BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسى تۇرعىن ٴۇي قۇرىلىسى بويىنشا سوڭعى 25 جىلدا جەتپەگەن مەجەنى باعىندىرماق

فوتو: Автор

بيىل ەرتىس ٴوڭىرىنىڭ قالا-اۋداندارىندا 300 مىڭ شارشى مەتردەن استام تۇرعىن ٴۇي بوي كوتەرمەك. بۇل سوڭعى 25 جىلدا بولماعان كورسەتكىش، دەپ حابارلايدى baq.kz اقپارات اگەنتتىگىنىڭ وڭىردەگى ٴتىلشىسى.

ايتا كەتەيىك، وبلىستا تۇرعىن ٴۇي قۇرىلىسى «نۇرلى جەر» باعدارلاماسى شەڭبەرىندە قارقىن الدى. بۇل يگىلىككە مەملەكەت بيۋدجەتىنەن 8،8 ملرد تەڭگە جۇمسالدى.

وبلىستىق قۇرىلىس باسقارماسىنىڭ مالىمەتىنشە، بىلتىر 61 تۇرعىن ٴۇي سالىنىپ، 2 279 پاتەر حالىق يگىلىگىنە بەرىلگەن.

«2016 جىلمەن سالىستىرساق، وڭىردە تۇرعىن ٴۇي سالۋ كورسەتكىشتەرى 125-130% ارتتى. كەلەر جىلى جوسپارىمىزدى اسىرا ورىنداۋعا بارمىز. 300 مىڭ شارشى مەتردەن استام تۇرعىن ٴۇي قولدانىسقا بەرىلەدى. «نۇرلى جەر» مەملەكەتتىك باعدارلاماسى شەڭبەرىندە قۇرىلىس يندۋسترياسى قاتار دامىدى دەۋگە بولادى. بۇگىنگى تاڭدا قۇرىلىس سالاسىندا جۇمىس ىستەيتىن كاسىپورىنداردا بەس مىڭداي ازامات ەڭبەك ەتۋدە. سونىمەن قاتار، تۇرعىن ٴۇي كومبيناتىنىڭ جۇمىسى قىزۋ»، - دەيدى باسقارما باسشىسى رۇستەم رايىسوۆ.

پاۆلودار قالاسىندا توزىعى جەتكەن «اليۋمينستروي» شاعىن اۋدانىنىڭ ماسەلەسى دە شەشىمىن تابۋدا. بىلتىر 45 جىل بويى قولدانىستا بولعان ۇيلەردىڭ يەلەرى جاڭا 6 تۇرعىن ۇيگە قونىستاندى. قازىرگى ۋاقىتتا 10 نىسان سالىنىپ جاتىر.

«بۇعان قوسا، بۇرىنعى ساياجاي ۋچاسكەلەرىنىڭ اۋماعىندا جاڭا «دوستىق» شاعىن اۋدانىنىڭ قۇرىلىسى جۇرگىزىلەدى. ناقتىراق ايتقاندا، جەكە-تۇرعىن ٴۇي سالاسى داميدى. بۇگىندى ينفراقۇرىلىم جەلىلەرى تارتىلىپ جاتىر. قازىرگى ۋاقىتتا 468 ۋچاسكەگە ينجەنەرلىك جەلىلەر تارتىلدى. كەيىن نەگىزگى قۇرىلىس جۇمىستارى باستالادى»، - دەيدى مامان.

تۇرعىن ٴۇي قۇرىلىسىنداعى سەرپىلىس شاعىن قالالاردا دا بايقالماق. ماسەلەن، ەنەرگەتيكتەر قالا – اقسۋدا جەتى بىردەي كوپقاباتتى نىسان پايدالانۋعا بەرىلمەك. بيىل 40 مىڭ شارشى مەتر حالىق يگىلىگىنە بەرىلمەك. قازىرگى ۋاقىتتا اقسۋدا باسپانا تاپشىلىعى بايقالادى. كەزەكتە 3 مىڭ ازامات تۇر. ولاردىڭ باسىم بولىگى – ونەركاسىپ سالاسىندا ەڭبەك ەتەتىندەر. سونىمەن قاتار، شاھاردا العاش رەت جەكە تۇرعىن ٴۇي كەشەنىنىڭ قۇرىلىسى باستالماق.

«جەكە تۇرعىن ٴۇي قۇرىلىسى باستى نازاردا بولادى. قازىرگى ۋاقىتتا ٴارقايسىسى سەگىز گەكتار بولاتىن 408 جەر ۋچاسكەسى انىقتالدى. شاعىن قالاشىق ٴبىرىڭعاي ساۋلەتتىك ستيلدە بوي كوتەرمەك»، - دەيدى اقسۋ قالاسىنىڭ اكىمى نيكولاي دىچكو.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي