BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» اياسىندا 1500 قاراعاندىلىق باسپانالى بولماق

فوتو: автор

قاراعاندى، baq.kz ٴتىلشىسى. 2018-2019 جىلدارى قاراعاندىدا بىرنەشە تۇرعىن ٴۇي سالىنىپ، پايدالانىلۋعا بەرىلەدى. «تۇرعىن ٴۇي قۇرىلىس جيناق بانكىنىڭ» قاراعاندىلىق 1 500 سالىمشىسى «ايماقتاردى دامىتۋ باعدارلاماسى – 2020» جانە «نۇرلى جەر» مەملەكەتتىك باعدارلامالارى ارقىلى باسپانالى بولۋعا مۇمكىندىكتەرى بار.

ەلىمىزدەگى الەۋمەتتىك تۇرعىدان ەڭ وزەكتى پروبلەمالاردىڭ ٴبىرى – ازاماتتاردى قولجەتىمدى باسپانامەن قامتاماسىز ەتۋ ماسەلەسى ايماقتا ٴتيىمدى جولمەن شەشىلىپ جاتىر. وعان مىسال، قالانىڭ ٴار اۋدانىندا قارقىندى سالىنىپ جاتقان تۇرعىن ۇيلەر. قاراعاندىنىڭ وڭتۇستىك-شىعىس شاعىن اۋدانىندا سالىنىپ جاتقان كوپقاباتتى ۇيلەردە جالپى سانى 1536 پاتەر پايدالانىلۋعا بەرىلمەك. بۇنىڭ ىشىندە 1389 پاتەر «نۇرلى جەر» مەملەكەتتىك تۇرعىن ٴۇي باعدارلاماسى ارقىلى شارشى مەترىنە 140 مىڭ تەڭگەدەن ساتىلسا. قالعان 147 پاتەر «ايماقتاردى دامىتۋ-2020» باعدارلاماسى نەگىزىندە شارشى مەترىنە 100 مىڭ تەڭگەدەن ساتىلادى.

«نۇرلى جەر» باعدارلاماسىنا قاتىسۋعا نيەتتى تۇرعىندار 2018 جىلدىڭ 26 قاراشاسىنان باستاپ بانكتىڭ عالامتورداعى hcsbk.kz پاراقشاسىنان جەكە كابينەتى ارقىلى نەمەسە baspana.kz پورتالى بويىنشا ٴوتىنىش جىبەرە الادى. بانك ٴقازىر 74 پاتەردى ساتىلىمعا شىعارىپ وتىر. بۇل - «ايماقتاردى دامىتۋ-2020» باعدارلاماسى بويىنشا ساتىلاتىن پاتەرلەر. تازا ارلەۋدەگى پاتەرلەردىڭ 1 شارشى مەترىنىڭ قۇنى 100 مىڭ تەڭگەنى قۇرايدى. ٴۇي «پانەل ورتالىق» ىقشام اۋدانىندا ورنالاسقان. جىل سوڭىنا دەيىن وسى ىقشام اۋداندا قوسىمشا 45 پاتەردى ساتىلىمعا شىعارامىز. ولاردىڭ 1 شارشى مەترىنىڭ قۇنى 140 مىڭ تەڭگەدەن»، - دەيدى «تۇرعىن ٴۇي قۇرىلىس جيناق بانكى» اق قوف ديرەكتورىنىڭ ورىنباسارى قۋات تولەۋحانوۆ.

فوتو: اۆتور

باسپانا باعدارلاماسىنا قاتىسۋ ٴۇشىن قاراعاندى وبلىسىنىڭ كەز كەلگەن تۇرعىنى «تۇرعىن ٴۇي قۇرىلىس جيناق بانكىنىڭ» سالىمشىسى بولىپ، پاتەر قۇنىنىڭ 20 پايىزىن تولەسە بولعانى. نەسيەنىڭ جىلدىق مولشەرلەمەسى 5 پايىزدى قۇرايدى. مىسالى، باعاسى 5،6 ملن تەڭگە بولاتىن ٴبىر بولمەلى پاتەردى ساتىپ الۋ ٴۇشىن بانكتەگى دەپوزيتكە 1،1 ملن تەڭگە جيناۋ جەتكىلىكتى.

مەملەكەتتىك باعدارلاما ۇيلەرى جەڭىلدەتىلگەن شارتتارمەن بەرىلەتىندىكتەن، ۇمىتكەرلەرگە قويىلاتىن بەلگىلى ٴبىر تالاپتار بار. قولجەتىمدى باسپاناعا يە بولعىسى كەلەتىندەر قازاقستان رەسپۋبليكاسىنىڭ ازاماتى نەمەسە ورالمان مارتەبەسىنە يە بولۋى كەرەك. ٴوتىنىش بەرۋشى مەن ونىڭ وتباسى مۇشەلەرىندە سوڭعى 5 جىل ىشىندە قر اۋماعىندا جەكە مەنشىك ٴۇيى بولماعانى ابزال. سونداي-اق، ۇمىتكەر تولەم قابىلەتتىلىگىن راستاي الۋى شارت.

«تۇرعىن ٴۇي قۇرىلىس جيناق بانكى سالىمشىلارى مەملەكەتتىك باعدارلامالاردان بولەك «ٴوز ٴۇيىم» اتتى بانكتىڭ جەكە باعدارلاماسى بويىنشا باسپانا ساتىپ الا الادى. ولار ٴۇشىن كوگىلدىر توعاندار ىقشام اۋدانىندا سالىنىپ جاتقان كوپقاباتتى تۇرعىن ۇيدەن ٴۇش بولمەلى 5 پاتەر جانە ەكى بولمەلى 5 پاتەر ۇسىنىلىپ وتىر. مۇنداعى باستاپقى ارلەۋدەگى پاتەرلەردىڭ 1 شارشى مەترىنىڭ باعاسى – 160 مىڭ تەڭگە. بۇل ۇيدە كوڭىلىڭىزدەن شىققان پاتەردى ساتىپ الۋ ٴۇشىن شوتىڭىزدا پاتەر قۇنىنىڭ 20 پايىزى بولسا جەتكىلىكتى. نەسيەنىڭ جىلدىق مولشەرلەمەسى 7 پايىزدان كوپ ەمەس. سونىمەن قاتار، مەنشىگىڭىزدە باسقا ٴۇيدىڭ بولۋى رۇقسات ەتىلەدى»، - دەيدى ق.تولەۋحانوۆ.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي