BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك قازاقستاننىڭ تۇلكىباس اۋدانىندا كوپقاباتتى 7 ٴۇيدىڭ قۇرىلىسى باستالدى

وڭتۇستىك قازاقستان وبلىسى تۇلكىباس اۋدانىندا «نۇرلى جەر» مەملەكەتتىك باعدارلاماسى شەڭبەرىندە كوپقاباتتى 7 تۇرعىن ٴۇيدىڭ قۇرىلىسى ٴجۇرىپ جاتىر. وعان قازىنادان جالپى 2 ملرد 600 ميلليون تەڭگەدەن استام قارجى ٴبولىندى، دەپ حابارلايدى baq.kz اقپارات اگەنتتىگى.

تۇرعىن ۇيلەر اۋداننىڭ ت. رىسقۇلوۆ جانە ساستوبە اۋىلىندا بوي كوتەرۋدە. بۇل ەلدى مەكەندەردە بۇگىندە 32 مىڭعا جۋىق حالىق تۇرادى.
قۇرىلىسى قارقىن العان ت.رىسقۇلوۆ اۋىلىندا كوپقاباتتى 5 تۇرعىن ٴۇي، ال ساستوبە پوسەلكەسىندە 32 پاتەرلىك ەكى تۇرعىن ٴۇي سالىنۋدا.
قۇرىلىس جۇمىستارى جوسپارعا ساي 2018 جىلدىڭ سوڭى مەن 2019 جىلدىڭ باسىندا اياقتالىپ، پايدالانۋعا بەرىلەدى دەپ جوسپارلانعان. ناتيجەسىندە 320 وتباسى باسپانالى بولىپ، قونىس تويىن تويلاماق. وسىلايشا تۇلكىباستىقتاردىڭ «نۇرلى جەر» مەملەكەتتىك باعدارلاماسىنىڭ شاراپاتىن كورەتىن كۇن الىس ەمەس.
وقو اكىمىنىڭ ٴباسپاسوز قىزمەتى ٴمالىم ەتكەندەي، مۇندا زاماناۋي تۇرعىن ٴۇي قۇرىلىسىمەن بىرگە سول ايماقتىڭ ينجەنەرلىك-كوممۋنيكاسيالىق ينفراقۇرىلىمى دا جۇرگىزىلۋدە.
ايتا كەتەيىك، بۇگىنگى تاڭدا اۋداندا 1507 ازامات تۇرعىن ٴۇي كەزەگىندە تۇر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي