەتكەرلەرى 15 مىڭ ٴتۇرلى قىزمەتتەردى كورسەتكەن.

«قالا تۇرعىندارى قىزمەتتەردى الۋدىڭ قولايلى فورماتىنا كوشتى. كولىكتى قايتا تىركەۋ مەن جۇرگىزۋشى كۋالىكتەرىن اۋىستىرۋدى ولار ونلاين-رەجيمدە جاساي الادى. بۇرىن اتالعان قىزمەتتەردى الۋ ۋاقىتى شامامەن 6 ساعات بولاتىن، ٴقازىر ورتالىقتىڭ جاڭا مۇمكىندىكتەرىنىڭ ارقاسىندا كولىك يەلەرى وعان شامامەن 90 مينۋت ۋاقىتتارىن جۇمسايدى. كۇن سايىن مامانداندىرىلعان حقكو-دا ورتا ەسەپپەن 350-370 قىزمەت كورسەتىلەدى. مامانداندىرىلعان حقكو-دا جىل سايىن 70 مىڭعا جۋىق اۆتوكولىك يەلەرىنە قىزمەت كورسەتىلەدى دەپ جوسپارلانۋدا»، — دەدى م. باساروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي