BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو، قوستاناي جانە ماڭعىستاۋ وبلىسى سالىمشىلارى «نۇرلى جەر» بويىنشا باسپانالى بولماق

فوتو: ОКҚ

«نۇرلى جەر» باعدارلاماسى اياسىندا وقو، قوستاناي جانە ماڭعىستاۋ وبلىسىنىڭ سالىمشىلارى جىل سوڭىنا دەيىن جاڭا قونىسقا كىرمەك. بۇل تۋرالى تۇرعىن ٴۇي قۇرىلىس جيناق بانكى باسقارماسىنىڭ ٴتورايىمى ٴلاززات يبراگيموۆا مالىمدەدى.

«2017 جىلى «نۇرلى جەر» باعدارلاماسى اياسىندا 145 ٴۇي، ياعني 8645 پاتەردى قابىلداپ الدىق. ونىڭ ىشىندە 4 مىڭ پاتەر ٴبىزدىڭ سالىمشىلارعا ۇلەستىرىلدى. جىل سوڭىنا دەيىن وڭىرلەردە 53 ٴۇي، ياعني 4870 پاتەر بەرىلمەك. كەلەسىدەي ٴوڭىر سالىمشىلارىنا: وقو - 630 پاتەر، قوستاناي وبلىسى - 1260 پاتەر، ماڭعىستاۋ وبلىسى - 1068 پاتەر بەرىلەدى»، - دەدى ٴلاززات يبراگيموۆا.

ونىڭ ايتۋىنشا بيىلدان باستاپ مەملەكەتتىك باعدارلاما اياسىندا جەر ۇيلەر يپوتەكاعا بەرىلىپ، قارىزدى سۋبسيديالاۋ جۇمىستارى جۇرگىزىلىپ وتىر.

«ٴبىز ٴۇشىن ەڭ قۋانىشتى وقيعا ول - «نۇرلى جەر» باعدارلاماسى بويىنشا پاتەرلەر عانا ەمەس، كوتتەدجەر، ياعني جەر ۇيلەر يپوتەكاعا بەرىلەدى. قوستاناي وبلىسىنداعى زارەچنىي ەلدىمەكەنى تۇرعىندارىنا جەر ۇيلەر كىلتىن بەرەمىز. ول ۇيلەردىڭ شارشى مەترى 120 مىڭ تەڭگەگە باعالانىپ وتىر. باسقا دا وڭىرلەردە، مىسالى سولتۇستىك قازاقستاندا كەلەسى جىلى وسىنداي جەر ۇيلەردى بەرۋ جوسپاردا بار»، - دەدى ول.

ال «بايتەرەك» xولدينگىنىڭ باسقارۋشى ديرەكتورى قايىربەك وسكەنبايەۆ باعدارلاما اياسىندا جەر ۇيلەردى سۋبسيديالاۋ شاعىن اۋدانداردىڭ بوي كوتەرۋىنە سەپ بولىپ وتىرعانىن ايتادى.

«بۇكىل وڭىرلەردە وسى مەxانيزم بويىنشا ۇيلەر سالىنىپ جاتىر. كەيبىر قالالاردا كىشى اۋدان رەتىندە سالىنعان. اۋدان، اۋىلدارعا وسىلاي قۇرىلىس جۇمىستارى جۇرگىزىلسە تاماشا بولار ەدى دەپ ويلاپ وتىرمىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي