BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك قازاقستاندا جىل باسىنان بەرى 6553 پاتەر پايدالانۋعا بەرىلدى

وڭتۇستىك قازاقستان وبلىسىندا بيىلعى جىلى تۇرعىن ٴۇي قۇرىلىسىنىڭ ٴوسۋ قارقىنى بايقالادى. ماسەلەن، وتكەن جىلى كوپقاباتتى 44 ٴۇي، ياعني، 214،6 مىڭ شارشى مەتر بولاتىن 2564 پاتەر تاپسىرىلدى. ال، وسى جىلى وبلىستا بارلىعى 976،9 مىڭ شارشى مەتر بولاتىن 245 كوپقاباتتى ٴۇيدiڭ قۇرىلىسى جۇرگiزiلۋدە، دەپ حابارلايدى baq.kz اقپارات اگەنتتىگى وقو اكىمدىگى ٴباسپاسوز قىزمەتىنە سىلتەمە جاساپ.

ونىڭ بۇگىندە 347،2 مىڭ شارشى مەترى، ياعني، 91 ٴۇي پايدالانۋعا بەرىلىپ، 4733 باسپانا ەل يگىلىگىنە ۇلەستىرىلدى. وتكەن جىلعىمەن سالىستىرعاندا ٴوسىم 61،8 پايىزعا ارتقان. بۇل جۇمىستار وبلىس اكىمى ج.تۇيمەبايەۆتىڭ قالادا كوپقاباتتى تۇرعىن ٴۇي سانىن كوبەيتۋ بويىنشا بەرىلگەن تاپسىرماسىنىڭ نەگىزىندە جۇزەگە اسىپ وتىر.

جىل باسىندا ايماق باسشىسى وبلىس ورتالىعىنداعى نەگىزگى ماسەلەلەردىڭ ٴبىرى – باسپانا ەكەنىن ايتىپ، قالا ورتالىعىندا كوپقاباتتى تۇرعىن ۇيلەردىڭ قۇرىلىسىنا باسىمدىق بەرىپ، ٴۇي كەزەگىندە تۇرعان ازاماتتاردى باسپانامەن قامتۋ جايىن قاراستىرۋدى تاپسىرعان بولاتىن. سونداي-اق، قالانى دامىتۋداعى كەزەكتى ٴبىر جيىنىندا قالاداعى ۇيلەردىڭ 70 پايىزىن جەر ۇيلەر قۇراعاندىقتان ولاردىڭ ينفراقۇرىلىمدىق قاجەتتىلىكتەرمەن قامتاماسىز ەتۋ اسا كوپ شىعىندى تالاپ ەتىپ وتىرعانىن جانە جەكە تۇرعىن ٴۇي قۇرىلىسى كوپتەپ سالىنۋىنان ورتالىقتىڭ ساۋلەتتىك كەلبەتىنە دە ايتارلىقتاي كەرى اسەرىن تيگىزگەنىن ەسكەرتكەن. وسى رەتتە، وبلىستا الداعى ۋاقىتتا كوپقاباتتى تۇرعىن ٴۇي سالۋ قارقىنى ەسەلەنە تۇسپەك. ياعني، 2018 جىلى وڭىردە وسى جىلدان وتپەلى كوپقاباتتى 154 تۇرعىن ٴۇيدىڭ قۇرىلىسى مەن قوسىمشا جاڭادان كوپقاباتتى 100 تۇرعىن ٴۇيدىڭ قۇرىلىسى باستالماق.

جالپى وڭىردە «نۇرلى جەر» باعدارلاماسىنىڭ بارلىق باعىتى بويىنشا 620 مىڭ شارشى مەتر بولاتىن تۇرعىن ٴۇي پايدالانۋعا بەرىلىپ، وسىنىڭ ناتيجەسىندە وڭتۇستىكقازاقستاندىق 6553 وتباسى باسپانالى بولدى. قۇرىلىسى بىتكەن ۇيلەردىڭ ىشىندە 347،2 مىڭ شارشى مەترى كوپقاباتتى بولسا، 272،3 مىڭ شارشى مەترى جەكە تۇرعىن ٴۇي.

اتالعان تۇرعىن ٴۇي قۇرىلىسىنا 36،9 ملرد تەڭگە كولەمىندە ينۆەستيسيا سالىندى. بۇل كورسەتكىش وتكەن جىلعىمەن سالىستىرعاندا 8،9 پايىزعا ارتىق. ونىڭ ىشىندە 18،8 ملرد تەڭگە مەملەكەتتىك ينۆەستيسيالاردى قۇرايدى.

فوتو: وقو اكىمدىگى ٴباسپاسوز قىزمەتىنەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي