BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا «نۇرلى جەر» باعدارلاماسى ارقىلى 585 وتباسى باسپانالى بولماق

بيىل وڭتۇستىك قازاقستان وبلىسى سارىاعاش اۋدانىندا «نۇرلى جەر» مەملەكەتتىك باعدارلاماسى اياسىندا كوپقاباتتى 13 تۇرعىن ٴۇي پايدالانۋعا بەرىلەدى. ناتيجەسىندە ٴۇي كەزەگىندە تۇرعان 585 وتباسى باسپانالى بولماق، دەپ حابارلايدى baq.kz اقپارات اگەنتتىگى اكىمنىڭ ٴباسپاسوز قىزمەتىنە سىلتەمە جاساپ.

"وسى جۇمىستارعا دەپ قازىنادان 5 ملرد 278 ملن تەڭگە قارجى بولىنگەن. جاڭا پاتەرلەر نەگىزىنەن الەۋمەتتىك كومەككە ٴزارۋ ازاماتتارعا ۇلەستىرىلەدى. ولاردىڭ قاتارىنا مۇمكىندىگى شەكتەۋلى جاندار، كوپبالالى وتباسىلار، سوعىس ارداگەرلەرى مەن ولارعا تەڭەستىرىلگەن ازاماتتار جانە جاڭادان وتاۋ قۇرعان جاستار كىرەدى" - دەلىنگەن ٴباسپاسوز حابارلاماسىندا.

كوپقاباتتى تۇرعىن ۇيلەردىڭ قۇرىلىسىمەن «ىنتىماق بەس-ارىس» جشس، «ولجا» جشس، «اركۋا گرۋپپ» جشس، «داۋلەت» جشس، تسك-رابات جشس، بالتا-ساپار جشس اينالىسادى.

ايتا كەتەيىك، دەموگرافيالىق ٴوسۋ قارقىنى جوعارى اۋداندا سوڭعى 40 جىلدا مۇنداي كولەمدە باسپانا سالىنباعان.

سونداي-اق، تۇلكىباس اۋدانىندا دا جالپى سوماسى 2415،9 ملن تەڭگەگە كوپقاباتتى 5 تۇرعىن ٴۇيدىڭ قۇرىلىسى باستالدى. ونىڭ 1863،5 ملن تەڭگەسى وبلىستىق، قالعانى رەسپۋبليكالىق قازىنادان بولىنگەن. جوسپار بويىنشا نىسانداردىڭ قۇرىلىس جۇمىستارى 2019 جىلى اياقتالادى. ناتيجەسىندە 256 وتباسى باسپانالى بولادى دەپ كۇتىلۋدە. قازىرگى تاڭدا اۋدانداعى تۇرعىن ٴۇي كەزەگىنە 1482 ازامات تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي