BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا 200-دەن استام تۇرعىن ٴۇي سالىنىپ جاتىر

بۇگىن وڭتۇستىك قازاقستان وبلىسىندا «قۇرىلىسشىلار كۇنى» كاسىبي مەرەكەسى اتالىپ ٴوتتى. تامىز ايىنىڭ ەكىنشى جەكسەنبىسىندە تويلاناتىن وسىناۋ مەيرامدا اتالعان كاسىپ يەلەرىن قۇتتىقتاعان وبلىس اكىمى جانسەيىت تۇيمەبايەۆ بۇل سالانى دامىتۋ بۇگىندە مەملەكەتتىڭ وزەكتى ەكونوميكالىق جانە ساياسي مىندەتى بولىپ تابىلاتىنىن جەتكىزدى، دەپ حابارلايدى baq.kz اقپارات اگەنتتىگى وقو اكىمدىگى ٴباسپاسوز قىزمەتىنە سىلتەمە جاساپ.

«قۇرىلىس يندۋسترياسىنىڭ وركەندەۋى، الەۋمەتتىك ماڭىزدى نىسانداردىڭ سالىنۋى الەمدەگى وتىزدىققا ۇمتىلعان ەلىمىزدە ەرەكشە ورىن الادى. سوڭعى جىلدارى قۇرىلىس نىساندارىن سالۋعا ارنالعان ينۆەستيسيالار كولەمى رەسپۋبليكالىق، وبلىستىق جانە اۋداندىق بيۋدجەتتەردەن، سونىمەن بىرگە جەكە كومپانيالار مەن فيرمالاردىڭ قارجىلارى ەسەبىنەن ەداۋىر وسۋدە. اتاپ ايتقاندا ٴبىلىم بەرۋ، دەنساۋلىق ساقتاۋ، مادەنيەت، سپورت، ٴتۇرعىن-ۇي جانە ينجەنەرلىك ينفراقۇرىلىمدى دامىتۋ سياقتى الەۋمەتتىك ماڭىزدى سالالارعا مەملەكەت تاراپىنان وراسان زور كوڭىل ٴبولىنىپ، «نۇرلى جول»، «نۇرلى جەر» باعدارلامارى شەڭبەرىندە قارقىن الىپ وتىر»، - دەدى ٴوڭىر باسشىسى.

سالاداعى وسىناۋ اقپاراتتارمەن بولىسكەن ايماق باسشىسى مۇنان سوڭ، قۇرىلىس سالاسىندا كوپتەگەن جىلدار ەڭبەك ەتىپ، وڭىردەگى ٴبىرقاتار قۇرىلىس نىساندارىنىڭ بوي كوتەرۋىنە اتسالىسقان قۇرمەتتى قۇرىلىسشىلاردى ماراپاتتادى.

جالپى، 2017 جىلى وبلىس اۋماعىندا 209 الەۋمەتتىك نىسان قۇرىلىسى بويىنشا ينۆەستيسيالىق جوبالاردىڭ ىسكە اسىرىلۋىنا 64،9 ملرد.تەڭگە قارالدى. سونداي-اق جىل سوڭىنا دەيىن 116 نىساندى پايدالانۋعا تاپسىرۋ جوسپارلانىپ وتىر. ۇلتتىق قوردان – «نۇرلى جول» مەملەكەتتىك باعدارلاماسى اياسىندا 32 مەكتەپ قۇرىلىسىن جۇرگىزۋگە 17،4 ملرد.تەڭگە بولىنسە، 2016 جىلدان وتپەلى 19 مەكتەپتى بيىل پايدالانۋعا بەرۋ جوسپارلانىپ، بۇگىنگى كۇنگە 5 مەكتەپ تاپسىرىلدى.

تۇرعىن ٴۇي قۇرىلىسى دامۋىنىڭ نەگىزگى فاكتورى – قۇرىلىسقا ينۆەستيسيالىق قارجىلاردىڭ كوپتەپ باعىتتالۋى بولىپ تابىلادى. باسپانامەن قامتاماسىز ەتۋ – حالىقتىڭ تۇرمىس دەڭگەيى دامۋىنىڭ نەگىزگى كورسەتكىشى. 2017 جىلى بارلىق قارجىلاندىرۋ كوزدەرى ارقىلى 226 تۇرعىن ٴۇيدىڭ قۇرىلىسى جۇرگىزىلۋدە. بۇل دەگەنىڭىز 10 879 پاتەر. جىل سوڭىنا دەيىن 115 ٴۇيدى (6375 پاتەر) پايدالانۋعا تاپسىرۋ جوسپارلانىپ وتىر.

«نۇرلى جەر» تۇرعىن ٴۇي قۇرىلىسى باعدارلاماسىنىڭ بارلىق باعىتتارى بويىنشا 2017 جىلدىڭ جەتى ايىندا وقو اۋماعىندا 348،0 مىڭ ش.م. (3154 پاتەر) تۇرعىن ٴۇي پايدالانۋعا تاپسىرىلىپ، وتكەن جىلدىڭ وسى مەرزىمىمەن سالىستىرعاندا 115،%-عا ورىندالدى. 2017 جىلدىڭ جوسپارى – 550،6 مىڭ ش.م. تۇرعىن ٴۇيدى اياقتاۋ جوسپارلانسا، جىل قورىتىندىسىمەن 700 مىڭ ش.م. پايدالانۋعا تاپسىرىلادى دەپ كۇتىلۋدە.

جول قۇرىلىسى سالاسىن دامىتۋعا 2017 جىلى بيۋدجەتتەن 29 ملرد 445،7 ملن. تەڭگە قارالىپ، 584 نىسان نەمەسە 1 570 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلاتىن بولادى. وبلىستىق جانە اۋداندىق ماڭىزى بار 801،8 شاقىرىم جولدا قۇرىلىس-جوندەۋ جۇمىستارى جۇرگىزىلىپ، جىل سوڭىنا دەيىن 115،4 شاقىرىم جول قۇرىلىسى اياقتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي