BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-داعى 20 ەلدى مەكەندە قىزمەتتىك تۇرعىن ٴۇيدىڭ قۇرىلىسى باستالادى

وڭتۇستىك قازاقستان وبلىسىنىڭ اكىمى تۇيمەبايەۆتىڭ تىكەلەي باستاماسى بويىنشا بيىل وڭىردە قىزمەتتىك 20 تۇرعىن ٴۇيدىڭ قۇرىلىسى باستالماق. «نۇرلى جەر» مەملەكەتتىك باعدارلاماسىمەن سالىناتىن تۇرعىن ۇيلەر وڭىردەگى توعىز اۋداننىڭ 20 ەلدى مەكەنىندە بوي كوتەرەتىن بولادى، دەپ حابارلايدى baq.kz اقپارات اگەنتتىگى.

ون پاتەردەن تۇراتىن ەكى قاباتتى تيپتىك ۇلگىدەگى تۇرعىن ۇيلەردىڭ قۇرىلىسى ٴبىرىنشى جارتىجىلدىقتا اياقتالادى دەپ جوسپارلانۋدا.

وقو اكىمدىگىنىڭ ٴباسپاسوز قىزمەتى ٴمالىم ەتكەندەي، بۇل ماقساتتاعى تۇرعىن ۇيلەرگە وبلىستىق بيۋدجەتتەن 1،6 ملرد تەڭگە كولەمىندە قارجى ٴبولىنىپ وتىر. اتالعان باسپانالار مۇعالىمدەر مەن مەديسينا جانە جەرگىلىكتى پوليسيا قىزمەتكەرلەرىنە، تاعى باسقا دا بيۋدجەت سالاسىندا ەڭبەك ەتەتىن ازاماتتارعا بەرىلەدى.

ەسكە سالساق، وتكەن جىلى ايماق باسشىسى جاڭا وقۋ جىلى باستالعان ۋاقىتتا مۇعالىمدەر مەن مەديسينا سالاسىنىڭ قىزمەتكەرلەرىن قىزمەتتىك پاتەرمەن قامتۋ ٴۇشىن بارلىق اۋدان، قالادان تيپتىك ۇلگىدەگى تۇرعىن ۇيلەر سالۋدى قولعا الۋدى تاپسىرعان بولاتىن. وسى باعىتتاعى جۇمىستاردى ۇيلەستىرۋدى قۇرىلىس باسقارماسىنا جۇكتەگەن.

بۇگىندە جوبالىق سمەتالىق قۇجاتتاماسى ازىرلەنىپ، باسقارما تاراپىنان ٴتيىستى جۇمىستار اتقارىلۋدا. ايتا كەتەيىك، اتالعان تۇرعىن ۇيلەر اۋدان مەن قالاداعى 20 ەلدى مەكەندە، ياعني، تۇلكىباس - 3، تولەبي - 1، وتىرار - 2، بايدىبەك - 2، شاردارا - 2، سوزاق - 2، ارىس - 2، كەنتاۋ - 3 جانە تۇركىستاندا - 3-ەۋى سالىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي