BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» باعدارلاماسىمەن سالىنعان ارزان باسپانالار وتپەي تۇر

فوتو: автор

قوستانايدىڭ زارەچنىي اۋىلىندا جاڭادان بوي كوتەرگەن «سولتۇستىك» شاعىن اۋدانىنداعى «نۇرلى جەر» مەملەكەتتىك باعدارلاماسى اياسىندا سالىنىپ جاتقان باسپانالارعا تۇرعىندار تاراپىنان سۇرانىستىڭ بولماۋى جەرگىلىكتى بيلىكتى قاتتى الاڭداتۋدا. اتالمىش اۋىلدا جەكە باسپانا سالۋ ٴۇشىن مەملەكەتتەن تەگىن جەر الۋ ٴۇشىن كەزەكتە 3 مىڭنان استام ادام تۇرسا دا بۇل باعدارلاماعا قاتىسۋعا تىلەك بىلدىرگەندەرى ساۋساقپەن سانارلىق. سوندىقتان، قۇرىلىس جۇمىستارىن جۇرگىزىپ جاتقان ەكى مەردىگەر دە ۋاقىتشا جاڭا ۇيلەردىڭ ىرگەتاسىن قالاۋدى توقتاتا تۇرۋعا شەشىم قابىلداپتى، دەپ حابارلايدى baq.kz ٴتىلشىسى.

«ٴبىز بۇل جوبانى ىسكە اسىرۋعا ٴوزىمىزدىڭ قارجىمىزدى جۇمساپ وتىرمىز. سوندىقتان، باسپانا الۋعا تىلەك بىلدىرگەندەر قارجىلاندىرۋ ماسەلەسىن شەشكەندە عانا ىسكە كىرىسەتىن بولامىز. ال، بۇعان دەيىنگى سالىنعان ۇيلەرگە سۇرانىس بولماعاندىقتان ٴبىز جاڭا ٴۇيدىڭ ىرگەتاسىن قالاۋدى توقتاتتىق»، – دەيدى مەردىگەر «يرينا ي ك» جشس ديرەكتورى الەكساندر كورچينسكيي.

جەرگىلىكتى بيلىك جوعارىدا اتالعان شاعىن اۋداندا بارلىق ينفراقۇرىلىمدى تارتىپ، ٴۇيدى زامان تالابىنا ساي سالىپ بەرۋدىڭ جولىن تاپقانىمەن ٴىس العا باسار ەمەس. بۇل جەردەگى بار ماسەلەگە مەملەكەتتىك باعدارلاماعا سەلقوستىق تانىتىپ وتىرعان تۇرعىنداردىڭ وزدەرى كىنالى ەكەن.

«سولتۇستىك» شاعىن اۋدانىندا جەكە باسپانالاردى سالىپ جاتقان قۇرىلىس فەرمالارى بيىل عانا ىسكە قوسىلعان «نۇرلى جەر» باعدارلاماسى شەڭبەرىندە جۇمىس ىستەۋدە. وسى ۋاقىتقا دەيىن زارەچنىي اۋىلىندا تۇرعىن ٴۇي سالۋ ٴۇشىن جەر تەلىمىن الۋعا كەزەكتە تۇرعانداردىڭ بارلىعىنا جەرىمەن قوسىپ دايىن ٴۇي سالىپ بەرەتىندىگى جونىندە بىرنەشە جيىن ٴوتتى. جۇرتشىلىق بارلىعىنان حاباردار بولدى. وكىنىشتىسى سول ولاردىڭ تاراپىنان وسى ۋاقىتقا دەيىن ەشقانداي قىزىعۋشىلىق بولعان جوق. بۇل ۇيلەردى قاراجاتى بارلار سول جەردە ساتىپ الۋىنا بولاتىن ەدى، قالتاسى كوتەرمەيتىندەر «تۇرعىن ٴۇي قۇرىلىس جيناق بانكى» اق ارقىلى نەسيە الا الادى.

«زاڭ بويىنشا بۇل باسپانالاردىڭ ٴاربىر شارشى مەترى 120 مىڭ تەڭگەدەن اسپاۋى كەرەك. ال، باسپانالاردى سالىپ جاتقان ەكى فيرما دا 115 مىڭ تەڭگەنى بەلگىلەپ وتىر. مۇندا سالىنىپ جاتقان ۇيلەردىڭ اۋماعى 90-نان 110 شارشى مەتر ارالىعىندا. 90 شارشى مەتر بولاتىن ٴۇيدىڭ جالپى قۇنى – 10 ملن 350 مىڭ تەڭگە. ساتىپ الۋشى جالپى قۇنىنىڭ 30 پايىزىن الىن الا تولەۋى كەرەك. ول شامامەن 3،1 ملن تەڭگەنى قۇرايدى. ودان كەيىن بانككە اي سايىن 70 مىڭ تەڭگە تولەپ تۇرۋى كەرەك»، – دەيدى «قازاقستان تۇرعىن ٴۇي قۇرىلىس جيناق بانكى» اق قوستاناي وبلىستىق ٴبولىمىنىڭ ديرەكتورى بوتاگوز قاماروۆا.

بيىل 100 ٴۇي سالۋدى كوزدەگەن جەرگىلىكتى اكىمدىكتىڭ جوسپارى توقىراۋدىڭ از-اق الدىندا تۇر. مىسالى، سوڭعى دەرەك بويىنشا باسپانا الۋعا تولەم قابىلەتتەرىنىڭ بارىن راستاپ شىققان 28 وتباسى عانا بولىپ وتىر. ونىڭ جەتەۋى جاڭا سالىنعان تۇرعىن ٴۇيدى دايىن اقشاسىنا الۋعا نيەتتى. 2020 جىلعا دەيىن وسىندا 279 باسپانا سالۋ كەرەكتىگىن ەسكەرسەك، كوكەيگە كۇمان ورالادى.

«ٴبىز تىعىرىقتان شىعۋدىڭ جولىن تابامىز. سوندىقتان، بۇل مەملەكەتتىك باعدارلاما ورىندالماي قالادى دەپ بايبالام سالۋدىڭ قاجەتتى جوق»، – دەيدى قوستاناي اۋدانى اكىمىنىڭ ورىنباسارى مەيرام سوقىتبايەۆ.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي