BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا بيىل 730 مىڭ شارشى مەتر تۇرعىن ٴۇي تاپسىرىلادى

وڭتۇستىك قازاقستان وبلىسىندا بىلتىر «نۇرلى جەر» باعدارلاماسى اياسىندا 721،1 مىڭ شارشى مەتر تۇرعىن ٴۇي تاپسىرىلدى. بۇل 2016 جىلمەن سالىستىرعاندا 36،2 پايىزعا ٴوسىپ وتىرعاندىعىن كورسەتەدى. تاپسىرىلعان ۇيلەردىڭ 436،2 مىڭ شارشى مەترى - كوپقاباتتى بولسا، 284،9 مىڭ شارشى مەترى - جەكە تۇرعىن ٴۇي. اعىمداعى جىلى 730 مىڭ شارشى مەتر تۇرعىن ٴۇيدى پايدالانۋعا بەرۋ جوسپارلانىپ وتىر. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وبلىستىق قۇرىلىس باسقارماسىنىڭ باسشىسى قۇتتىبەك جاماشەۆ ٴمالىم ەتتى، دەپ حابارلايدى baq.kz اقپارات اگەنتتىگى.

باسقارما باسشىسىنىڭ ايتۋىنشا، وتكەن جىلى 233 ينۆەستيسيالىق جوبا ىسكە اسىرىلعان. ولاردىڭ قۇرىلىسىنا قر ۇلتتىق قورى، رەسپۋبليكالىق جانە وبلىستىق بيۋدجەت قاراجاتتارى ەسەبىنەن 66،4 ملرد تەڭگە قارالعان بولاتىن. بۇل كورسەتكىش 2016 جىلمەن سالىستىرعاندا 32 پايىزعا ارتىپ وتىر.

«بيىل وبلىس اۋماعىندا جالپى رەسپۋبليكالىق جانە وبلىستىق بيۋدجەتتەن باعىتتالعان 52،5 ملرد تەڭگەگە جالپى 186 ينۆەستيسيالىق جوبانىڭ قۇرىلىسىن ىسكە اسىرۋ جوسپاردا. سونداي-اق، وتكەن جىلى جوسپارداعى 233 نىساننىڭ ٴ115-ى پايدالانۋعا بەرىلدى. قالعان 118 نىسان 2018 جىلعا وتپەلى. ۇلتتىق قوردان «نۇرلى جول» مەملەكەتتىك باعدارلاماسى اياسىندا 35 ٴبىلىم بەرۋ نىسانىنىڭ قۇرىلىسى جۇرگىزىلىپ، جىل قورىتىندىسىمەن 20 مەكتەپ پايدالانۋعا تاپسىرىلدى. قالعان 15 مەكتەپ 2018 جىلعا وتپەلى»، - دەدى قۇتتىبەك راحماتۋللا ۇلى.

بۇدان وزگە، وتكەن جىلى وبلىستا مەملەكەتتىك بيۋدجەت قاراجاتى ەسەبىنەن تۇرعىن ٴۇي قۇرىلىسىن اۋدانداردا جۇرگىزۋ ٴۇشىن ينجەنەرلىك كوممۋنيكاسيالارعا جالپى سوماسى 8،9 ملرد تەڭگەگە 21 نىساننىڭ قۇرىلىسى جۇرگىزىلدى. جىل قورىتىندىسىمەن 8 نىسان پايدالانۋعا تاپسىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي