BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» باعدارلاماسى اياسىندا 8 دارىگەر باسپانالى بولدى

ەلباسى ن.ٴا.نازاربايەۆتىڭ تاپسىرماسىمەن قازاقستاندىق وتباسىلاردى قولجەتىمدى تۇرعىن ۇيمەن قامتاماسىز ەتۋگە ارنالعان «نۇرلى جەر» ٴبىرىڭعاي تۇرعىن ٴۇي قۇرىلىسى باعدارلاماسى جاسالعانى بارشاعا ايان. اتالعان باعدارلاما اياسىندا قر دەنساۋلىق ساقتاۋ مينيسترلىگى مەن «قازاقستاندىق يپوتەكالىق كومپانيا» اق اراسىنداعى مەموراندۋمنىڭ جۇزەگە اسۋىمەن مەديسينا سالاسىنىڭ قىزمەتكەرلەرى دە باسپانالى بولۋدا، دەپ حابارلايدى baq.kz اقپارات اگەنتتىگى.

بۇگىن پەدياتريا جانە بالالار حيرۋرگياسى عىلىمي ورتالىعىنىڭ باسشىسى ريزا بورانبايەۆا «نۇرلى جەر» باعدارلاماسى بويىنشا الماتى قالاسى «العاباس» اۋدانىنان باسپانالى بولعان 8 قىزمەتكەردى قۋانىشتارىمەن قۇتتىقتاپ، سىي-سىياپات جاسادى.

كوپتەن كۇتكەن قۋانىشتارىمەن ورتالىق ۇجىمى مەن باسشىلىعى، بارشا ارىپتەستەرى مەن دوستارى قۇتتىقتاپ، ىزگى نيەت تىلەكتەرىن ٴبىلدىردى.

«جاڭا پاتەرگە قول جەتكىزگەن ورتالىق قىزمەتكەرلەرىن قۋانىشتارىمەن قۇتتىقتايمىن! مەديسينالىق مەكەمەلەر ىشىندە ٴبىزدىڭ ورتالىقتىڭ قىزمەتكەرلەرى ەڭ كوپ پاتەر كىلتىنە يە بولدى. ٴالى دە ٴبىر قىزمەتكەرىمىزدىڭ ٴوتىنىشى قارالۋدا. «نۇرلى جەر» باعدارلاماسى دارىگەرلەردىڭ باسپانا ماسەلەسىن شەشىپ قانا قويماي، ەلىمىزدىڭ كادر الەۋەتىن ارتتىرۋعا ٴوز سەپتىگىن تيگىزەرى ٴسوزسىز. بالا دەنساۋلىعىن نىعايتۋعا قوسار ۇلەستەرىڭىز كوپ بولسىن! قونىستارىڭىز قۇتتى بولسىن! ۇيلەرىڭىزدىڭ شاڭىراعى بيىك، كەرەگەسى كەڭ بولىپ، جاڭا ٴۇيدىڭ ىشىندە تەك تاتۋلىق پەن بەرەكە، قۋانىش پەن باقىت، قۇت پەن ىرىس سالتانات قۇرسىن!» - دەپ اق تىلەگىن ٴبىلدىردى ر.بورانبايەۆا.

پاتەر كىلتىنە ارنايى ىرىكتەۋ بويىنشا كوپ جىلداردەن بەرى مەديسينا سالاسىنا بار ٴومىرىن ارناپ، ولشەۋسىز ۇلەس قوسىپ كەلە جاتقان بىلىكتى دارىگەرلەرمەن قاتار، جاس دارىگەرلەر دە يە بولدى. جىلدار بويى جاڭا قونىستى كۇتكەن دارىگەرلەردىڭ قۋانىشىندا شەك جوق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي