BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەردىڭ» 5 باعىتى. 11 ايدا نە ىستەلدى، قانشا سوما يگەرىلدى؟

ەل پرەزيدەنتى نۇرسۇلتان نازاربايەۆتىڭ تىكەلەي تاپسىرماسىمەن قۇرىلعان حالىقتى باسپانامەن قامتاماسىز ەتۋدە بىردەن-بىر قوزعاۋشى كۇشكە اينالعان «نۇرلى جەر» باعدارلاماسىنىڭ جۇزەگە اسا باستاعانىنا دا ٴبىر جىلعا تاياپ قالىپتى. ناقتىراق ايتساق 11 ايدىڭ ٴجۇزى بولعان ەكەن. بۇگىن وسى 11 ايدا نە ىستەلىپ، قانشا ادام باسپانامەن قامتاماسىز ەتىلىپ، قانشا تۇرعىن ٴۇي سالىنعانى جايلى شاعىن شولۋ جاساپ كورمەكپىز.

بيىل «نۇرلى جەر» باعدارلاماسى اياسىندا 10،1 ملن شارشى مەتردەن استام تۇرعىن ٴۇيدى (99 مىڭ پاتەر) پايدالانۋعا بەرۋ جوسپارلانعان. ونىڭ 1،3 ملن شارشى مەتردەن استامى (22 778 مىڭ پاتەر) مەملەكەتتىك ينۆەستيسيا ەسەبىنەن بەرىلەتىندىگى انىقتالعان.

بۇگىنگى كۇنى «نۇرلى جەر» باعدارلاماسىنىڭ جىلدىق جوسپارى 95%-عا ورىندالدى، 9،6 ملن شارشى مەتر نەمەسە شامامەن 84،1 مىڭ باسپانا ىسكە قوسىلدى.

11 ايدىڭ قورىتىندىسى بويىنشا تۇرعىن ٴۇي سالاسىنداعى ٴوسىمنىڭ تۇراقتى قارقىنى بايقالادى. ىسكە قوسىلعان تۇرعىن ٴۇيدىڭ فكي 7،6%-عا ارتتى (8،9 ملن ش/م-دەن 9،6 ملن ش/م-گە دەيىن).

رەسپۋبليكا بويىنشا بارلىعى 84 114 باسپانا بەرىلسە، ونىڭ 26 ٴ372-سى جەكە تۇرعىن ٴۇي (4،1 ملن ش/م) جانە 57 742 پاتەر كپت (5،5 ملن ش/م).

تۇرعىن ٴۇي قۇرىلىسىنا جۇمسالعان ينۆەستيسيانىڭ جالپى سوماسى 820،7 ملرد تەڭگەنى قۇراپ، بۇل كورسەتكىش وتكەن 2016 جىلدىڭ ۇقساس كەزەڭىمەن سالىستىرعاندا 12،9%-عا كوپ بولدى. ونىڭ 134 ملرد تەڭگەسى مەملەكەتتىك ينۆەستيسيالاردان ٴتۇستى.

وتكەن جىلمەن سالىستىرعاندا باسپانانى ەڭ كوپ پايدالانۋعا بەرگەن وڭىرلەردىڭ كوش باسىندا باتىس قازاقستان (+47،9%)، جامبىل (33،6%)، قوستاناي (31،9%)، پاۆلودار (+28،5%)، سولتۇستىك قازاقستان (27،8%)، اقمولا (+25،1%)، اتىراۋ (+24،8%)، قىزىلوردا (+20،4%) وبلىستارى تۇر.

مەملەكەتتىك ينۆەستيسيا ەسەبىنەن ەنگىزىلگەن باسپانانىڭ كولەمى 16 353 پاتەردى قۇرادى نەمەسە 975،2 مىڭ ش/م (22 778 پاتەر جوسپارىنا 72،6%).

حالىقتى باسپانامەن قامتاماسىز ەتۋدىڭ 5 ٴتۇرلى باعىتى نەگىزىندە جۇمىستار جۇرگىزىلدى. ولار:

1. 362،5 مىڭ ش/م (5867 پاتەر) – اكىمدىكتەردىڭ كرەديتتىك ٴۇيى;

2. 357،0 مىڭ ش/م (6060 پاتەر) – «بد» اق-تىڭ كرەديتتىك ٴۇيى;

3. 163،1 مىڭ ش/م (2883 پاتەر) – «قيك» اق-تىڭ جالعا بەرىلەتىن ٴۇيى;

4. 20،0 مىڭ ش/م (354 پاتەر) – اكىمدىكتەردىڭ جالعا بەرىلەتىن ۇيلەرى (ساتىپ الۋسىز);

5. 72،6 مىڭ ش/م (1189 پاتەر) – ٴودب اياقتالىپ جاتقان جوبالارى.

ٴبىرىنشى باعىت. وڭىرلەردە حالىقتىڭ الەۋمەتتىك جاعىنان وسال توپتارى ٴۇشىن الاڭى 288،0 مىڭ شارشى مەتر (5376 پاتەر) ساتىپ الۋ قۇقىعىنسىز جالعا بەرىلەتىن تۇرعىن ۇيلەردىڭ قۇرىلىسى باستالدى. وسى جىلى قۇرىلىستى قارجىلاندىرۋ ٴۇشىن رەسپۋبليكالىق بيۋدجەتتەن 25 ملرد تەڭگە ٴبولىندى. ونىڭ وڭىرلەرگە 23،1 ملرد تەڭگەسى اۋدارىلىپ، 22،2 ملرد تەڭگەسى نەمەسە 96،1%-ى يگەرىلدى.

بيىل 150،5 مىڭ ش/م تۇرعىن ٴۇي (2697 پاتەر) تاپسىرۋ جوسپارلانعان، بۇگىنگى كۇنى ونىڭ 354 پاتەرى (20،0 مىڭ ش/م) پايدالانۋعا بەرىلدى اتىراۋ (60 پاتەر)، جامبىل (98)، بقو (24)، پاۆلودار (72)، سقو وبلىستارىندا (100).

ەكىنشى باعىت. 2017 جىلى تۇرعىن ٴۇي قۇرىلىسى ٴجۇرىپ جاتقان اۋداندارعا، سونىڭ ىشىندە جەكە تۇرعىن ٴۇي سالىنىپ جاتقان جەرلەرگە ينجەنەرلىك كوممۋنيكاسيا تارتۋعا اعىمداعى جىلى رەسپۋبليكالىق بيۋدجەتتەن 83،4 ملرد تەڭگە ٴبولىندى. وڭىرلەرگە اۋدارىلعان 68،5 ملرد تەڭگەنىڭ 63،9 ميللاردى نەمەسە 93،2%-ى يگەرىلدى. رەسپۋبليكا بويىنشا ناقتىلاۋدان كەيىن 6،1 ملرد تەڭگە سومما ۇنەمدەلدى.

جەكە تۇرعىن ٴۇي قۇرىلىسىن دامىتۋ ٴۇشىن 3633 شاقىرىم جەلى تارتۋ بويىنشا 70،3 مىڭ جەكە تۇرعىن ٴۇي قۇرىلىسى سالىناتىن جەر ۋچاسكەلەرىنە، ونىڭ ىشىندە بۇرىن بولىنگەن 54،1 مىڭ ۋچاسكەلەرىنە جانە جاڭا 16،2 مىڭ ۋچاسكەلەرىنە جۇمىس جۇرگىزىلىپ جاتىر.

6 وبلىس ورتالىعىندا جەكە تۇرعىن ۇيلەر قۇرىلىسىنىڭ پيلوتتىق جوباسىن ىسكە اسىرۋ باستالدى. 2017-2018 جىلدارى الاڭى 219،3 مىڭ ش/م بولاتىن 1975 ٴۇي سالۋ جوسپارلانعان.

ناقتىلايتىن بولساق:

اقتوبە وبلىسىندا – 423 ٴۇي (2017 جىلى – 194 ٴۇي، 2018 ج - 229)،

قوستاناي وبلىسىندا – 279 ٴۇي (2017 جىلى – 100 ٴۇي، 2018 ج – 179 ٴۇي)،

سقو – 200 ٴۇي (2017 جىلى – 72 ٴۇي، 2018 ج - 128);

جامبىل وبلىسىندا – 300 ٴۇي (2018 جىلى پايدالانۋعا بەرىلەدى);

الماتى وبلىسىندا – 607 ٴۇي ( 2017 جىلى – 48 ٴۇي);

وقو – 166 ٴۇي (2018 جىلى پايدالانۋعا بەرىلەدى).

ٴۇشىنشى باعىت. كرەديتتىك تۇرعىن ٴۇي قۇرىلىسى بويىنشا 11 927 پاتەردىڭ (719،5 مىڭ ش/م) نەمەسە اعىمداعى جىلدىڭ جوسپارىنا 77،4%، ونىڭ ىشىندە اكىمدىكتەرمەن 5 867 پاتەر (362،5 مىڭ ش/م) جانە «بايتەرەك دەۆەلوپمەنت» اق – 7 135 پاتەر (420،7 مىڭ ش/م) ىسكە قوسىلدى. بۇل باعىتتا جوسپار بويىنشا الاڭى 929،2 مىڭ ش/م بولاتىن 15 406 پاتەر سالىنۋى كەرەك بولاتىن. ونىڭ الاڭى 508،5 مىڭ ش/م بولاتىن 8 271 پاتەرى – اكىمدىكتەردىڭ جەلىسى بويىنشا، ال الاڭى 420،7 مىڭ ش/م بولاتىن 7 135 پاتەر – «بد» جەلىسى بويىنشا تۇرعىزىلۋ كوزدەلگەن.

جىلدىڭ سوڭىنا دەيىن قوسىمشا 3 479 پاتەر (209،7 مىڭ ش/م)، ونىڭ ىشىندە: 2404 پاتەر (146،0 مىڭ ش/م) اكىمدىكتەردىڭ جەلىسى بويىنشا ىسكە قوسىلاتىن بولادى. وسى باعىتتىڭ شەڭبەرىندە اكىمدىكتەردىڭ – 67 ملرد تەڭگە قاراجاتى (65 ملرد تەڭگە نەمەسە 97% يگەرىلدى) جانە «بد» اق – 95،6 ملرد تەڭگە قاراجاتى (87،3 ملرد تەڭگە نەمەسە 91،3% يگەرىلدى) يگەرىلىپ جاتىر.

اكىمدىكتەردىڭ جەلىسى بويىنشا 2016 جىلى كوزدەلگەن 67 ملرد تەڭگەنى ەكونوميكانى جاڭعىرتۋ بويىنشا مەمكوميسسيانىڭ جوسپارىنا سايكەس 2016 جىلى – 38،2 ملرد تەڭگە جانە 2017 جىلى –28،8 ملرد تەڭگە يگەرۋ كوزدەلگەن بولاتىن. بۇگىنگى كۇنى اكىمدىكتەر 65 ملرد تەڭگە نەمەسە 97% يگەردى.

6 135 پاتەر (384،8 مىڭ ش/م) ىسكە قوسىلدى، ونىڭ ىشىندە: 2016 جىلى – 268 پاتەر نەمەسە 22،3 مىڭ ش/م، 2017 جىلى – 5 867 پاتەر نەمەسە 362،5 مىڭ ش/م. قوسىمشا 2 404 پاتەر (146 مىڭ ش/م) ىسكە قوسىلدى.

«بايتەرەك دەۆەلوپمەنت» اق جەلىسى بويىنشا 2016 جىلى بولىنگەن 113 ملرد تەڭگەنى، ەكونوميكانى جاڭعىرتۋ بويىنشا مەمكوميسسيانىڭ جوسپارىنا سايكەس، 2016 جىلى – 51،4 ملرد تەڭگە جانە 2017 جىلى – 61،6 ملرد تەڭگە يگەرۋ كوزدەلگەن بولاتىن، كەلىسىمشارت جاسالماعان 17،4 ملرد تەڭگە 07.08.2017 جىلى ۇقبك شەشىمىمەن جەرگىلىكتى اتقارۋشى ورگانداردىڭ باعالى قاعازدارىن ساتىپ الۋىنا قايتا ٴبولىندى. 95،6 ملرد تەڭگەگە كەلىسىمدەر جاسالىپ، 87،3 ملرد تەڭگە نەمەسە 91،3% يگەرىلدى.

– 485،5 مىڭ ش/م (8096 پاتەر) ىسكە قوسىلدى:

– 2016 جىلى 128،5 مىڭ ش/م (2036 پاتەر) تاپسىرىلدى،

– 2017 جىلى 357 مىڭ ش/م (6060 پاتەر) تاپسىرىلدى.

سونىمەن قاتار، قوسىمشا 63،7 مىڭ ش/م (1075 پاتەر) ىسكە قوسۋ جوسپاردا، جالپى وبەكتىلەردى اياقتاۋ 2018 جىلعا دەيىن جوسپارلاندى.

«قيك» اق جالعا بەرىلەتىن تۇرعىن ٴۇي قۇرىلىسىنا جانە ساتىپ الۋىنا 163،3 ملرد تەڭگە بولىنگەن بولاتىن (ۇلتتىق قوردان - 115 ملرد تەڭگە، رب - 48،3 ملرد تەڭگە) كەلىسىمدەر 161،2 ملرد تەڭگەگە جاسالدى. 150 ملرد تەڭگە نەمەسە 91،9% يگەرىلدى:

1،05 ملن ش/م (18 563 پاتەر) جوسپارعا وراي بارلىعى 916،6 مىڭ ش/م (16 110 پاتەر) ساتىپ الۋىمەن جالعا بەرىلەتىن تۇرعىن ٴۇي سالىندى جانە ساتىپ الىندى.

«سامۇرىق-قازىنا» ٴۇاق» اق بولگەن 97 ملرد تەڭگەدەن 75،9 ملرد تەڭگەگە كەلىسىم جاسالدى، قۇرىلىس سالۋشىلارعا 52،6 ملرد تەڭگە اۋدارىلدى (36،5 ملرد تەڭگە نەمەسە 69،4% يگەرىلدى). كەلىسىمشارت جاسالماعان 21،1 ملرد تەڭگە 07.08.2017 جىلى ۇقبك شەشىمىمەن جەرگىلىكتى اتقارۋشى ورگانداردىڭ باعالى قاعازدارىن ساتىپ الۋعا قايتا ٴبولىندى.

قۇرىلىس نىساندارى (320،3 مىڭ ش/م، 6406 پاتەر) استانا، الماتى، شقو جانە وقو سالىنىپ جاتىر. ولار 2018 جىلى ناۋرىز-شىلدە ارالىعىندا اياقتالادى.

ٴتورتىنشى باعىت. جەكە قۇرىلىس سالۋشىلاردىڭ تۇرعىن ٴۇي قۇرىلىسىن ىنتالاندىرۋ.

«دامۋ» كدق» اق ارقىلى سۋبسيديالاۋ ٴۇشىن ناقتىلانعان بيۋدجەت بويىنشا 1 ملرد تەڭگە كوزدەلگەن بولاتىن. ەدب-دىڭ 7% مۇددەسى سۋبسيديالانادى. ەدب (ەكىنشى دەڭگەيلى بانك) قۇرىلىس سالۋشىلارعا 2018-2019 جىلدارى 600 مىڭ ش/م تۇرعىن ٴۇي سالۋعا 152 ملرد تەڭگە ٴبولۋدى جوسپارلادى (2017 جىلى – 15 ملرد تەڭگە، 2018 جىلى – 137 ملرد تەڭگە).

بۇگىنگى كۇنى 8 ەدب-دە (سبەربانك، اتف بانك، بسك، قازكوممەرسبانك، نۇربانك، ەۆرازيالىق بانك، فورتەبانك، حالىق بانكى) قاراۋىندا 65،4 ملرد تەڭگە سوماعا 43 جوبا جاتىر (كرەديت سوماسى 46،5 ملرد تەڭگە)، 47،2 ملرد تەڭگەگە 26 جوبا ماقۇلداندى. كرەديتتىڭ سوماسى 32،2 ملرد تەڭگە (ونىڭ ىشىندە 26،6 ملرد تەڭگەنى قۇرايتىن 14 جوبا بويىنشا كەلىسىم جاسالدى).

بەسىنشى باعىت. يپوتەكالىق كرەديت بەرۋدىڭ قولجەتىمدىلىگىن جوعارىلاتۋ.

«قيك» اق ارقىلى حالىقتىڭ يپوتەكاسىن سۋبسيديالاۋ ٴۇشىن ناقتىلانعان بيۋدجەتكە سايكەس 1 ملرد تەڭگە كوزدەلدى. ەدب 120 ملرد تەڭگەگە 8 مىڭ قارىز بەرۋدى جوسپارلادى (2017 جىلى – 15 ملرد تەڭگەگە 1 مىڭ قارىز، 2018 جىلى – 105 ملرد تەڭگەگە 7 مىڭ قارىز).

بۇگىنگى كۇنى سبەربانك، اتف بانك، بسك، تقجب، بانك ۆتب قاتارلى 5 بانك باعدارلامانى بەلسەندى ىسكە اسىرۋعا كىرىستى جانە ولاردىڭ قاراۋىنا 11،7 ملرد تەڭگە سوماسىنا جەڭىلدەتىلگەن قارىز الۋعا 1 147 ٴوتىنىش كەلىپ ٴتۇستى. ونىڭ ىشىنەن 11،2 ملرد تەڭگەگە 1098 كرەديت بەرۋ ماقۇلداندى (جالپى سوماسى 7،8 ملرد تەڭگەنى قۇرايتىن 789 كرەديت بەرۋگە كەلىسىمدەر جاسالدى).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي