BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پەتروپاۆلدا «نۇرلى جەر» باعدارلاماسى بويىنشا شاعىن اۋدان سالىنباق

پەتروپاۆلدا «نۇرلى جەر» باعدارلاماسى بويىنشا سولنەچنىي كەنتىندە شاعىن اۋدان پايدا بولماق. ەلدى مەكەندە الداعى ٴۇش جىلدا 2000 ٴۇي سالۋ جوسپارلانعان. باسپانا تۇرعىزۋ ٴۇشىن جەر تەلىمدەرىنىڭ يەلەرى «تۇرعىن ٴۇي قۇرىلىس جيناق بانكىنىڭ» جەرگىلىكتى فيليالىنىڭ كومەگىنە دە جۇگىنە الادى، دەپ حابارلايدى baq.kz ٴتىلشىسى.

بۇگىنگى كۇنى پەتروپاۆلدا جەر تەلىمىن الۋ ٴۇشىن 8600 ادام كەزەكتە تۇر. «نۇرلى جەر» مەملەكەتتىك باعدارالاماسى بويىنشا بيىل سولنەچنىي كەنتىنەن 500 ۋچاسكە بەرىلدى. بەيىمبەت اقماعامبەتوۆتىڭ اناسى 10 جىل بويى جەر كەزەگىندە تۇرعان ەكەن. جۋىردا مەملەكەتتىك ورگاننان قۋانىشتى حابار الىپ، وتباسى «نۇرلى جەر» باعدارلاماسى بويىنشا 10 سوتتىققا يە بولدى. وعان قوسا، باسپانا تۇرعىزۋعا ۇسىنىلىپ وتىرعان شارتتار دا ٴتيىمدى. جاڭا اۋداننىڭ ۇيلەرى تيپتىك جوبا بويىنشا سالىنادى.

«ويلانۋعا تۇرارلىق ۇسىنىس. مۇنداي ٴتيىمدى باعا ەشقايدا جوق. كوپتەن كۇتكەن جەر تەلىمىن الىپ قۋانىپ ەدىك، ەندى «تۇرعىن ٴۇي قۇرىلىس جيناق بانكى» ارقىلى ٴۇي سالۋعا بولاتىنىن ٴبىلىپ جاتىرمىز. باستاپقى جارنانى سالىپ، قالعان سومانى كەيىن وتەۋگە بولادى»، – دەيدى پەتروپاۆل قالاسىنىڭ تۇرعىنى بەيىمبەت اقماعامبەتوۆ.

بەكىتىلگەن جوباعا ساي جەر ۇيلەردىڭ اۋدانى 80-نەن 180 شارشى مەترگە دەيىن بولادى. تاپسىرىس بەرۋشىگە جاڭا باسپانانىڭ ٴبىر شارشى مەترى 100 مىڭ تەڭگەگە باعالانىپ وتىر.

«ازىرگە يپوتەكالىق نەسيە بويىنشا 72 جەر ٴۇي سالۋعا قۇجات قابىلدانادى. اتالعان اۋماقتى ينفراقۇرىلىممەن قامتاماسىز ەتۋ ٴۇشىن 1 ملرد. 266 ملن. تەڭگە ٴبولىنىپ وتىر. سۋ تارتىلىپ، ەلەكتر باعاندارى ورناتىلادى. جول سالىنادى. جەر تەلىمدەرىنىڭ يەلەرى «تۇرعىن ٴۇي قۇرىلىس جيناق بانكى» ارقىلى نەمەسە وزدەرى دە قۇرىلىس جۇرگىزە الادى. تەك ۇيلەر بەلگىلەنگەن جوبا بويىنشا سالىنۋى شارت»، – دەيدى پەتروپاۆل قالالىق قۇرىلىس ٴبولىمىنىڭ باسشىسى سەرىك سابىرالين.

«تۇرعىن ٴۇي قۇرىلىس جيناق بانكى» ارقىلى يپوتەكالىق نەسيە الۋ ٴۇشىن جەر ۋچاستكەسى نەسيەلىك مەرزىم اياقتالعانعا دەيىن جالدا بولۋى كەرەك. باعدارلاما قاتىسۋشىلارى ٴۇيدىڭ جالپى قۇنىنىڭ 30 پايىزىن جيناۋى شارت. پايىزدىق ۇستەمە اقىسى دا ادەتتەگىدەي 8 پايىز ەمەس، 5 پايىز»، – دەيدى «قازاقستان تۇرعىن ٴۇي قۇرىلىس جيناق بانكى» اق سقوف ديرەكتورى رايحان ٴابدىراحمانوۆا.


پەتروپاۆل قالاسى بويىنشا باسپانا كەزەگىندە تۇرعاندار سانى 18 مىڭنان اسادى. بيىل «نۇرلى جەر» باعدارلاماسى بويىنشا 1 مىڭنان استام پاتەر پايدالانۋعا بەرىلمەك.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي