BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» جانە «7–20–25» باعدارلاماسى: ساعىنتايەۆ سقو-دا تۇرعىن ٴۇي قۇرىلىسى نىساندارىن ارالادى

سولتۇستىك قازاقستان وبلىسىنا جۇمىس ساپارى بارىسىندا پرەمەر-مينيستر باقىتجان ساعىنتايەۆ جاڭادان بوي كوتەرگەن «جاس وركەن» شاعىن اۋدانىنا بارىپ "نۇرلى جەر" باعدارلاماسى بويىنشا سالىنىپ جاتقان قۇرىلىس نىساندارىمەن جانە پرەزيدەنتتىڭ بەس الەۋمەتتىك باستاماسى اياسىنداعى "7–20–25" جاڭا يپوتەكالىق باعدارلاماسىنىڭ اتقارىلۋ بارىسىمەن تانىستى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

سونىمەن قاتار، پرەمەر-مينيستر ٴبىلىم بەرۋ جانە دەنساۋلىق ساقتاۋ مەكەمەلەرىندە بولدى.

پەتروپاۆل قالاسىنداعى جاڭادان سالىنعان «جاس وركەن» شاعىن اۋدانى مەملەكەتتىك «نۇرلى جەر» باعدارلاماسى اياسىندا بوي كوتەرىپ وتىر. ول جەردە 2019 جىلى قازان ايىنا قاراي 332 وتباسى قونىس تويىن تويلايتىن بولادى. پاتەر الاتىن تۇرعىندار ٴۇي كەزەگىندە تۇرعان جانە «تۇرعىن ٴۇي قۇرىلىس جيناق بانكى» اق سالىمشىسى بولىپ وتىرعان قالا تۇرعىندارى. شاعىن اۋداندا قاجەتتى جاعدايدىڭ بارلىعى جاسالعان. كوپ قاباتتى ۇيلەر سالىنىپ جاتىر. 900 ورىنعا ارنالعان قازاق مەكتەبى جۇمىس ىستەپ تۇر. سپورت سارايى جانە تەننيس الاڭى بار. تاعى 88 بالاعا ارنالعان شاعىن ورتالىق بوي كوتەرگەلى وتىر. سونىمەن قاتار، قازاق تەاترى مەن اۋىسىمدى 250 ورىندىق ەمحانا سالۋ جوسپاردا بار.

پرەمەر-مينيستر سونىمەن قاتار، «7–20–25» جاڭا يپوتەكالىق باعدارلاماسىن ودان ٴارى ىسكە اسىرۋ جوسپارلارىمەن جانە پەتروپاۆل قالاسىنىڭ باسقا دا شاعىن اۋداندارىنداعى قۇرىلىس جوبالارىمەن تانىستى. مەملەكەتتىك باعدارلاما اياسىندا وبلىس ورتالىعىندا ٴتورت پانەلدى بەس قاباتتى ۇيلەر سالىنىپ جاتىر. كەلەشەكتە جەكەشەلەندىرۋ قۇقىعىنا يە بولمايتىن جالعا بەرىلەتىن ەكى نىساننىڭ قۇرىلىسى باستالاتىنى ايتىلدى. بۇل ۇيلەر الەۋمەتتىك جاعىنان از قامتىلعان وتباسىلارعا بەرىلەتىن بولادى. باعدارلاماعا سايكەس، ٴار شارشى مەترىنىڭ باعاسى 140 000 تەڭگەدەن اسپايتىن بولادى.

«اتالعان ۇيلەردىڭ قۇرىلىس جۇمىستارى «نۇرلى جەر» تۇرعىن ٴۇي باعدارلاماسى اياسىندا جۇرگىزىلىپ جاتىر. جاڭادان سالىناتىن بۇل ۇيلەردى «7-20-25» يپوتەكالىق باعدارلاماسى بويىنشا بەرۋ مۇمكىندىگى بار»، — دەپ اتاپ ٴوتتى سولتۇستىك قازاقستان وبلىسى اكىمىنىڭ ورىنباسارى ا. فەديايەۆ.

سقو اكىمدىگىنىڭ دەرەكتەرى بويىنشا، وڭىردە قۇرىلىس جۇمىستارى جوعارى قارقىنمەن جۇرگىزىلىپ جاتىر. 2018 جىلدىڭ تۇرعىن ٴۇيدى پايدالانۋعا بەرۋ جوسپارى 230 مىڭ شارشى مەتردى قۇراپ وتىر. بۇل 2017 جىلعى كورسەتكىشتىڭ 115% قۇرايدى. وسى جىلى 1500 پاتەر بەرىلگەلى وتىر. ەكى جىلدىڭ ىشىندە 620 ەسكى ٴۇي قۇلاتىلدى. ولاردىڭ ورنىنا 2000-نان استام جاڭا پاتەر سالىناتىن بولادى.

ەسكە سالا كەتەيىك، «نۇرلى جەر» مەملەكەتىك تۇرعىن ٴۇي قۇرىلىس باعدارلاماسى 2016 جىلدىڭ سوڭىنا قاراي قابىلدانعان بولاتىن. باعدارلاما اياسىندا جىلىنا 100 مىڭ پاتەر سالىنادى دەگەن جوسپار بار. وسىلايشا 15 جىلدىڭ ىشىندە شامامەن 1،5 ملن وتباسىنى باسپانامەن قامتاماسىز ەتۋ جوسپارى جاسالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي