BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» تۇرعىن ٴۇي قۇرىلىس باعدارلاماسىنا 208،8 ملرد تەڭگە باعىتتالماق - سۇلتانوۆ

فوتو: Шыңғыс ҚАППАРОВ

بۇگiن ۇكiمەت وتىرىسىندا قر قارجى مينيسترi باقىت سۇلتانوۆ «2018 – 2020 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىردى، دەپ حابارلايدى baq.kz تiلشiسi.

«ەكونوميكانىڭ ناقتى سەكتورىن دامىتۋعا 2018 جىلى 1،4 ترلن. تەڭگە كوزدەلگەن. بيىلعى جىلمەن سالىستىرعاندا شىعىستار كولەمىنىڭ ازايۋى ەكى نەگىزگى فاكتورعا بايلانىستى بولدى. بىرىنشىدەن، باعدارلامالاردى قارجىلاندىرۋ كوزدەرىنىڭ ۇلتتىق قوردان بەرىلەتىن نىسانالى ترانسفەرتتەن مۇنايلىق ەمەس كىرىستەرگە وزگەرتىلدى، ياعني كەلەسى جىلدارى رەسپۋبليكالىق بيۋدجەتتەن قارجىلاندىرىلادى. ەكىنشىدەن، كۆازيمەملەكەتتىك سەكتور سۋبەكتىلەرىنىڭ بيىلعى جانە كەلەسى جىلدىڭ بيۋدجەت قاراجاتىن يگەرۋ بولجامدارى ەسەپكە الىندى»، - دەيدi سۇلتانوۆ.

مينيستردiڭ ايتۋىنشا، «نۇرلى جول» باعدارلاماسىن ىسكە اسىرۋدى جالعاستىرۋعا 512،6 ملرد. تەڭگە، ودان 2018 جىلعا 243،3 ملرد. تەڭگە سوماسىندا شىعىستار كوزدەلدى. «نۇرلى جەر» تۇرعىن ٴۇي قۇرىلىسى باعدارلاماسىنا 208،8 ملرد. تەڭگە، ودان 2018 جىلعا 125،2 ملرد. تەڭگە باعىتتاۋ ۇسىنىلىپ وتىر. اگروونەركاسىپ كەشەنىن دامىتۋ باعدارلاماسى بويىنشا 2018 جىلعا 195 ملرد. تەڭگە كوزدەلدى. بۇل شىعىستار قارجى قىزمەتتەرىنىڭ (سۋبسيديالاردىڭ) قولجەتىمدىلىگىن ارتتىرۋ جونىندەگى ٴىس-شارالارعا، سۋ شارۋاشىلىعىن جانە ۆەتەريناريانى دامىتۋعا، فيتوسانيتاريالىق قاۋىپسىزدىكتى قامتاماسىز ەتۋگە باعىتتالادى.

«يندۋستريالىق-يننوۆاسيالىق دامۋ مەملەكەتتىك باعدارلاماسىنىڭ ەكىنشى كەزەڭىن ىسكە اسىرۋعا جالپى سوماسى 232،9 ملرد. تەڭگە، ونىڭ ىشىندە 2018 جىلعا 76،1 ملرد. تەڭگە كوزدەلگەن. 2018 جىلى كولىك ينفراقۇرىلىمىن دامىتۋعا 292،6 ملرد. تەڭگە جۇمسالادى. مەملەكەتتىڭ قورعانىس قابىلەتى مەن قاۋىپسىزدىگىن، قۇقىق ٴتارتىبىنىڭ ساقتالۋىن قامتاماسىز ەتۋگە جانە ىشكى تۇراقتىلىقتى قولداۋعا 2018 جىلى شىعىستار 1 088،9 ملرد. تەڭگەنى (2019 جىلى – 1 164،2 ملرد. تەڭگە، 2020 جىلى – 1 219،9 ملرد. تەڭگە) قۇرايدى»، - دەيدi قارجى مينيسترi.

باقىت سۇلتانوۆتىڭ مالiمەتiنشە، رەسپۋبليكالىق بيۋدجەت تاپشىلىعى جالپى ىشكى ونىمگە قاراعاندا 2018 جىلعى 1،1%-تەن 2019-2020 جىلدارى 1،0%-كە تومەندەيدi. بۇل مەملەكەتتىك بورىش كولەمىن شەكتى دەڭگەيدە ساقتاۋعا مۇمكىندىك بەرەدى.
اتالعان زاڭ جوباسى پرەمەر-مينيستر كەڭسەسىمەن بىرلەسىپ پارلامەنت ٴماجىلىسىنىڭ قاراۋىنا ەنگىزۋگە دايىندالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي