BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» باعدارلاماسىنا ٴبىر جىل تولدى. قانداي جەتىستىكتەر بار؟

مەملەكەت باسشىسى نۇرسۇلتان نازاربايەۆ باستاماشى بولعان «نۇرلى جەر» مەملەكەتتىك باعدارلاماسىنىڭ قازاقستانداعى ىسكە اسىرىلۋىنىڭ العاشقى جىلى اياقتالدى. العاشقى قورىتىندىسىن جاساپ، وتكەنگە كوز تاستاپ، جاسالعان قاتەلىكتەردى زەرتتەيتىن جانە تابىستارعا تيىسىنشە باعا بەرەتىن كەز كەلدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

جىل سايىن ٴجۇز مىڭ جاڭا قونىستانۋشىلار

باعدارلامانى ازىرلەۋشىلەر ايتىپ وتكەندەي، قازاقستان دامۋىنىڭ جاڭا كەزەڭىندەگى مەملەكەتتىك تۇرعىن ٴۇي ساياساتىنىڭ باستى ماقساتى مەملەكەتتىك تۇرعىن ٴۇي قۇرىلىسىنا قاتىسۋىن ازايتۋ بولىپ تابىلادى.

«نۇرلى جەر» تۇرعىن ٴۇي قۇرىلىسىنىڭ باعدارلاماسىندا باسىمدىقتار تىكەلەي قارجىلاندىرۋدان بيۋدجەتتەن تىسقا اۋىستى. باعدارلامانىڭ تەتىكتەرى جەكە ينۆەستيسيالار تارتۋعا، بيزنەستى قولداۋعا جانە يپوتەكالىق نەسيەلەندىرۋگە، تۇرعىن ٴۇي قارىزدارى سياقتى حالىققا قولجەتىمدى قارجى قۇرالدارىن ۇسىنۋعا باعىتتالعان.

باعدارلاماعا بولىنگەن مەرزىم از ەمەس — ول 15 جىل بويى جۇزەگە اسىرىلادى. 2031 جىلعا دەيىن ەلدە 1،5 ملن وتباسىنا تۇرعىن ٴۇي سالۋ كۇتىلۋدە. جىل سايىن شامامەن 100 مىڭ ادام قونىس تويىن تويلايدى.

  • ارەندالىق تۇرعىن ٴۇيدىڭ 45 مىڭ پاتەرى (2،2 ملن م²);
  • نەسيەلىك تۇرعىن ٴۇيدىڭ 245 مىڭ پاتەرى (12 ملن م²);
  • سقجمق، بد، قيك 46 مىڭ پاتەرى;
  • 600 مىڭ جەكە تۇرعىن ٴۇي (60 ملن م²);
  • 564 مىڭ كوممەرسيالىق پاتەر (ونىڭ ىشىندە سۋبسيديالانعان يپوتەكا ەسەبىنەن 8 مىڭ پاتەر).

العاشقى جىل – اسىرا ورىنداۋ!

2017 جىلى جالپى الاڭى 11،2 ملن. شارشى مەتر تۇرعىن ٴۇي پايدالانۋعا ەنگىزىلدى، ول 2016 جىلدىڭ ۇقساس كەزەڭىنە 106،2%-دى قۇرادى. ال 2017 جىلعى جوسپارعا وراي (10،1 ملن ش.م) تۇرعىن ٴۇي ەنگىزۋ پايىزى 110،4%-دى قۇرادى.

ستاتيستيكا كوميتەتىنىڭ 2017 جىلعى قاڭتار-جەلتوقسانداعى الدىن الا مالىمەتتەرى بويىنشا قارجىلاندىرۋدىڭ بارلىق كوزدەرى ەسەبىنەن 11،2 ملن شارشى مەتر تۇرعىن ٴۇي پايدالانۋعا ەنگىزىلدى، ول 2016 جىلدىڭ ۇقساس كەزەڭىمەن سالىستىرعاندا 106،2%-دى قۇرايدى. ال 2017 جىلعى جوسپارعا وراي (جوسپار 10،1 ملن م²) تۇرعىن ٴۇي ەنگىزۋ پايىزى 110،4%-دى قۇرادى.

تۇرعىن ۇيلەردىڭ باسىم بولىگى – 9،4 مىڭ م2 نەمەسە 83،9% — جەكە ٴۇي سالۋشىلارمەن جانە حالىقپەن پايدالانۋعا بەرىلگەن. جالپى رەسپۋبليكا بويىنشا 100 812 تۇرعىن ٴۇي بىرلىگى پايدالانۋعا بەرىلدى، ولاردىڭ – 27 908 جەكە ٴۇي (4،3 ملن م²) جانە 72 904 كتك-داعى تۇرعىن ٴۇي (6،9 ملن م²).

تۇرعىن ٴۇيدى پايدالانۋعا بەرۋ كولەمدەرىنىڭ ارتقانى رەسپۋبليكانىڭ 15 وڭىرىندە بايقالىپ وتىر. وتكەن جىلمەن سالىستىرعاندا تۇرعىن ٴۇيدى پايدالانۋعا بەرۋدىڭ ايتارلىقتاي ٴوسۋ قارقىنى بقو-دا (42،4%)، وقو-دا (36،2%)، قوستاناي وبلىسىندا (35،6%)، پاۆلودار وبلىسىندا (31،2%)، اقتوبە وبلىسىندا (28،5%)، جامبىل وبلىسىندا (24،9%)، سقو-دا (21،8%)، ماڭعىستاۋ وبلىسىندا (17،6%)، اقمولا وبلىسىندا (16،9%)، قىزىلوردا وبلىسىندا (12،6%) بايقالىپ وتىر.

تۇرعىن ٴۇي قۇرىلىسىنا 979،8 ملرد تەڭگە ينۆەستيسيا نەمەسە 2016 جىلدىڭ سايكەس كەزەڭىمەن سالىستىرعاندا 111،6% باعىتتالدى، ولاردىڭ 153،9 ملرد تەڭگەسى مەملەكەتتىك ينۆەستيسيالار.

مەملەكەتتىك ينۆەستيسيالار ەسەبىنەن تۇرعىن ٴۇيدى پايدالانۋعا بەرۋ كولەمى 1 427،4 مىڭ م² (24 159 پاتەر) جوسپار كەزىندە 1490،9 مىڭ م² (25 095 پاتەر) نەمەسە جوسپارعا 104،4% قۇرادى.

جالپى باعدارلامانى ىسكە اسىرۋدىڭ العاشقى جىلىنىڭ قورىتىندىسى جاقسى ناتيجە كورسەتتى. نەسيەلىك تۇرعىن ٴۇيدى پايدالانۋعا بەرۋ بويىنشا جوسپارلى كورسەتكىشتەر اسىرا ورىندالدى (جوسپارعا 102،6% 986،3 مىڭ م²) جانە كوممەرسيالىق تۇرعىن ٴۇي (جوسپارعا 104،7% 291،1 مىڭ م²). جتق-مەن سالىستىرعاندا كوپپاتەرلى تۇرعىن ٴۇيدى پايدالانۋعا بەرۋ ٴۇردىسى بايقالىپ وتىر.

تۇزەتۋلەر ىسكە اسىرۋ بارىسىندا ەنگىزىلەدى

2017 جىلعى 18 تامىزداعى مەملەكەت باسشىسىنىڭ وڭىرلەردى الەۋمەتتىك-ەكونوميكالىق دامىتۋ جونىندەگى كەڭەستە بەرگەن تاپسىرماسى بويىنشا ەكىنشى دەڭگەيدەگى بانكتەردى (ەدب) وعان بەلسەندى تارتۋ جانە ونى ىسكە اسىرۋدىڭ تيىمدىلىگىن ارتتىرۋ ماقساتىندا جالپى 2017 جىلعى 23 قازانداعى ۇكىمەت قاۋلىسىمەن باعدارلاماعا وزگەرىستەر مەن تولىقتىرۋلار ازىرلەنىپ، قابىلداندى. ەنگىزىلگەن العاشقى وزگەرىستەر باعدارلاما تەتىكتەرىن وزەكتەندىرۋدى كوزدەيدى.

باعدارلاماعا استانا ق. تۇرعىن ٴۇي قۇرىلىسىنىڭ پروبلەمالى نىساندارىن قارجىلاندىرۋ تەتىگىن ىسكە اسىرۋدىڭ نورمالارىن رەگلامەنتتەيتىن ٴبولىم قوسىلدى. وسى ماقساتتا «بايتەرەك دەۆەلوپمەنت» اق 40 ملرد تەڭگە سوماعا نەسيەلىك تۇرعىن ٴۇيدى وتكىزۋدەن تۇسەتىن (2018 جىلى – 20 ملرد تەڭگە، 2019 جىلى – 20 ملرد تەڭگە)، سونداي-اق جەكە ينۆەستيسيالار قاراجاتى ەسەبىنەن ۇلەسكەرلىك نىساندار قۇرىلىسىن اياقتايتىن ۇيىمدى نەسيەلەندىرۋ قۇقىعى ۇسىنىلادى. نەسيەلەندىرۋ اقىلىلىق، جەدەلدىك جانە قايتارىمدىلىق شارتتارىمەن جۇزەگە اسىرىلادى.

اياقتالۋى ٴتيىس نىساندار ٴتىزىمىن قالا اكىمدىگىنىڭ ۆەدومستۆوارالىق كوميسسياسى انىقتايدى. الدىن الا ەسەپتەۋ بويىنشا بارلىعى 50% دايىن 502،9 مىڭ م² نەمەسە 8382 پاتەردى سالىپ ٴبىتىرۋ جوسپارلانعان.

وسىنى ەسكەرە وتىرىپ باعدارلاماعا باعىتتار بويىنشا تۇرعىن ٴۇيدى پايدالانۋعا بەرۋدىڭ جوسپارلانعان كولەمدەرى بويىنشا ناقتىلاۋلار ەنگىزىلدى.

باعدارلامانى ىسكە اسىرۋ تەتىكتەرى تۋرالى

باعدارلامانى ىسكە اسىرۋ تەتىكتەرى حالىقتىڭ الەۋمەتتىك ٴالسىز توپتارىن ساتىپ الۋسىز ارەندالىق تۇرعىن ۇيمەن قامتاماسىز ەتۋگە، جەكە تۇرعىن ٴۇي جانە تۇرعىنۇيقۇرىلىسجيناقبانكى سالىمشىلارى ٴۇشىن نەسيەلەىك تۇرعىن ٴۇي قۇرىلىسىن ىنتالاندىرۋ، سونداي-اق ٴۇي سالۋشىلار مەن حالىقتى ىنتالاندىرۋعا باعىتتالعان.

باعدارلامانىڭ باسىمدىقتى باعىتتارى:

- «قيك» يۇ» اق ارقىلى باستاپقى تۇرعىن ٴۇيدى ساتىپ الۋعا ەكىنشى دەڭگەيدەگى بانكتەرمەن ازاماتتارعا بەرىلەتىن يپوتەكانىڭ پايىزدىق مولشەرلەمەسىن مەملەكەتتىڭ سۋبسيديالاۋى ارقىلى يپوتەكالىق نەسيەلەندىرۋدى قولداۋ:

اقتىق قارىز الۋشىعا يپوتەكانى 10% دەيىن تومەندەتۋ ٴۇشىن، العاشقى 8 مىڭ قارىزعا 2 جىلدىڭ ىشىندە 16% شەگىندە باستاپقى تۇرعىن ٴۇي ٴۇشىن حالىققا يپوتەكا ۇسىنۋ بويىنشا تياناقتالعان سىياقى مولشەرلەمەسى بەكىتىلەدى.

سۋبسيديالار بويىنشا قاراجاتتى ٴتيىمدى پايدالانۋ ٴۇشىن نەسيەلەندىرۋدىڭ شەكتىك سوماسى الماتى جانە استانا قالالارىندا – 20 ملن. تەڭگەگە دەيىن جانە باسقا وڭىرلەردە – 15 ملن. تەڭگەگە دەيىن، 15 جىلعا دەيىنگى مەرزىمگە شەكتەلگەن.

وسىنداي شارتتارمەن نەسيە بويىنشا ورتاشا اي سايىنعى تولەم استانا مەن الماتى قالالارىندا – 158 مىڭ جانە وڭىرلەردە – 116 مىڭ تەڭگەنى قۇرايدى، ياعني تومەندەۋ 30% قۇرايدى.

ساتىپ الىناتىن تۇرعىن ٴۇيدىڭ ورتاشا اۋدانى 70 م²، قۇنى استانا مەن الماتى قالالارىندا – 300 مىڭ تەڭگە/م² جانە وڭىرلەردە – 220 مىڭ تەڭگە/م² ەسەپتەۋدەن الىنعان.

- «دامۋ» كدق» اق ارقىلى قۇرىلىس كومپانيالارى ٴۇشىن قارىزداردىڭ سىياقى بولشەگىن مەملەكەتتىڭ قامتۋى ارقىلى جەكە ٴۇي سالۋشىلاردى ىنتالاندىرۋ:

ٴۇي سالۋشىلارعا سۋبسيديالار بويىنشا اقتىق مولشەرلەمە جىلدىق 17% اسپايتىن، ەدب نەسيەلەرى بويىنشا 7% شەگىندە بەكىتىلگەن. ٴۇي سالۋشىلار ٴۇشىن نەسيەلىك رەسۋرستار قۇنى شامامەن جىلدىق 10% قۇرايدى. سالىنعان تۇرعىن ٴۇيدىڭ 50% ٴتۇقجب سالىمشىلارىنا وتكىزىلەدى: استانا، الماتى قالالارىندا 260 مىڭ تەڭگە/م² دەيىن، باسقا وڭىرلەردە – 220 مىڭ تەڭگە/م² دەيىن.

بۇل ٴۇي سالۋشىلارعا 152 ملرد تەڭگە سوماعا بانك نەسيەلەرىن سۋبسيديالاۋعا جانە شامامەن 600 مىڭ م² تۇرعىن ٴۇي قۇرىلىسىن قارجىلاندىرۋعا مۇمكىندىك بەرەدى.

- الدىندا بولىنگەن قاراجات، ونىڭ ىشىندە كۆازيمەملەكەتتىك سەكتور سۋبەكتىلەرىنە بولىنگەن قاراجات، سونداي-اق تۇسەتىن ارەندالىق تولەمدەردى قايتا ينۆەستيسيالاۋ ەسەبىنەن تۇرعىنۇيقۇرىلىسجيناقبانكى سالىمشىلارى مەن اكىمدىكتەردە كەزەكتە تۇرعاندار ٴۇشىن «جاڭارتپالى» قاعيدا بويىنشا نەسيەلىك تۇرعىن ٴۇي قۇرىلىسى كولەمىن ارتتىرۋ:

تۇرعىن ٴۇي قۇرىلىسىنا بولىنگەن قاراجاتتىڭ اينالىمدىلىعىن قامتاماسىز ەتۋ ٴۇشىن جىل سايىن تۇرعىنۇيقۇرىلىسجيناقبانكىنە 24 ملرد تەڭگە بولىنەدى، بۇل ٴوز سالىمشىلارىنا تومەندەتىلگەن پايىزدىق مولشەرلەمەمەن تۇرعىن ٴۇي ۇسىنۋعا مۇمكىندىك بەرەدى. ناتيجەسىندە 15 جىلدا 12،0 ملن م² نەسيەلىك تۇرعىن ٴۇي سالىنادى، بۇل تۇرعىن ۇيمەن 285 مىڭ وتباسىن قامتاماسىز ەتەدى.

- حالىقتىڭ الدەقايدا الەۋمەتتىك ٴالسىز توپتارى ٴۇشىن ساتىپ الۋسىز ارەندالىق تۇرعىن ٴۇي قۇرىلىسى:

2017 جىلدان باستاپ جىل سايىن 25 ملرد تەڭگە ٴبولۋ جوسپارلانعان. سالىنعان ارەندالىق تۇرعىن ٴۇي جاو-دا كەزەكتە تۇرعان ادامداردىڭ ىشىنەن الدەقايدا الەۋمەتتىك ٴالسىز توپتارعا ارنالادى (i توپ مۇگەدەكتەرى مەن جەتىم بالالار).

باعدارلامانى ىسكە اسىرعان 15 جىلدا ارەندالىق تۇرعىن ٴۇي قورى 45 مىڭ پاتەردى نەمەسە 2،2 ملن م² تۇرعىن ٴۇيدى قۇرايدى.

- قاجەتتى ينجەنەرلىك-كوممۋنيكاسيالىق ينفراقۇرىلىم جۇرگىزۋ ارقىلى جەكە تۇرعىن ٴۇي قۇرىلىسىن دامىتۋ.

وبلىس ورتالىقتارىندا جتق دامىتۋ ٴۇشىن جەرگىلىكتى ماتەريالداردى جانە ۇقك تەحنولوگيالارىن قولدانۋمەن ٴبىرىڭعاي ٴۇي سالۋشى ارقىلى ٴبىرىڭعاي ساۋلەتتىك ستيلدەگى جەكە تۇرعىن ٴۇي قۇرىلىسى بويىنشا جاڭا پيلوتتىق جوبا جۇزەگە اسىرىلادى. ۇلگىلىك ٴۇي سالۋ جوبالارىنا ۇقك تەحنولوگيالارىن قولدانۋ 1 م² 120 مىڭ تەڭگەدەن قىمبات ەمەس تۇرعىن ٴۇي قۇرىلىسى قۇنىن قامتاماسىز ەتۋگە مۇمكىندىك بەرەدى.

جەر تەلىمدەرىن الۋعا اكىمدىكتەردە ەسەپتە تۇرعان كەزەكتەگىلەر پيلوتتىق جوباعا قاتىسۋعا جانە جەر تەلىمى مەن يكي تارتىلعان دايىن ٴۇيدى ٴوز بەتىنشە ساتىپ الۋعا نەمەسە ونى ساتىپ الۋ ٴۇشىن تۇرعىنۇيقۇرىلىسجيناقبانكىندە جەڭىلدىكتى نەسيەلەندىرۋ الۋعا قۇقىلى.

مۇنداي تاسىلدەرمەن كەزەكتە تۇرعاندار ٴۇشىن تولەم العاشقى 5 جىلدا 70 مىڭ تەڭگەنى، كەلەسى 10 جىلدا — 56 مىڭ تەڭگەنى قۇرايدى. كورسەتىلگەن شارالار جىل سايىن شامامەن 40 مىڭ ٴۇيدى (4 ملن م²) ەنگىزۋگە مۇمكىندىك بەرەدى.

تۇرعىنۇيقۇرىلىسجيناقبانكى — ٴنومىر ٴبىرىنشى ويىنشى

«بايتەرەك» ۇبح، باعدارلامانىڭ نەگىزگى وپەراتورى رەتىندە، «بايتەرەك دەۆەلوپمەنت» اق، «قيك» يۇ، «تقكق» اق، «دامۋ» كدق جانە «ٴتۇقجب» اق ەنشىلەس ۇيىمدارى ارقىلى تۇرعىن ٴۇي قۇرىلىسى بويىنشا باعدارلامالىق قۇجاتتاردى ىسكە اسىرۋعا بەلسەندى قاتىسادى.

«ٴتۇقجب» اق ەنشىلەس ۇيىمى سالىمشىلار قاراجاتىن تۇرعىن ٴۇي قۇرىلىس دەپوزيتتەرىنە ورنالاستىرىپ، ولارعا تۇرعىن ٴۇي زاەمىن ۇسىنۋ ارقىلى حالىقتىڭ تۇرعىن ٴۇي جاعدايىن جاقسارتۋعا باعىتتالعان تۇرعىن ٴۇي قۇرىلىس جيناق جۇيەسىن جۇزەگە اسىرادى.

بۇگىنگى تاڭدا تۇرعىن ٴۇي قۇرىلىسى جۇيەسى — جاپپاي تۇتىنۋشىلار ٴۇشىن ٴوزىنىڭ تۇرعىن ٴۇي ماسەلەسىن شەشۋدىڭ ناقتى جالعىز مۇمكىندىگى، كوممەرسيالىق بانكتەرگە جالپى يپوتەكا قىزىقسىز، ولار ونى وزدەرىنىڭ اعىمداعى تولەم قابىلەتتىلىگى جوعارى كليەنتتەرگە عانا ۇسىنادى.

سوندىقتان، تۇرعىنۇيقۇرىلىسجيناقبانكى — بۇل قارجى يپوتەكالىق ونىمدەر نارىعىنداعى ٴنومىر ٴبىرىنشى ويىنشى جانە تۇرعىن ٴۇي الۋ ٴۇشىن حالىققا جالعىز قولجەتىمدى مۇمكىندىك بەرەتىن تۇرعىن ٴۇي قۇرىلىس جيناقتارى جۇيەسى ارقىلى نەسيەلەندىرۋ باعدارلاماسى بولىپ تابىلادى.

2014–2016 جىلدار ارالىعىندا بانك قاتىسۋشىلارىنىڭ ەلىمىزدىڭ ەكونوميكالىق بەلسەندى تۇرعىندارىنا قاتىستى ۇلەسىنىڭ ٴوسىمى بايقالۋدا: 2014 جىلى 5،3%، 2015 جىلى 7،1%، 2016 جىلى 9،8%.

يپوتەكالىق نەسيەلەندىرۋ نارىعىندا سوڭعى ٴۇش جىلدا ٴتۇقجب ۇلەسى جىل سايىنعى يپوتەكالىق قارىزدار بەرۋدىڭ 70% دەيىن ۇلعايدى. 2016 جىلى جاڭا سالىمشىلاردىڭ ٴوسىمى 170 مىڭنان استام ادامدى قۇراپ، 780 مىڭعا جەتتى.

سوندىقتان، «نۇرلى جەر» باعدارلاماسىندا تۇرعىن ٴۇيدى نەسيەلەندىرۋ ٴۇشىن تۇرعىن ٴۇي قۇرىلىسى سالىمدارى جۇيەسىن ٴتيىمدى پايدالانۋ ماسەلەسىنە باسا نازار اۋدارىلدى.

«نۇرلى جەر» باعدارلاماسى اياسىندا تۇرعىنۇيقۇرىلىسجيناقبانكى كەزەكتە تۇرعاندار مەن بانك سالىمشىلارىنا نەسيەلىك تۇرعىن ٴۇيدى، پيلوتتىق جوبادا جەكە تۇرعىن ٴۇي وتكىزۋ كەزىندە حالىققا قارىزدار ۇسىنۋعا قاتىسادى، بۇدان وزگە بانك ٴوز سالىمشىلارىن تۇرعىن ۇيمەن قامتاماسىز ەتۋ ٴۇشىن جەكە باعدارلامالىق ونىمدەردى جۇزەگە اسىرادى، سونداي-اق باستاپقى، قايتالاما نارىقتا تۇرعىن ٴۇي ساتىپ الۋعا قارىزدار ۇسىنادى.

قىسقاشا تۇجىرىمدامالار

«نۇرلى جەر» ٴبىر باعدارلاماسى شەڭبەرىندە «نۇرلى جول» ينفراقۇرىلىمدى دامىتۋدىڭ 2015–2019 جىلدارعا ارنالعان مەملەكەتتىك باعدارلاماسى مەن وڭىرلەردى دامىتۋدىڭ 2020 جىلعا دەيىنگى باعدارلاماسىنان تۇرعىن ٴۇي قۇرىلىسى سالاسىنداعى بارلىق رەسۋرستار مەن ماسەلەلەر ىقپالداستىرىلدى جانە شوعىرلاندىرىلدى.

باعدارلامادا تابىستارى ٴارتۇرلى ازاماتتاردىڭ بارلىق سانتتارىنىڭ ماسەلەلەرى بارىنشا ەسكەرىلگەن.

جىل سايىن حالىقتىڭ از قامتىلعان الەۋمەتتىك ٴالسىز توپتارى ٴۇشىن كەپىلدى تۇردە ساتىپ الۋسىز شامامەن 3 مىڭ پاتەر سالىنادى، ال اكىمدىكتەردە كەزەكتە تۇرعانداردىڭ تولەمگە قابىلەتتى ساناتتارى مەن تۇرعىن ٴۇي قۇرىلىس جيناقتارى جۇيەسىنىڭ سالىمشىلارى ٴۇشىن قولجەتىمدى باعالارمەن نەسيەلىك تۇرعىن ٴۇي سالىپ، ساتىپ الۋعا ۇسىنادى.

جىل سايىن ٴوز كۇشىمەن جەكە تۇرعىن ٴۇي سالۋ ٴۇشىن نەمەسە اكىمدىكتەردىڭ پيلوتتىق دايىن جەكە ۇيلەرى قۇرىلىسى ٴۇشىن كەزەكتە تۇرعاندارعا قاجەتتى ينجەنەرلىك-كوممۋنيكاسيالىق ينفراقۇرىلىممەن جەر تەلىمدەرىن دايىنداۋ جوسپارلانعان.

قالعان ازاماتتار ٴۇشىن شەكتەۋسىز ەدب-دە باستاپقى تۇرعىن ٴۇيدى ساتىپ الۋ ٴۇشىن جەڭىلدىكتى يپوتەكانى الۋ قۇقىعى ۇسىنىلادى، ٴۇي سالۋشىلاردىڭ تۇرعىن ٴۇي قۇرىلىسىن ىنتالاندىرۋ ٴۇشىن جەڭىلدىكتى مولشەرلەمە بويىنشا قارىز الۋ مۇمكىندىگى قاراستىرىلادى.

جاڭا جىلعا جوسپار

2018 جىلى قارجىلاندىرۋدىڭ بارلىق كوزدەرى ەسەبىنەن 10،5 ملن استام م² نەمەسە 100 مىڭعا جۋىق تۇرعىن ٴۇيدى پايدالانۋعا بەرۋدى قامتاماسىز ەتۋ جوسپارلانعان.

مەملەكەتتىك ينۆەستيسيالار ەسەبىنەن پايدالانۋعا بەرۋ كۇتىلۋدە:

  • ساتىپ الۋسىز جاو-نىڭ 3599 ارەندالىق پاتەرى (189 000 م²);
  • جاو نەسيەلىك تۇرعىن ٴۇيىنىڭ 14 815 پاتەرى – مقق (900 700 م²);
  • بد نەسيەلىك تۇرعىن ٴۇيدىڭ 588 پاتەرى (35 100 م²);
  • ساتىپ الۋمەن «قيك» اق 1859 ارەندالىق پاتەرى (103 مىڭ م²);
  • سقجمق 5251 كوممەرسيالىق پاتەرى (286 100 م²);
  • قدب قورىتىندىلاۋشى جوبالارى بويىنشا 1716 پاتەر (113 000 م²).

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي