BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» ەلىمىزدىڭ قۇرىلىس سالاسىن دامىتۋعا جاڭا سەرپىن بەرەدى – باۋىرجان بايبەك

بۇگىن الماتىدا قۇرىلىسشى كۇنىنە ارنالعان سالتاناتتى شارا ٴوتتى. الماتى اكىمى باۋىرجان بايبەك ٴوزىنىڭ قۇتتىقتاۋ سوزىندە قالانىڭ ٴىوو قۇرىلىس سەكتورىنىڭ ۇلەسى 262 ملرد. تەڭگەنى قۇراعانىن اتاپ ٴوتتى. تەك وتكەن جىلدىڭ وزىندە عانا 1،9 ملن. شارشى مەتردەن استام تۇرعىن ٴۇي پايدالانۋعا بەرىلدى، 2015 جىلمەن سالىستىرعاندا 35%-عا كوپ، دەپ حابارلايدى baq.kz اقپارات اگەنتتىگى الماتى اكىمدىگىنىڭ ٴباسپاسوز قىزمەتىنە سىلتەمە جاساپ.

«قۇرىلىسشى ماماندىعى بارلىق كەزەڭدە ۇلكەن ابىروي مەن قۇرمەتكە يە. سىزدەر تەك قانا ٴۇي، ينفراقۇرىلىم نىساندارىن سالۋمەن شەكتەلمەيسىزدەر. قالالاردىڭ ارحيتەكتۋرالىق كەلبەت بەرەتىن دە، ەكونوميكانى دامىتاتىن دا سىزدەر. قۇرىلىسشىلاردىڭ ارقاسىندا ٴومىر ساپالىق جاعىنان وڭ سيپاتقا يە بولىپ، ازاماتتاردىڭ تۇرمىس جاعدايلارى جاقسارادى. وزدەرىڭىز بىلەسىزدەر، ەلباسىنىڭ تاپسىرماسى بويىنشا بيىلعى جىلدان باستاپ «نۇرلى جەر» تۇرعىن ٴۇي باعدارلاماسىن جۇزەگە اسىرۋ باستالادى. ونىڭ باستى ماقساتى تاياۋداعى 15 جىل ىشىندە 1،5 ميلليون وتباسىن تۇرعىن ۇيمەن قامتاماسىز ەتۋ. باعدارلاماعا تۇرعىن ٴۇي نارىعىن قولداۋدىڭ كەشەندى شارالارى ەنگىزىلگەن.بۇل، ٴسوز جوق، ەلىمىزدىڭ قۇرىلىس سالاسىن دامىتۋعا جاڭا سەرپىن بەرەدى. ٴبىزدىڭ نەگىزگى مىندەتىمىز – الماتىلىقتاردىڭ تۇرعىن ٴۇي ماسەلەسىن شەشۋ. «نۇرلى جەر» باعدارلاماسىن جۇزەگە اسىرۋ بارىسىندا 73 ٴۇي سالىنۋدا، ونىڭ ٴ24-ىنىڭ قۇرىلىسى بيىلعى جىلى اياقتالادى»، - دەپ اتاپ ٴوتتى ب.بايبەك.

قالا باسشىسى 2015 جىلدان باستاپ قۇرىلىس سالاسىنا قۇيىلعان ينۆەستيسيا كولەمىنىڭ 17%-عا ارتقانىن ايتتى. تەك بيىلعى جىلدىڭ ٴبىرىنشى جارتىجىلدىعىندا قۇرىلىس سالاسىنا 235 ملرد. تەڭگە ينۆەستيسيا بولىنگەن.

بۇگىنگى كۇنى الماتىدا تۇرعىن ٴۇي جانە ازاماتتىق باعىتتاعى 1140 وبەكتىنىڭ قۇرىلىسى ٴجۇرىپ جاتىر. بۇلاردىڭ ىشىندە 762 قۇرىلىس جەكە ينۆەستيسيا ارقىلى، ال 378 نىسان بيۋدجەت ارقىلى قارجىلاندىرىلۋدا. مەملەكەتتىك باعدارلامالار اياسىندا 2016-2017 جىلدارى اكىمدىك تاراپىنان 1040 پاتەرلى 19 تۇرعىن ٴۇي سالىندى. «قولجەتىمدى باسپانا-2020» باعدارلاماسى بويىنشا بيىل«سايالى»، «جاس قانات» ىقشام اۋداندارىندا تاعى 17 تۇرعىن ٴۇيدى ىسكە قوسۋ جوسپارلانعان. «ەسكى ۇيلەردى ٴسۇرۋ» قالالىق باعدارلاماسى بويىنشا 3 جاڭا ٴۇي سالىنىپ، ەسكى ۇيلەردىڭ تۇرعىندارى جاڭا قونىسقا كوشىرىلدى. بۇگىنگى كۇنى زاماناۋي ىقشام اۋدانعا اينالعان اتلەتتەر اۋىلىنان 1748 وتباسى پاتەر الدى. ناۋرىزباي اۋدانىندا سوڭعى جىلدارى قۇرىلىس كەڭ قانات جايۋدا.

بيىلعى جىلى ٴبىلىم بەرۋ جۇيەسىنىڭ 42 نىسانىنىڭ قۇرىلىسىن سالۋ جانە سەيسميكالىق قۋاتىن نىعايتۋ قاراستىرىلعان. ونىڭ 29 وبەكتىسى بيىل ىسكە قوسىلادى. دەنساۋلىق ساقتاۋ سالاسىنىڭ 18 وبەكتىسى سالىنۋدا جانە جوندەلۋدە. جىل اياعىنا دەيىن 10 نىسان پايدالانۋعا بەرىلەدى.

قالا تۇرعىندارى مەن قوناقتارىنا بارىنشا قولايلى ٴارى جايلى جاعداي جاساۋ جانە ەكولوگيانى جاقسارتۋ ٴۇشىن جىبەك جولى، پانفيلوۆ، گوگول، قابانباي باتىر كوشەلەرى مەن «استانا» الاڭىندا اۋقىمدى اباتتاندىرۋ جۇمىستارى جۇزەگە اسىپ، قايتا جاڭعىرۋ جۇمىستارى جۇرۋدە. بۇل كوشەلەر جاياۋ جۇرگىنشىگە باسىمدىق بەرۋ ماقساتىندا قايتا جاسالۋدا، مۇندا دەمالۋعا قولايلى قوعامدىق كەڭىستىكتەر، جاياۋ جۇرگىنشى ايماقتارى، ۆەلوجولدار، جاسىل جەلەكتەر پايدا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي